找回密碼
 新用戶註冊
搜索
熱搜: hifi av 音樂
查看: 40838|回復: 190

[分享] Inakustik nf-204 and ls-204xl 開箱+報告

[複製鏈接]
發表於 2020-8-4 17:20:21 | 顯示全部樓層 |閱讀模式
本帖最後由 一休大師 於 2020-8-4 17:35 編輯

身痕痕, 又想買啲嘢玩,見inakustik新系列micro air我又未玩過, 咁就揀咗隻 大眾化系列 買嚟玩下! 當然整返個開箱文啦!去片!

評分

17

查看全部評分

 樓主| 發表於 2020-8-4 17:20:52 | 顯示全部樓層
本帖最後由 一休大師 於 2020-8-4 17:26 編輯



評分

4

查看全部評分

回復

使用道具 舉報

 樓主| 發表於 2020-8-4 17:26:56 | 顯示全部樓層
本帖最後由 一休大師 於 2020-8-6 09:12 編輯

試咗兩日, 終於有報告出喇, 大體上 我會用八個字形容佢," 順滑透明, 豐潤寧靜"!

咁試嘅時候我全套用咗inakustik, 兩條電源線都係AC-2502f, 訊號線就係204 xlr, 喇叭線就係204xl! 照舊都係用番啲熟口熟面嘅 cd去餵佢! 畀我嘅感覺呢, 同我用開嘅502 1002 都幾唔同嘅! 順滑感 同埋流暢度 做得非常之好, 好明顯幼細好多, 分析力亦都提高( 喺鋼琴嗰度可以聽得出來), 可能係新技術, 感覺啲電畀得好好, 收放好自如, 好似個油門好敏感咁, 大細力一下一下, 比油去, 唔畀油又即刻停, 感覺好正, 由於佢個分析力 同埋空氣諧波 做得好, 加上夠靜, 加埋個 控制自如嘅油門, 成個畫面好有牽引力, 古典常見嘅左右交替, 成個畫面就連住咁去, 係好有感覺嘅! 速度方面 一樣啦, 應快嘅快, 應慢嘅慢, 不嬲佢都唔搞呢啲嘢, 所以仍然係正常! 由於油門做得好, 細微嘅動態 你都會感受到, 音場方面 會大啲 推後少少! 人聲方面 都做得幾啱啱好, 唔會好大個口, 亦唔會收到好細, 流行曲就中間位, 古典方面就細少少, 正正係我喜歡嗰種 大細! 中頻方面 唔係厚嗰種, 中中地, 不過幾細膩, 好多變化你都會聽得到, 低頻量感我都覺得幾好, 但就唔係好實淨嗰種, 係聽古典嗰種嘅低頻, 所以我話豐潤, 唔係因為佢厚聲, 而係因為佢一浸浸低頻 傍住你嗰個感覺, 加上個空氣感諧波, 就得出咗呢個豐潤嘅感覺, 有時候你會聽到一啲碟 高音 某個位 會好響, 咁用咗呢個組合, 嗰個位就冇咗, 可能係控制力好咗, 亦可能被修飾! 咁至於順滑方面, 有時你會聽到粗鞋嘅感覺, 例如小提琴, 咁換咗呢套線, 就變咗順滑咗! 至於透明感, 你會感覺到 樂器甩曬箱, 樂器同樂器之間嘅距離 亦都長咗, 左右前後 伸廷甘撐出去, 所以 舞台感 亦係好正! 動態仍然係保持到水準, 活生 唔會悶嘅感覺, 整體調聲 我覺得係偏向古典方面 多啲! 金屬感 敲擊 號角吹上去嘅感覺 仍然係做得好! 大提琴嘅質感 仍然係好正! 咁講咗咁多優點 就梗係有缺點, 至少我未見過完美嘅嘢, 爵士鼓方面, 由於順滑咗, 你會覺得爭啲熱刺感, 佢嘅音場 因為 撐咗出去, 埋身嘅質感 相對地都少咗, 爆發力 嘅力量 應該係畀佢soft咗, 爆發力佢係有, 但爆發力嘅力量 我覺得502/1002 做得好啲! 咁呢次嘅比較, 我當然會攞返502同1002去比較下啦, 雖然204xl 貴佢哋一倍, 但係我都唔覺得佢係贏曬,502/1002 相對地質感 同埋爆發嘅力量 畀204xl 來得好, 由於空氣感泛音502/1002 冇204 咁犀利, 所以畫面嘅樂器 會來得更加清楚! 音場方面就老實啲, 流行曲嗰陣時會留意到, 有時流行曲 埋身啲 你會覺得更加正確! 睇av 子彈橫飛嗰陣時, 中槍嗰下 我估計就502/1002 會中得應啲, 相對地聲音亦都會厚實啲! 咁其他方面 都係204xl win! 如果畀我形容,502/1002 我會覺得係接近錄音室嗰邊,204xl 就會係home hi-fi 音樂性相對地做得好啲! 如果唔想呢個性格咁重, 其實我試過各自換走一对, 係可以將佢哋溝淡, 例如我只係用nf-204 平衡線 去配搭1002, 配搭個結果 喺我套器材入面, 我覺得係啱啱好, 我都幾鍾意! 又或者我試過 用返sommer Excelsior 去配搭 204xl, 都係可以將佢嘅性格溝淡, 嚟返一個平衡, 咁每個人嘅器材唔同 喜歡嘅嘢都唔同, 都冇話一定嘅, 主要係睇自己喜歡, 大體上呢套線性格就係咁! 總評分我會畀92分, 喺爆發力嘅力量 同埋質感方面 我扣咗佢分, 但係基於佢嘅平衡度, 分析力, 整體表現同埋價錢, 我都係喜出望外嘅!

另外一個驚喜 就係佢嘅訊號線, 佢以前嘅訊號線 我都甚為不喜歡, 好記得1603 平衡線, 音場寬度 較為窄, 結象向後牆推, 呢個調教 我十分唔鍾意( 1603 喇叭線 係冇呢啲問題), 但係今次呢條訊號線, 冇再出現嗰個情況, 相反我仲幾鍾意添, 配搭1002嘅時候, 好多嘢都嚟得啱啱好, 係整體平均地好, 加上價錢 唔係特別貴, 比起好多名牌廠 相對來得平, 可能今次改咗線心, 由單支 變為多芯線, 又或者可能新技術, 總之我就覺得佢做得好!

咁報告就係咁多, 多謝收看, 希望大家喜歡

備註: 咁整體 我都只係玩咗兩日啫! 之後runin下 或者有改變, 我都會補充返落去, 我唔怕瘀皮嘅, 放心! 有錯我一定會改返 最緊要出自真心分享, 係咪先? wakakakakakakakaka

補充返先, 呢條線唔知係咪新設計, 令到佢軟熟咗好多, 好行好多, 以前搞1603/2404 出曬汗都未搞掂, 呢條就好輕鬆 好正, 呢度真係抵讚, 有進步
另外佢個XLR平衡頭 都做得幾靚, 插咗落去用手搖下佢, 都幾紮實穩固 !( 我都唔明neutrik頭 硬係鬆泡泡咁, 使用上就冇問題, 但係感覺唔好囉! 人哋sommer嗰隻hicon頭 都係好實淨㗎嘛)

評分

15

查看全部評分

回復

使用道具 舉報

發表於 2020-8-4 17:46:28 | 顯示全部樓層
恭喜大師又有新玩具,ls204是系列中最高嗎
回復

使用道具 舉報

 樓主| 發表於 2020-8-4 18:14:53 | 顯示全部樓層
jack 發表於 2020-8-4 17:46
恭喜大師又有新玩具,ls204是系列中最高嗎

ls-204xl 係micro air 入面就係最高嗰條,ls-204 就係第二條, 四芯同埋六芯嘅分別!

評分

2

查看全部評分

回復

使用道具 舉報

發表於 2020-8-4 18:57:40 | 顯示全部樓層
師兄,請問d 線在那裹買?
回復

使用道具 舉報

 樓主| 發表於 2020-8-4 20:09:19 | 顯示全部樓層
sevenseal 發表於 2020-8-4 18:57
師兄,請問d 線在那裹買?

我都係喺樓下 捷豐買咋!( 紅磡廣場)! 因為就腳 , 近屋企 所以成日身痕 ! 咁當然都係行貨啦!

評分

2

查看全部評分

回復

使用道具 舉報

發表於 2020-8-4 20:53:37 | 顯示全部樓層
一休大師 發表於 2020-8-4 20:09
我都係喺樓下 捷豐買咋!( 紅磡廣場)! 因為就腳 , 近屋企 所以成日身痕 ! 咁當然都 ...

唔該晒,師兄
回復

使用道具 舉報

發表於 2020-8-4 21:11:07 | 顯示全部樓層

駁左未? 好心急
回復

使用道具 舉報

發表於 2020-8-4 21:24:17 | 顯示全部樓層
期待報告!尤其想了解同暢銷多年的502/603的分別!
回復

使用道具 舉報

 樓主| 發表於 2020-8-4 21:30:48 | 顯示全部樓層
racewong 發表於 2020-8-4 21:11
駁左未? 好心急

煲緊喇! 咪咁心急啦 ! 佢呢個價位好多人都可以買嚟玩下, 所以測試都要認真少少 , 希望將會想買嘅人, 都可以知多少少佢嘅特性 , 咁份報告 先至有價值

評分

6

查看全部評分

回復

使用道具 舉報

 樓主| 發表於 2020-8-4 21:33:53 | 顯示全部樓層
Legionee 發表於 2020-8-4 21:24
期待報告!尤其想了解同暢銷多年的502/603的分別!

絕對會比較下502, 初步聽落去 都聽到佢新技術嘅好處, 呢間廠 真係唔係無聊出㗎喎

評分

1

查看全部評分

回復

使用道具 舉報

發表於 2020-8-4 22:42:57 | 顯示全部樓層
唔知大師嘅大眾化咩價位呢?方便可PM嗎?
回復

使用道具 舉報

發表於 2020-8-5 02:40:25 | 顯示全部樓層
一休大師 發表於 2020-8-4 21:33
絕對會比較下502, 初步聽落去 都聽到佢新技術嘅好處, 呢間廠 真係唔係無聊出㗎喎  ...

反而想知同同價位嘅803比較如何?
回復

使用道具 舉報

發表於 2020-8-5 02:48:26 | 顯示全部樓層

條2502電源線又如何?
回復

使用道具 舉報

 樓主| 發表於 2020-8-5 09:09:54 | 顯示全部樓層
vincentfung 發表於 2020-8-5 02:40
反而想知同同價位嘅803比較如何?

803 我未玩過

評分

1

查看全部評分

回復

使用道具 舉報

 樓主| 發表於 2020-8-5 09:20:00 | 顯示全部樓層
本帖最後由 一休大師 於 2020-8-5 09:21 編輯
vincentfung 發表於 2020-8-5 02:48
條2502電源線又如何?


咦! 條AC-2502f線出咗咁耐, 我以為個個都已經玩過添, 所以就冇出報告! 不過條線其實都好簡單嘅啫,係 頂底伸延 分析力 線條 控制力 同埋力度 全部好dd, 係咁多, 音色上都冇咩改變嘅, 我貪佢似 跟机線 咁解啫, 正正常常, 又平! 你知啦 如果太沉溺 嗰啲線, 我自己嚟講唔係太鍾意!

評分

2

查看全部評分

回復

使用道具 舉報

發表於 2020-8-5 10:12:34 | 顯示全部樓層
一休大師 發表於 2020-8-4 21:33
絕對會比較下502, 初步聽落去 都聽到佢新技術嘅好處, 呢間廠 真係唔係無聊出㗎喎  ...

話晒inakustik都係大廠呀, 點會出D  無聊野.  
回復

使用道具 舉報

發表於 2020-8-5 10:36:42 | 顯示全部樓層
恭喜一休大師

評分

1

查看全部評分

回復

使用道具 舉報

發表於 2020-8-5 11:04:09 | 顯示全部樓層
一休大師 發表於 2020-8-5 09:20
咦! 條AC-2502f線出咗咁耐, 我以為個個都已經玩過添, 所以就冇出報告! 不過條線其實都好簡單嘅啫,係 ...

意思係同跟機黑雞比好dd?
回復

使用道具 舉報

您需要登錄後才可以回帖 登錄 | 新用戶註冊

本版積分規則

Archiver|小黑屋|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2024-3-29 01:37 , Processed in 0.051688 second(s), 17 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表