倩女幽魂..BD實物圖

xlarge

拿...今晚整套新版(倩女幽魂)睇睇,呢套戲咩評價又或者點樣同原版比較都無謂多講,一句講晒kill time...

黑面女Sales

噚晚睇咗, 二個字 : 超爛

xlarge

睇完,聲畫講真確有驚喜...畫面華麗瑰麗,聲音真係好聲..音樂位無聽錯的話有幾段離箱定位表現超乎理想.音效夠出得黎又夠平衡,好爆而不燥.

無可厚非1987年原版已成大家心中經典,正所謂有錢都拍唔番.所以睇之前盡量心中唔好用黎比較會好D.不過事實小倩/寧采臣既選角就確實.............!!

datacoma

基本上，「新倩」我睇左15鐘後經已聞到陣奶除，不出所料一個鐘未到；我就要"花時科挖"黎睇....。
原因係套戲D對白都幾垃圾低能，真係好難成套去支持。
取其敗筆又姑且求其執幾樣~

1- 觀眾定位問題
如果係拍比D未睇過舊版既觀眾睇，咁人物既出處就實在有欠清晰。
例如小倩點解死唔去變成妖，舊版係好清楚交待，咁如果冇睇過舊版，只睇新版又叫人點代入及同情小倩呢隻女妖?
咁如果係拍比D經已睇過舊版既觀眾睇，就更加唔洗多講~
狗尾續貂，新不如舊。叫睇過舊版既唔比較，似乎冇乜可能，因為就係「新倩」拍得屎，先更加令人勾起「舊倩」~ 係此情只待成追憶咁美好。

2- 選角問題
整件'磨碌'黎頂我地哥哥個位.....唔銀係化唔好玩啦！
須知道小倩開初唔郁寧采臣，單憑寧采臣只係坐懷不亂...咁既理由邊度夠，咁重爭D乜？咪就係要好似哥哥咁靚仔囉！
無論3歲定80，囡代都梗係吼靚仔架啦，咁唔貪戀女色再加埋咁Q靚仔，係咪夠說服力好多，唔係舊版洗鬼要哥哥黎演咩！林雪做都得啦！
再者；你既然叫得劉亦菲做小倩，又唔明點解唔揾黃曉明做寧采臣？！再續下「神蕉俠侶」情，我諗從邊個角度睇，大家都會睇得順眼D開心D卦。

3- 劇本問題
我覺得「新倩」同「新蜀山」都係犯埋同一個錯誤~ 劇本之空洞，係即使CG特技做得比舊版勁十倍都掩蓋唔到。
呢幾年咁多金玉其外敗絮其中既戲，真係要講番句~ 成也CG敗也CG....。也務必請各大影商製片唔該好好咁反省下啦...CG。

pinkhung

睇完 把鬼

edward0914

重拍嘅港產片，真係小喇叭！！（蜀山）已經係一個好例子！

因為d主角，好唔掂呀！！

重有一套都都要小喇叭！肉蒲團