行貨的迷思

zelo

近日發生件事，喺度只想分享一下，我一直係好支持行貨，但今次依件事真係好影響我以後要唔要繼續選擇買行貨，我有對V2接線幾年一直用住冇拆過出嚟，近排因為大執位所以換走咗，線身有污跡但起初冇為意，以為只係普通表面污跡，不過最後細心檢查原來污跡係喺線身內，產品結構性問題我一般都係會直接聯絡廠家，費事問題轉來轉去，廠家好快覆返要求我提供相片了解件事後就轉返俾代理跟，到呢個階段我都冇問題，反正行貨俾返代理處理好正常，之後代理發個email 要求我提供線身編號，我按要求成張藍卡scan 俾佢哋，如是者過咗幾日冇人回，我只有再追問下個情況，跟住代理只回一句，線身要寄返廠檢查，來回運費要我承擔。到呢個位我都係冇問題，只係佢答得唔清唔楚，我就問多句成個過程要點做，最後佢哋只覆對線要我親自拎上佢哋寫字樓，運費報我4000蚊…個運費報價認真嚇死人，心諗對線1m長，重量唔過1kg，我打長放再去寄都唔使貴到咁離譜。對線以後點處理又一句都冇覆，我就問多句運費收4000真係好意外地貴，會唔會有sub charge，之後就回4000只係來回運費，有冇subcharge就唔知...

對線對代理可能係小數目，佢哋大把豪客要服侍，唔會理我呢啲小薯，係咪想求其俾個貴價打發我走唔好再煩佢哋？其實對線都要幾皮嘢，之後仲再買多兩對線，買嗰時已經耍我話有煲線服務但又放我飛機，之後我都冇煩過佢哋，已經乜service都冇，做檢查又係廠處理，開門口做生意要賺錢好正常，但都要合理，由貨物出門到今日乜Q都冇做過，真心諗我仲乜要買行貨。

TChan

有時我也覺得線材買行貨意義真不大，分別主要只係貴咗{:5_456:}

zelo

TChan 發表於 2023-3-21 10:39
有時我也覺得線材買行貨意義真不大，分別主要只係貴咗

我同意線可以玩水，最大風險只係好大機會會買到假線及次貨，去到咁貴線除非間水貨店好有口碑同平一大截，唔係我真係唔敢搏，行貨有行貨好處，只係做生意手法及待客問題，我一路幫襯開嘅代理，處理售後同佢哋真係天同地。

Hungmo

咁又真係激氣D

eddie1000

小弟早兩年都試過部CD機直接到中環代理購買當年大約兩萬尾，用咗三，四年應該係光頭玩完讀唔到碟！攞番代理佢話要收萬八蚊維修費，或者用二萬五幫我改成二代板本，（係改，唔係換）最後我帶去沙田某公司幫我換光頭，二千五蚊攪掂我到而家重用緊。

dekiller

關于代理大刀收取智商税的問題就先不談。既然是代理，就係廠方在港的代表。即係綫交到代理手上完全等於交到廠家。佢地中間所産生嘅運費係內部問題。點可以叫客人俾。當然，如店家只是代購就另當別論。但代購即是水貨而非行貨。詳細最好問吓律師。正常人都明白要如何檢查或寄去那里檢查都係佢內部程序，唔係收費理由。

{:7_887:}

dekiller

好似水貨車一般都係代理不入之款式。入貨價亦比代理貴。代理賺的是入貨折扣並須提供廠方要承担的服務。

banjo

呢啲代理售後服務咁差, 真係唔怕開佢名.

racewong

{:5_458:}

老友, 問題解決未?

zelo

racewong 發表於 2023-3-21 14:40
老友, 問題解決未?

緊係未，4K電視我就有，依個不合理價格我冇可能接受到。

之前強如Leica都係收我1200運費，部S2點都重過對線啩，唔好當香港HiFi友係水魚，大不了對線咪繼績用。

ms0344303

線材毛利好高地
運費還叫客人支出  心態可議

MM622

eddie1000 發表於 2023-3-21 12:28
小弟早兩年都試過部CD機直接到中環代理購買當年大約兩萬尾，用咗三，四年應該係光頭玩完讀唔到碟！攞番代理 ...

其實好多規模细既代理商冇自己師傅, 维修都係外面搵人做.

Tomt

4千運費真係狼，
如果有速遞有商業AC，
單程去欧美太約HK四百蚊，
綫一向係網買，好多康港奸商掉咗個原封袋
Demo當全新賣，

仲有買咗部ㄒ+xA CD player, 轉咗代理攞去屯門新代理整，
收三萬幾整個digital switching power supply,
寄返德國都唔洗咁春貴!
可能要賺埋之前唔同係買機嘅錢!

racewong

zelo 發表於 2023-3-21 14:51
緊係未，4K電視我就有，依個不合理價格我冇可能接受到。

之前強如Leica都係收我1200運費，部S2點都重過 ...

WSA聯絡, 老友鬼鬼, 實幫你.

kcichung

要開名啦

jjtiger

我支持Zole師兄繼續跟進{:5_167:}
我冇諗過呢間名店都會咁，
可能真係好似Zole師兄話齋，低級嘢就唔需要有售後服務。
其實係咪可以直接搵製做商處理呢{:5_428:}
不經香港間名店呢？

corolladv

{:7_898:} 希望早日解決

MDee

kcichung 發表於 2023-3-21 17:14
要開名啦

V2+幾皮+藍卡。。。仲估唔到？最PK個間！本人好討厭佢地！

jack

我試過另一代理嘅線有問題＇幾個電話就換左全新俾我＇我都嚇一跳

fansullivan

香港人一貫態度
咩好野黎到香港都會攪衰{:5_544:}