本帖最後由 極地雪 於 2023-3-16 10:02 編輯
FYNE AUDIO 既背景係由原有TANNOY 設計團隊過檔去FYNE AUDIO 自立門戶親自開發同設計~
眾所周知, TANNOY 最出色既係同軸發聲單元, Fyne Audio品牌上重新設計出IsoFlare同軸單元及FyneFlute的設計技術.
FYNE AUDIO F703製作媲美旗艦級喇叭F1-10，同樣都係採用IsoFlare同軸單元技術, 而FYNE AUDIO F703用上10吋IsoFlare點音源驅動單元配合另一隻10吋的低音錐盆,
使用的高音非常特別，用一個75mm的鈦金屬高音，由釹磁鐵驅動，特殊散熱設計，其高音與同軸中低音的分頻點設定在850Hz，而向上延伸更可達30KHz, 令到離軸區域也有極佳的聲場音像表現，能量的擴散在各個方向上都是相同的，指向性也非常穩定!
同軸中低音和低音的振膜採用多層纖維（multi-fiber）製成，質地堅硬，原廠強調這個振膜發出的聲音音色自然，而且耐衝擊性高，因此當單體工作時的盆分裂失真小。
而喇叭單元邊位用上FyneFlute的設計技術，在邊上壓上斜口壓痕，提高單元邊在聽音樂時有更好既穩定性,大大減少失真及不必要的有害共振，令音樂結像更理想。
至於低頻採用“BassTrax LF”的向下式反射既設計, 可以靠牆擺, 香港地大部份燒友都係地方鬥士, 唔駛下下離牆1-2米, 擺位更加容易, 可以輕鬆地擺到靚音場.
另一個超正既重點: 唔大食, 超級容易推 Sensitivity (2.83 Volt @ 1m) 94dB
配膽機無論係845 推300B / 211 都輕輕鬆鬆 , 配石機就更加唔洗講~~
好悶既SPEC分享完, 係時候入正題分享下佢既音色~
首先在人聲表現上，通透而有感染力，人聲厚潤質感十分令人驚喜。通透帶有一DD光澤感令到更富有音樂感, 絶對唔會薄聲同吉耳~~
聽趙鵬既歌, 聲帶發出黎個種磁性聲音會令你毛管棟磁性有魅力, 沒有太多的雜質, 音色飽滿. 聽女聲無論姚斯婷, Chlara , Susan Wong 既歌十分有肉地, 非常耐聽令到你唔想熄機個種 , 無論男聲女聲都有非常好既立體感同聲場同質感, 加埋少少TOE ＩＮ 立體感更正~ 音樂既還原度真實感好強~
去到樂器部份, 無論聽john william 既交響樂/ Vivaldi /郎朗 既鋼琴 , 樂器既線條清晰流暢，中頻厚度飽滿，小提琴既拉弦聲紮實有肉,十分細膩, 鋼琴既堂音都會令你絲絲入扣,回味無窮, 聽感好自然、好舒服, 可以用十分過癮黎形容!!!!
經過一段時間既煲練, 發覺FYNE AUDIO F703 播jazz / saxophone 類型既音樂會令到你非常享受,入迷和陶醉!!!
如果有燒友對喇叭音色質素有要求, 不妨去試下FYNE AUDIO F703/704, F1-10S/F1-12S 既聲音, 分分鐘有意外驚喜,係市場上少數各類型既音樂都可以令你覺得聽歌係一種享受既喇叭~~
|
發表於 2023-3-15 22:49:35
樓主
F703 真心正，越煲會越正。
