拉獨立音響電源線

GuyMocha

各位師兄好, 請問有沒有拉獨立音響電源線的師傅可以介紹？多謝

GuyMocha

想請教各位師兄, 2011年裝修已經拉獨立小電箱、獨立電源線和牆上插座

現在再裝修, 有需要重新做獨立電箱、獨立電源線和牆上插座嗎？還是只重新造某些部分？

bigpun1975

GuyMocha 發表於 2025-8-31 17:37
想請教各位師兄, 2011年裝修已經拉獨立小電箱、獨立電源線和牆上插座

現在再裝修, 有需要重新做獨立電箱、 ...

之前拉明定暗呀？ 多數裝修都大執架喇, 我揾人專業人士幫下你啦

GuyMocha

之前拉明線

bigpun1975

GuyMocha 發表於 2025-8-31 21:45
之前拉明線

多數都入喉拉暗線架喇

bigpun1975

https://www.hiendy.com/hififorum ... read&tid=149109

LadderDAC

Power Lab有全套供電方案，有專業的電工去完成工程，請聯絡我們。
電話:96505557
Andrew

hksarac

bigpun1975 發表於 2025-8-31 21:50
https://www.hiendy.com/hififorum ... read&tid=149109

在大陸才可以掘坑藏喉。在香港，隨時撞到主力牆，住宅可能只得25mm厚的石屎保護鋼筋，地板仲只得12mm，很難像大陸咁掘坑，除非走線位是紅磚/弱石屎磚的牆。

大陸新樓裝修好怪的，電線喉地板可以鋪在地板上，然後又鋪一層厚的水泥砂漿冚著。

jerrytck

hksarac 發表於 2025-9-1 07:42
在大陸才可以掘坑藏喉。在香港，隨時撞到主力牆，住宅可能只得25mm厚的石屎保護鋼筋，地板仲只得12mm，很 ...

我揾裝修師傅做入牆藏喉管，上次自己換入牆線，其中一組4mm改回2.5mm，用引線器幫手，如果行明線，換線麻煩了。
🐭😯

jerrytck

如果唔識攪，就要專業嘅師傅，呢D錢無得慳。🐭😯

七仔

專科做可以找 powerlab，要做分電箱駁電駁直接出街，線材和 fuse 要用普通料，用特別物料或者什麼金屬什麼冷凍，低頻縮減了神仙難救。普通料細節不減，音色厚潤自然，低頻豐富，普通料是最好的材料。其他電工師傅也可以，當做電熱水爐的規格照做即可，只是要跟手尾，音響是專科，知道你要什麼。以上是做過兩次獨立電箱的經驗，交過學費。

拉獨立電箱可以避免電的干擾，主要干擾來自家中電器的冷氣壓縮機和電子火牛，隔開是必須的。這工程有限錢，不夠買入門級電線一條，效果遠遠超過，自已屋自已裝修，唔做就笨。

darkfrank

老實講，香港既居住環境，就算俾到盡違反法例地直接係入屋電箱條大電T多一路出黎做獨立電，隔離干擾既效果真係十分有限。

除非大陸咁無王管/外國獨立屋，直接係電表拉，而且無論家電定獨立電都要加長到30-50米左右，先至可以真正地減低屋內用電影響。

香港普通樓宇搞既所謂屋內單相獨立電，只不過係用好既電線/fuse掣/牆蘇帶來既音色調整同有番正常D的能量分佈，鬼叫我地本來係行ring circuit同咁多插頭fuse咩。

GuyMocha

多謝各位大哥指點
我之前寫錯了, 十幾年前裝修時應該是走暗線

七仔

darkfrank 發表於 2025-9-2 01:28
老實講，香港既居住環境，就算俾到盡違反法例地直接係入屋電箱條大電T多一路出黎做獨立電，隔離干擾既效果 ...

獨立電箱，fuse，拉線，儘管效果有限，是聽得出分別的，試過返唔到轉頭。千萬不要用特別的金屬特別的OFC線，越普通越好，否則是改聲而不是升級，後患無窮亦無法修正。即使效用有限，起碼比2M的萬元入門電源線效果更明顯。hifi玄學，線和防震，大家樂此不疲，是有原因的。聽得出是實學，沒聽到大分別是玄學。

darkfrank

七仔 發表於 2025-9-2 14:12
獨立電箱，fuse，拉線，儘管效果有限，是聽得出分別的，試過返唔到轉頭。千萬不要用特別的金屬特別的OFC ...

聽得出分別係正常，一套有番咁上下價位既器材，係普通屋企獨立電環境下，基本上隨便在家中任何非獨立電插蘇插一條hifi線正常都應該聽到D分別。

我只係覺得一路以黎網上forum對拉單相獨立電抗干擾的效用實在誇大得太厲害。

只可以講，拉左先變番正常既水平。

七仔

darkfrank 發表於 2025-9-2 16:05
聽得出分別係正常，一套有番咁上下價位既器材，係普通屋企獨立電環境下，基本上隨便在家中任何非獨立電插 ...

當然無須神化，hifi界怪力亂神的事太多了。背景寧靜又不減動態，以成本算，做到這個分別，是物超所值的。