本帖最後由 米奇老野 於 2011-7-7 22:41 編輯
以前玩HIFI,無咁多資訊,只可以朋友間小圈子或者睇HIFI書,
我相信呢到大把CHING比D HIFI科幻小說老點得多,
乜野:我夠膽講係呢個價位佢無任何敵手呀,呢部機係我聽過最好的一部,完全可以聽過世呀
嘩用左呢條XX線,成套器材3級跳.
以上呢幾句對白我諗大家都唔會陌生,
好在今時今日有科林呢個平台,好多同好可以將自己心得,經驗同人分享,等大家可以行小D冤枉路,
當然如果有心人要係到搵食,一樣可以,我手上都有唔少因科林效應而奶野既補品.
不過係人係鬼好快就會比人睇穿,你搵得幾多次笨.
有時覺得香港玩HIFI真係好辛苦,地方細唔在講,買野又貴過人,
買幾百萬樓我都可以係間屋入面驗屍咁驗,
但係買HIFI,反而要睇人面色,我諗大部份CHING都會係唔同地方有相同經驗.
如果行內人有專業操守又怕咩人講.你睇下去G2000買件衫都唔該前唔該後,
有部份 MK HIFI舖你問一句佢先答你一句,唔比說話你聽已經好比面,
試機要先約,但係我見好多都係企係到吹水,插一插機有幾難.
係邊個攪成個市咁,如果呢到真係有HIFI從業人員係到,唔該問下自己對客人態度如何?
做生意係要搵錢,但係可唔可以專業小小,我知企8粒鐘好辛苦,重要重複回答好多次相同問題,
但係可唔可以BE A PRO.
唔係單單樓主係咁諗
我都對呢廿幾年HIFI舖都有怨言,所以我已經好少行HIFI舖. |