黑膠盤墊材選擇

zelo

近日想換塊墊俾個黑膠盤，睇中HRS 嘅M3X2，價格都係射程範圍，想問問大家意見，同級別的有冇其他選擇？CMS black sapphire同M3X2算唔算同grade?

racewong

HRS 嘅M3X2 幾錢??

ConstantK

投票俾M3X2，HRS好似個個師兄都讚，而且又幾靚仔。

studiogrey

好多人都係剛性硬盤用軟調吸震，軟性盤用硬調導/改善諧震。見C兄用AMG v12, 似純硬盤，道理上應該用cms去吸震比較好。

zelo

studiogrey 發表於 2021-7-14 15:57
好多人都係剛性硬盤用軟調吸震，軟性盤用硬調導/改善諧震。見C兄用AMG v12, 似純硬盤，道理上應該用cms去吸 ...

多謝師兄意見，原來HRS同CMS個分別係咁，照咁分咁Symposium 都係屬於軟調吸震，啱硬盤用。
墊材真係好難選擇，真係要靠口碑加小小搏彩心情…

racewong

zelo 發表於 2021-7-14 16:26
多謝師兄意見，原來HRS同CMS個分別係咁，照咁分咁Symposium 都係屬於軟調吸震，啱硬盤用。
墊材真係好難 ...

都唔係丫, 我自己就鐘意CMS多D.

zelo

racewong 發表於 2021-7-15 11:50
都唔係丫, 我自己就鐘意CMS多D.

睇過CMS 個尺寸，成塊係四方形，放上架面好似大咗少少。

inside rack mounting: - 21.5” W X 21.5" D (19” X 19" resting area) X 2.75" H <-依個尺寸應該係板邊尺寸？

studiogrey

好多年前玩過maxxum, 嗰陣時唔識玩，有幾塊金屬片冇落機腳下面，啲聲音會吸得太死。

racewong

studiogrey 發表於 2021-7-15 15:59
好多年前玩過maxxum, 嗰陣時唔識玩，有幾塊金屬片冇落機腳下面，啲聲音會吸得太死。
...

係呀, 東哥好耐之前已經講過, 一定要用果幾塊金屬片.

AS881

HRS之前也好像有OEM 做盤的base給某些牌子!現在就唔知有冇了！CMS 墊板之前也有考慮過但奈何size不太合適,而且較Top model的墊板整体高度也頗厚,視覺上亦不合適,所以選用HRS

zelo

AS881 發表於 2021-7-16 13:53
HRS之前也好像有OEM 做盤的base給某些牌子!現在就唔知有冇了！CMS 墊板之前也有考慮過但奈何size不太合適, ...

師兄講得冇錯，CMS個size真係不太合適，應該唔會選用，所以我仲睇緊除咗HRS仲有冇其他選擇。

zelo

Thixar同SRA有冇師兄用過？評價如何？

Kingtiger

zelo 發表於 2021-7-16 14:47
Thixar同SRA有冇師兄用過？評價如何？

曾好幾次使用 SRA Ohio：用於 Nagra CDP & Jazz stack，用於 AirTight ATM2 integrated amp；用於 Shunyata Triton，最後亦用於 Equ=Tech 3R isolation transformer。首先要注意的是，每個SRA 都是針對它們要承託的unit 的重量而特定制的，因此儘管您可以將它們定制為與承託的unit全齊邊尺寸的美貌，但一旦換機時SRA 又有生意做了。

Nagras 可能太輕吧，又可能是 Kuldeski 在手提錄音設備方面的傳統令它們的電路對諧振控制相當不敏感。 CDP 和JAZZ放在地板上、彼此之間互疊、放SRA 上、放CMS 上或在播放過程中時由我來手聽起來都是一樣的。對於我的 Shunyata Triton 案例，我在 SRA 和 HRS M3之間曾 A/B 過，SRA 是賦予輕微的甜蜜感而討人喜歡。對於ATM2而言，我在 SRA 和 CMS Rize 之間亦曾A/B 但並沒有發現明顯的區別。

關於 SRA 的最後評論是，儘管其網站上都有提供黑色或白色以外的顏色，但除非訂單量很大，否則 SRA 不接受定制custom顏色的訂單。 Virginia 則未曾用過。

studiogrey

小弟都有用SRA，佢係會有柔化同優美化音色嘅作用。我自己瞭解到佢嘅stand裏邊係gel來，底下4隻腳就連接在gel內作isolation. 我會歸納佢做軟調吸震。相信配合師兄嘅硬盤應該都合適。不過佢係訂做尺寸的、誠如tiger大大所講，如果就咁接二手，未必會合你唱盤使用。同埋接二手的話，你要注意佢有分兩隻功能、一款係短腳，一款係長腳。長腳款式，音色會再柔化啲。唱盤應該使用短腳嘅版本比較合適。

studiogrey

唱盤化震係一個全體處理嘅話題。除咗實地去ABA，就咁估應該都好難搵到最優勝嘅組合。就算強如零振台，亦都未必適合每一個唱盤。好似我個garrard 301，如果用零振台嘅話就完全唔啱聲
可以嘅話，hrs同cms都買返嚟試下佢.
呢啲暢銷產品、放返出去都好快有人接。自己試好過聽其他人吹, 例如小弟

AS881

SRA 我有睇過,好處係呢間公司會tailor made 給你部amp或機,唔好的是我唔鐘意個香港代理! 價錢只係由佢地set,網上無任何price reference, 個platform又係成幾时咁高,所以我又

AS881

studiogrey 發表於 2021-7-16 20:23
唱盤化震係一個全體處理嘅話題。除咗實地去ABA，就咁估應該都好難搵到最優勝嘅組合。就算強如零振台，亦都 ...

用得呢Dtop level 墊材,唔好考慮有2手價了,價越高,2手價越賤!賤到你唔願意去放!以我建議,更認為買Dstandard model會好D,如HRS, CMS 等!不是買花讚花香, HRS好處是若之後換機,機重量有变,板可以完全用得番,只要換上不同loading 的釘腳就可,腳的價非常合理, 換腳使用又比較彈性,呢個亦是我用佢原因,板可以keep著曆久嘗新！

Kingtiger

studiogrey 發表於 2021-7-16 20:17
小弟都有用SRA，佢係會有柔化同優美化音色嘅作用。我自己瞭解到佢嘅stand裏邊係gel來，底下4隻腳就連接在ge ...

底層蓝色的elastomer 便是SRA 化震的核心结构，若二手市场相預要留心该elastomer 层是冇爛冇裂。

最後一点值得對樓主題目Thiax vs SRA 比較一提是前者是active 而后者是passive. 纯个人意見，高檔的零震台這麼精密的電子設备，我是会怕终於某年某月有出事后廠可能告知某份零件、電子板等等已停產便大鑊了。我胆小。

Kingtiger

AS881 發表於 2021-7-16 21:24
SRA 我有睇過,好處係呢間公司會tailor made 給你部amp或機,唔好的是我唔鐘意個香港代理! 價錢只係由佢地set ...

不知師兄有否查過美国本土SRA 价？以retail list vs. retail list 比，在當年是本地代理一半左右。通過當地朋友或同事揾星加坡代理入貨亦可悭不少。

AS881

Kingtiger 發表於 2021-7-16 21:52
不知師兄有否查過美国本土SRA 价？以retail list vs. retail list 比，在當年是本地代理一半左右。通過當 ...

如果有香港以外嘅價格作參考就好了！不過我冇刻意再去揾,官網亦寫明價格size因為tailor made所以冇特定,email廠方佢地只refer我揾番這邊代理,,而事實上呢個代理更鐘意將好多牌子 model私有化,向廠方做特別版只有佢地賣, 我就最唔鍾意咁！價格佢地就任開,亦基本只做富豪生意,呢D客價錢唔講究唔在乎,總之你話幾多就幾多,坦白講我唔係呢群亦唔想做羊牯,何況我自己唔鐘意佢咁高,呢個高度就基本上只能放在地下或架的頂層,唔太可能放在架內！所以我都冇再理了!