逆天潛能 Limitless

kachow

今晚睇呢套, 逆天潛能 Limitless





內容
小說作家埃迪 (畢列谷巴 飾)，創作靈感早已掏空，為了挽救陷於低潮的事業，竟接受仍在實驗階段的革命性驚世藥物─NZT─能啟動人類大腦組織功用達至極限。
NZT的神奇藥力令埃迪記憶能力超強、對事物過目不忘，一天可以學成多國語言。江郎才盡的埃迪，一夜之間變成能言善辯、才華橫溢的萬人迷，他相信只要繼續服食NZT，他的潛能將一直爆發。
忽然名成利就的埃迪吸引了商界巨人卡盧 (羅拔迪尼路 飾)的注意，主動招攬他合作，其實另有企圖…
卡盧對神奇藥物虎視眈眈，未經測試的NZT副作用同時在埃迪身上併發，秘密逐漸曝光，警方亦起了疑心，一切像墮入無可挽回的絕路…


預告片

pinkhung

Siupaktao

Good movie....I Like

datacoma

內容簡介寫到尾話~ 「秘密逐漸曝光....」
我小佢...唔通我真係睇到瞓著？？
睇完成套戲最終都係唔知果粒上腦丸係邊個發明；就連藥廠名都冇..
咁又點秘密逐漸曝光呀.........
所以撰寫內容簡介果位我就要比80分先得.....
至於套戲本身就都OK，睇得哂。

kachow

內容簡介寫到尾話~ 「秘密逐漸曝光....」
我小佢...唔通我真係睇到瞓著？？
睇完成套戲最終都係唔知果粒上 ...
datacoma 發表於 2011-8-8 23:34

    我乜都睇唔到....  我老婆要睇有線娛樂台"國色天香"結局篇..無得開戲...   可能要聽日先睇到..

sk555

E套都可以的，唔差咁啦，幾鍾意個故事

datacoma

我乜都睇唔到....  我老婆要睇有線娛樂台"國色天香"結局篇..無得開戲...   可能 ...
kachow 發表於 2011-8-8 23:55

kachow都CUT唔到有線，可以同希特拉睇齊...

kachow

終於睇完. 叫做不過不失. 成套戲講到變左聰明後就差唔多係無敵. 但係就無乜說服力. 同埋無乜d咩野特別ending場面... 好似只係講一個極聰明人點樣靠佢既智慧發達..講到尾都係繼續發緊達..

睇完呢套.令我好懷念之前又係有套講天才鬥天才既戲 - "神探伽利略電影 容疑者Xの献身", 個度形容個天才奸角好逼真. 佢有極聰明既頭腦, 但係身世坎坷, 跟住兩個天才互鬥相當精彩!

sk555

終於睇完. 叫做不過不失. 成套戲講到變左聰明後就差唔多係無敵. 但係就無乜說服力. 同埋無乜d咩野特別endin ...
kachow 發表於 2011-8-11 01:09

    呢套有bd嗎 ？唔多覺眼既

kachow

呢套我係戲院睇..BD只有日版,只有日文字幕

sk555

呢套我係戲院睇..BD只有日版,只有日文字幕
kachow 發表於 2011-8-11 01:27

    只有日版,只有日文字幕 英文都好丫

iwantbd

只有日版,只有日文字幕 英文都好丫
sk555 發表於 2011-8-11 01:39

    當----卡通片----咁睇!

davidchan

呢齣"神探伽利略電影 容疑者Xの献身"我覺得好睇,故事好精密,好有日本大師級風範.