找回密碼
 新用戶註冊
搜索
熱搜: hifi av 音樂
查看: 6561|回復: 18

[分享] Mcintosh CS3M speaker cable 開箱+報告

[複製鏈接]
發表於 2021-3-15 16:59:19 | 顯示全部樓層 |閱讀模式
本帖最後由 一休大師 於 2021-3-15 17:04 編輯

等到一休也謝了 , 終於都到! 整返個開箱文先!

相信好多老麥frds 都會想睇下報告, 我會留位遲下出! 有興趣嘅 ,記得畀返個like
Screenshot_20210315-164528_Gallery.jpg
Screenshot_20210315-164543_Gallery.jpg
Screenshot_20210315-170313_Gallery.jpg

評分

26

查看全部評分

 樓主| 發表於 2021-3-15 16:59:32 | 顯示全部樓層
本帖最後由 一休大師 於 2021-3-18 19:02 編輯

聽咗幾日,嗯... 大致上都知道佢搞乜, 都可以出返個報告, 基本上可以用, 高音甜, 中音準, 低音勁, 去形容佢 , 唔係講笑, 真係有呢個感覺, 一插落去, 開聲嘅時候 就有種老麥返咗嚟嘅感覺, 而且 另外仲覺得一種似曾相識嘅線性, 嗰隻牌子就係mogami, 高音係自然, 聲音略帶黏性 ,人聲樂器質感係夠, 低頻爽勁 有力, 當然佢係比mogami 修飾一啲, 例如佢唔會惡聲, 會騷擾或者攻擊性嘅嘢, 佢會同你收一收! 試嘅時候 電源線依然係inakustik 2502f 同埋訊號線nf204, 因為試嘢想清楚啲, 盡量都唔會改變太多,jumper 就係原裝b&w, 美國嘢, 第一首歌當然係試下 eagles,waaaaaaa 真係唔係講笑, 大呼過癮, 好正, 尤其是低頻, 完全表現到老麥嘅感覺, 中音又好 人聲啱啱好, 結他質感又夠, 高音屬於自然散去嗰種, 雖然唔係立立令, 但係嗰種自然嘅感覺 係足夠嘅, 音場仍然係大, 表現真係非常滿意! 由於佢光位 唔係屬於好光嗰種, 所以明暗對比唔算好強, 但係黑位層次足夠, 令到你就算開細聲, 層次感都非常豐富! 跟住試下流行曲 整隻 永遠是你的 陳慧嫻, 呢隻碟喺嗰個年代 係好鍾意用echo 咁嘅形式, 而且高音非常容易走火, 或者覺得好嘈嘅感覺, 但係呢條老麥喇叭線, 將佢表達得非常之好, 真係去返嗰個年代嗰種感覺, 又係好正, 滿分! 跟住再試 Eva cassidy 或者係 norah Jones, 都係完全冇問題, 輕鬆就可以過曬關! 然後出場 又係黑教堂, 試一試空氣在流動嘅感覺, 竟然係一樣出到, 不過呢樣嘢我會懷疑係805d3 嘅功勞, 但呢一個人聲 我就覺得爭啲高貴感, 冇vdh 表達得咁好, 跟住再試下卡拉揚 嘅卡門, 舞臺女聲走位 仍然係出色, 不過之後 人哋後面嗰排突然高呼嘅時候, 嗰個力感同埋震撼力, 明顯比vdh弱, 應該係 修飾左 強位嘅效果! 之後再試就梗係弦樂四重奏,嗯....... 呢度就見到佢明顯嘅不足, 我經常性話 古典對唱 交替 嘅手法, 明顯被削弱咗, 合拍同刺激嘅程度, 亦都相對冇inakustik 表現得咁好, 雖則 佢質感 係夠, 但係藝術感 同老麥嘅機一樣, 就係爭啲, 亦都唔會有銀光閃閃, 小提琴腰腰哋嘅感覺, 明顯地速度同埋 微動態, 都係爭啲! 咁樣對 演出者原本想表達嘅嘢 就會被影響到! 不過我都係同inakustik 去比較姐, 唔係話佢冇呢樣嘢! 之後去試火鳥, 大致上都係呢啲感覺! 唔夠刺激! 但係不得不承認, 佢夾佢自己嘅機, 真係有一個合拍點, 例如佢嘅低頻, 真係好正嘅, 完全表現到老麥嘅感覺, 高音平時嘅轉彎位 有啲生硬, 呢條線亦都可以幫到手, 相信設計者 係真係有諗過度過! 咁試完呢啲嘢, 二話不說 放埋條mcintosh信號線落去, 大致上都係同喇叭線性格一樣, 加強 老麥 嘅優點, 修飾佢嘅缺點!

咁照常理, 我自己一向喜歡 德國式嘅口味, 理論上呢組線係唔啱我口味, 但係佢嘅好處, 亦都吸引咗我, 繼續插住先 嘆下, 順便溫in長啲時間, 我自己 暫時 想法係, 如果你古典唔係主力, 而你本身用緊老麥, 真係絕對值得購買, 但係如果你本身 係比較鍾意 好sharp醒嘅感覺, 可能就未必適合, 鍾意嘆世界, 我覺得就幾好! 以前我自己用cardas clear, 都好快會掹返出嚟, 因為修飾太重太滑, 我自己唔喜歡呢種感覺, 但係呢條老麥線, 佢冇做到咁樣, 而且低音係爽勁, 線性除咗仍然係好中性之餘, 亦都唔會過份收飾, 頻段亦都唔會好突兀, 非常之平衡! 通常你睇電視 駁落去hifi度, 如果頻段 有問題, 你都會覺得好奇怪, 例如高音多, 你就會好容易feel到, 但係佢冇出現呢啲問題, 明珠台睇戲 都仍然係好過癮, 平衡度做得好好!!!

咁另外 有一個敗筆, 就係佢冇出蕉插, 用叉嘅時候,805d3 個patpat會頂住, 而且仲要係金屬, 即係話如果跣咗落嚟, 就會 好容易 短路! 咁我唯有喺嗰個位置 包啲熱縮膠, 去防止佢短路, 但係就冇咁靚仔

價錢 如果係 3M就係兩萬幾蚊, 訊號線1m 就係六千零蚊 埋單, 至於值唔值, 如果你問我 我就一定覺得貴, 因為兩萬幾蚊已經可以買siltech! 不過如果你用老麥, 除咗有品牌效應, 如果喜歡呢個線性, 都值得買嘅! 因為夾出嚟嗰個效果, 係真係幾正嘅! ! 叫做唔使左試右試! 就可以出番原本老麥 想表達嘅嘢 同埋玩法!

咁報告暫時就係咁多! 希望大家喜歡! 順便呃下like
Screenshot_20210318-120930_Gallery.jpg
Screenshot_20210318-120920_Gallery.jpg

評分

6

查看全部評分

回復

使用道具 舉報

發表於 2021-3-15 17:25:26 | 顯示全部樓層
原來老麥有出喇叭線
回復

使用道具 舉報

發表於 2021-3-15 20:02:48 | 顯示全部樓層
好靚喎, 原來有出喇叭線 , 唔知貴唔貴呢?
回復

使用道具 舉報

 樓主| 發表於 2021-3-16 09:21:13 | 顯示全部樓層
係呀! 佢係有出喇叭線 ! 價錢重好貴tim , 成兩皮幾呀 , 可以買到siltech架 la

評分

1

查看全部評分

回復

使用道具 舉報

發表於 2021-3-16 11:32:55 | 顯示全部樓層
一休大師 發表於 2021-3-16 09:21
係呀! 佢係有出喇叭線 ! 價錢重好貴tim , 成兩皮幾呀 , 可以買到siltech架 ...

兩皮幾買 Siltech 就真係.....................
回復

使用道具 舉報

發表於 2021-3-16 14:40:24 | 顯示全部樓層
一休兄
要聽佈告比較 CS3M 同價位
F9D412C9-D1B6-40FF-A148-155C4F4C5EE3.jpeg
回復

使用道具 舉報

 樓主| 發表於 2021-3-16 15:13:51 | 顯示全部樓層
FET 發表於 2021-3-16 14:40
一休兄
要聽佈告比較 CS3M 同價位

咁就真係難搞, 琴日聽咗幾粒鐘, 心裏都有數, 你呢條係我鍾意嘅品牌, 一條係我啱啱買咗嘅品牌! 一條係冷艷, 一條係厚暖, 都好難比較! ! 咁我自己 一向都係鍾意啲B仔 octave siltech 呢類嘢, 大家都知我口味 取向係點樣! 不過, 先賣個關子, 呢條都有啲驚喜嘅, 幾得意嘅! 不過都仲要啲時間, 分開幾日 ,洗一洗隻耳, 費事習慣咗, 再睇下先有報告!
回復

使用道具 舉報

 樓主| 發表於 2021-3-18 12:12:26 | 顯示全部樓層
初期報告 終於出咗啦, 有興趣嘅大家就睇下啦
回復

使用道具 舉報

發表於 2021-3-25 16:44:49 | 顯示全部樓層
報告今日先見到
回復

使用道具 舉報

發表於 2021-3-25 18:01:19 | 顯示全部樓層
報告..須要更新。
因大師已另有所愛, 舊物已走。

評分

1

查看全部評分

回復

使用道具 舉報

 樓主| 發表於 2021-3-25 18:13:27 | 顯示全部樓層
Eric2004 發表於 2021-3-25 18:01
報告..須要更新。
因大師已另有所愛, 舊物已走。

收風咁快㗎 ! 醜婦終須見家翁, 未玩得好, 仲要係好有難度嗰隻

放返條片 分享畀大家 聽下啦! 都係麥景圖喇叭線, 都係嗰set嘢, 淨係換咗喇叭

https://youtu.be/db1wRje27Qg

評分

2

查看全部評分

回復

使用道具 舉報

發表於 2021-3-25 18:23:52 | 顯示全部樓層
Eric2004 發表於 2021-3-25 18:01
報告..須要更新。
因大師已另有所愛, 舊物已走。

是M字头 会发声的物体

評分

1

查看全部評分

回復

使用道具 舉報

發表於 2021-3-26 09:35:42 | 顯示全部樓層
回復

使用道具 舉報

 樓主| 發表於 2021-3-26 10:11:34 | 顯示全部樓層
不過呢對喇叭真係好難推, 我試過部ma9000開到七十幾, power guard 有幾下 閃燈 , 以前805d3 最盡都只係可以開到50, 今次真係一個考驗! 不過出奇地夾得幾好 , 呢樣嘢我都覺得好奇怪
回復

使用道具 舉報

發表於 2021-3-26 10:15:22 | 顯示全部樓層
大師恭喜晒

評分

1

查看全部評分

回復

使用道具 舉報

 樓主| 發表於 2021-3-26 10:20:41 | 顯示全部樓層
本帖最後由 一休大師 於 2021-3-26 10:22 編輯


謝謝!

跟住我又試過, 換番啲inakustik 落去, 效果竟然係唔夾 , 佢係要啲厚實飽滿嘅嘢!mcintosh 喇叭線 就夾到離曬譜, 真係吹脹! 遲下我都會出返個post 分享下玩呢对大肚腩
Screenshot_20210326-102147_Gallery.jpg
回復

使用道具 舉報

發表於 2021-3-30 00:03:59 | 顯示全部樓層
一休大師 發表於 2021-3-26 10:11
不過呢對喇叭真係好難推, 我試過部ma9000開到七十幾, power guard 有幾下 閃燈 , 以前805d3 最 ...

所以大師要把9000再次升級 期待中。。。
回復

使用道具 舉報

 樓主| 發表於 2021-3-30 08:27:16 | 顯示全部樓層
romeochris 發表於 2021-3-30 00:03
所以大師要把9000再次升級 期待中。。。

都唔講得係升級, 諗住玩下其他嘢, 老麥 都玩咗差唔多一年, 都係時候 ! 不過講真, 我自己都幾鍾意佢嘅, 屋企冇位啫! 諗緊計仔 可能買啲hifi架 擺喺喇叭後面, 擺埋一二邊先, 有興趣先攞返出嚟玩下, 冇就當裝飾品! 畢竟個樣咁靚仔, 唔好浪費

評分

1

查看全部評分

回復

使用道具 舉報

您需要登錄後才可以回帖 登錄 | 新用戶註冊

本版積分規則

Archiver|小黑屋|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2024-3-29 05:48 , Processed in 0.050544 second(s), 29 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表