Audioquest edison 同 Furutech gtx-d ncf（R） 使用分享

一休大師

放咗幾日假， 發燒友就係咁衰， 係都要搵啲嘢玩下， 今次繼續 尋找最好的配搭 美式牆蘇

主力係Audioquest edison同furutech gtx-d ncf（R）

咁其實繼續古河， 都係因為上一次 試咗咁多隻， 最喜歡都係古河純銅， 今次都係繼續試佢啲嘢！AQ 純粹因為未玩過， 所以又買嚟玩下！ 順便寫返啲報告

咁AQ 呢隻牆蘇呢！ 講真！ 真係好有驚喜， 感覺上就好似一隻hubbell 嘅進化版咁樣， 好多嘢都好高分， 又中性 平衡， 寧靜， 質感又夠， 音場又大， 紮紮實實嘅表現， 聽流行曲，jazz， 同埋人聲 都十分高分， 厚實圓潤飽滿， 令我感受到mbl 人聲都可以做得好好， 滿心歡喜！ 但係去到古典， 就會聽到有少少 轉彎位做得唔夠好， 小提琴 呢啲位置特別容易發現到， 表情 爭少少 豐富度， 呢度真係淒涼， 因為我最著重呢個位置， 所以好傷心同埋無奈地 攞返出嚟！ 但係整體上， 我自己都好推薦， 因為實在有好多位置 都做得好好！ 如果唔係刻意好追求呢啲位， 呢隻AQ絕對用得過！ 再加上 可能要夾機同run in， 呢度都有誤差， 所以都係純粹分享下咁解

咁就到古河gtx-d ncf（R）， 呢隻嘢畀我第一個感覺， 就係要將自己砍掉重練， 因為頗為重音色， 要用一個藝術嘅角度 去聆聽佢， 聲音好靚， 高音好華麗， 非常順滑同埋寧靜， 一支笛個泛音 你會聽到好齊全 ，但彈奏嘅質感 明顯力度減弱左d， 低頻係緊緻 量感比較少d，係oyaide R1 啲frd， 但係就畀R1 厚聲番啲， 聽鄧麗君竟然有返以前 金嗓子嘅感覺， 亦即係話化咗妝咁解，waaa 呢度又係加分， 咁呢隻嘢唯一要留意 就係個run in 時間比較耐啲， 要畀啲耐性！ 應用 位置方面， 我會建議作為調聲， 如果作為主力， 會好影響本來套機嘅聲音， 性格 剛好就同AQ 愛迪生 相反， 我覺得愛迪生 係可以做主力！

咁呢兩隻嘢， 我自己都覺得好高質， 主要 睇下你聽邊類型嘅音樂， 如果係古典， 我會推薦古河， 如果係其他例如睇戲， 流行曲，jazz， 人聲呀， 我會覺得 愛迪生比較正宗啲！

咁最後 暫時就插住gtx-d ncf先， 因為都幾啱聽！哈哈！ 聽古典元素 好多都做得好靚， 好自然地吸引著！enjoy中， 多謝收看！

ttthhhkkk

師兄, 如果買到e隻中級Eau Rouge, 一定要試, 毫無保留推介！
每一項都拋離Edison兩條街, Eau Rouge極透帶點點柔, 柔中帶骨架, 節奏強, 感情起伏豐富, 似是成套機升了兩級, 特別帶氣質貴氣, 是近期最驚喜的插
我常聽樂器類如鋼琴, 提琴
用左這Eau Rouge, 聽到是更Grand, 琴鍵靈巧活潑, 同時實在凝聚, 不論高中低餘音連綿有力, 清琴感知琴手按鍵有多深
提琴松香味四散, 卻又同時清楚聽到擦弦聲, 落弓的力度

就算入門Eau rouge款在聽感上在起伏情感表達都會比Edison好，是質感略差

Hungmo

正
又有得睇大師分享

一休大師

ttthhhkkk 發表於 2021-10-11 09:27
師兄, 如果買到e隻中級Eau Rouge, 一定要試, 毫無保留推介！
每一項都拋離Edison兩條街, Eau Rouge極透帶點 ...

waaa！ 你講嗰啲嘢 全部係我想要㗎喎！ 呢隻嘢幾錢呀？

鋼琴係好難 重播， 先唔好講音域， 淨係表情唔夠豐富， 已經觸摸唔到個情緒， 琴音太硬會耳仔痛， 泛音唔夠 鋼琴唔靚， 撐得唔開 會好木， 分析力唔夠 會唔似， 唔夠綿密 又冇音樂感！ 真係少少嘢 都足以令你影響聽感！

見你話松香四溢， 應該中頻幾好喎！ 仲要係幼細嗰隻

快啲介紹喺邊度買！嘻嘻


不過我都冇咁快玩， 因為我習慣性係會翻兜， 即係用一段比較長嘅時間， 然後返轉頭再試一次 一個長啲嘅時間， 除咗驗證下準確度， 仲可以細味一下

darkfrank

Eau rouge 日本呢隻已經停產啦，佢同門師兄係Crosspoint，不過就變左鍍金為主，唔係鍍銀。

聲音有咩分別我答唔到，但Crosspint入門果隻既風格又係好飽滿、流暢，節奏感強。比較弱既地方亦都係質感略差。

ttthhhkkk

一休大師 發表於 2021-10-11 11:02
waaa！ 你講嗰啲嘢 全部係我想要㗎喎！ 呢隻嘢幾錢呀？

鋼琴係好難 重播， 先唔好講音域， 淨係表情唔夠 ...

鋼琴真的好難弄, 還有另－個Spacend的大陸牌子插
我聽上去與Edison形神幾似，是鈹銅鍍金鍍銠鍍鈀，不同的地方是Edison是較直來直去，Spacend是帶鈀的空靈思考空間，同時帶金的－點婉轉美麗堂音餘韻，及鈹銅的細緻，我用同系的頭尾插，效果很合口味，鋼琴的骨架立即出來，叮噹清脆中帶點潤，紮實，聽女聲非常吸引，現在加上Eau rouge就像點睛般，透實有力，尾韻華麗而長，當然不只是它們的功勞。

Zonotone的廳堂感餘韻力量味道，是有很大的功勞

corolladv

好 Q 毒呀

LineageII

大師，AQ 同古河純銅比，邊隻厚聲D?

一休大師

LineageII 發表於 2021-10-12 09:51
大師，AQ 同古河純銅比，邊隻厚聲D?

坦白講， 我依家個體系， 辨認能力唔算很好， 不過都可以照樣同你講下實際感覺分享！ 兩者 其實差唔多， 只不過AQ就 大鳴大放啲，古河銅 就比較 幼細啲， 兩者我都覺得好好， 就係睇你個人需要， 如果你喜歡聽小提琴或古典， 我會覺得古河純銅对味d， 感覺上表情比較豐富啲， 如果喜歡聽爵士或人聲， 我會推介AQ， 感覺比較到位啲 到肉啲

其實我有個 聽感 比喻， 都幾搞笑嘅！
AQ 愛迪生 就會令我想起 舊時 b&w 8系 嗰種感覺（n805/805s）
oyaide R0 就會令我諗起 以前sony xa9000es同denon cdp 嗰種感覺
而furutech 纯銅 就會令我覺得好似 瑞士 南瓜嘅聲音

LineageII

大師形容同用詞真心佩服！

jjtiger

我覺得大休可以轉行寫小說

一休大師

好鬼衰㗎你哋！哈

唔係呀！ 有時真係形容唔到， 你哋有冇試過有啲case， 高中低都齊， 延伸又好好， 聲音又紮實， 基本上冇乜挑剔， 但係就唔好聽........

用人嘅表情 就可以表示到出嚟， 就好似笑得好燦爛 都好， 你睇落去會覺得有啲假 或者好攰！ 有啲普通嘅笑容， 相反你會覺得好自然！ 攝影師要捕捉呢一刻， 就係個難度

玩音響 就係那麼神奇！ 感性同理性 需要並存！

LineageII

一休大師 發表於 2021-10-12 11:53
好鬼衰㗎你哋！哈

唔係呀！ 有時真係形容唔到， 你哋有冇試過有啲case， 高中低都齊， 延伸又好好， 聲音 ...

大師講既情況係試過，但真係諗唔到點講，又冇大師形容得出神入化囉????

一休大師

真係玩到人都癲

ttthhhkkk

一休大師 發表於 2021-11-3 21:37
真係玩到人都癲

之後再試靜神, audio replas, crosspoint, 美配

Diy的話, 愛用Wattgate rh的頭插, 沒有強的銠味, 好在有張力及力量大氣, 舊版的381個人就覺得一般般

一休大師

ttthhhkkk 發表於 2021-11-3 23:55
之後再試靜神, audio replas, crosspoint, 美配

Diy的話, 愛用Wattgate rh的頭插, 沒有強的銠 ...

今次呢個 新款wattgate 其實我都跌眼鏡， 因為上次嗰款 最舊款嗰隻 我覺得聲音 唔係我喜歡， 今次呢隻新款， 都比之前幼細， 而且泛音都好正， 係金色嘅感覺， 但係出奇地我覺得有少少薄， 可能未溫in好， 遲下再返轉頭試， 另外呢隻Eau 我覺得真係幾正喎， 正如之前師兄所講， 轉彎位好靚， 而且都好寧靜， 不過詳細要玩耐少少， 遲下再分享畀大家

yky

大師，隻Eau邊度買到，求pm地址價錢thx

ttthhhkkk

一休大師 發表於 2021-11-4 00:52
今次呢個 新款wattgate 其實我都跌眼鏡， 因為上次嗰款 最舊款嗰隻 我覺得聲音 唔係我喜歡， 今次呢隻新 ...

新wattgate 381大多是說清了薄了
Eau rouge平的已有返咁上下功力, 所以先令我升上－級，用了中級Eau rouge兩個月, 透明感通透感一直在上升, 在Eau rouge入門牆插, 插amp是有點薄不夠力, 中級的明顯扎實夠力而又更通透有質感, 每個主音中更帶點高貴餘音，背後碳纖片令背景再靜一級

一休大師

yky 發表於 2021-11-4 06:27
大師，隻Eau邊度買到，求pm地址價錢thx

香港我都唔知邊度有得賣， 所以我走去淘寶買， 未必個個人接受 ， 不過見佢唔係貴， 大膽 試一試

一休大師

ttthhhkkk 發表於 2021-11-4 07:06
新wattgate 381大多是說清了薄了
Eau rouge平的已有返咁上下功力, 所以先令我升上－級，用了中級Eau roug ...

試呢啲嘢真係好慘， 除咗 天時地利人和 要配合， 重要 安裝都好麻煩， 淨係oyaide R0 R1 來回安装都試過五次，R0 我特別喜歡佢銅聲 正宗 得泥係有質素， 所以番手試特別多， 最慘係連塊面板 都會有分別， 真係命都冇， 今次耳仔都冇 剪， 試下先啦！ 疲......

其實唔係想特別test， 只不過有時聽到某啲位置， 你又想再好啲啲， 咁就搞下搞下， 買下買下， 變咗成堆 美式牆插