我與妻子1778個故事..BD實物圖

xlarge

租版今日番左有得睇勒,睇封底資料顯示簡而清得一條PCM2.0,不過唔緊要照殺...即管睇下駛唔駛抹眼淚先.



http://www.hiendy.com/forum/view ... &extra=page%3D1

xlarge

尋晚睇呢套(我與妻子的...)故仔大概講一個男主角係一位科幻小說作家,妻子係一位銀行小職員.而一個愛太太之餘係日常生活中冒失鬼男主角得到細心既妻子包容及照顧專心寫作.後來竹內結子証實得到癌症,故事隨之步入正題.

正題係朔太郎每日為妻子寫一篇小說,籍此表達佢對太太既愛兼且希望笑而令到太太病情好轉.故事原意結果係正面係好值得欣賞.但可惜過程係沉長沉悶;140分鐘戲內有好大篇幅描述男角寫稿及將佢故事內世界影像化...問題來了,實在呢一大堆既描述縱使係談及佢對太太既愛或將來希望如何如何,可惜我睇完套戲或睇戲過程中我受不到任何感動.過程中反而覺得朔太郎好似係一個活在自已既小宇宙入面既自閉症人士,戲內寫稿時不停既旁白仿佛自言自語,而就係咁樣貫穿全片.

其實我反而覺得對佢太太好殘忍,竹內結子雖然明白佢先生係一位作家及係為佢而寫作,但我覺得男主角終日迷頭迷腦寫作,何解唔走出番佢既小宇宙多點現實生活中溝通,無謂再咁多憑小說寄意好唔好?

戲內男女主角設定或表現最大敗筆係無溝通無交流甚小對手戲,各有各做..可能有人會講呢套講生離死別既戲拍得不落俗套憑小說寄意.但我個人覺得回歸傳統多點兩夫妻交流會更加令人感動.可能原裝小說會好感人,但影像化後唔好意思我真係覺得眼高手低之作.

講番男女主角表現,搵草先生做真係一大敗筆一如以往一舊木唔識做戲,再加上戲內服裝配搭我以為睇緊港產片(笨小孩)入面既譚耀文.
女角竹內發揮唔多,搵邊個做都不大問題,印像中幾年前佢做既(籍著雨點說愛你)就做得唔錯..

要人流眼淚煽情的話韓國片夠晒賺人熱淚你話我老土都咁樣講.再唔係大家搵番套經典港產片(新不了情)睇睇,就知乜野叫做眼高手低...總括昨晚所睇係一套失望失敗之作.

datacoma

其實我反而覺得對佢太太好殘忍,竹內結子雖然明白佢先生係一位作家及係為佢而寫作,但我覺得男主角終日迷頭迷腦寫作,何解唔走出番佢既小宇宙多點現實生活中溝通,無謂再咁多憑小說寄意好唔好?
xlarge 發表於 2011-8-13 13:59

針無兩頭利，如果男主角咁容易走得出佢自己個[界]，相信佢又未必能夠日復日咁寫得出千幾個故事...
因為呢樣真係唔係有一般思想既人能夠處理到；或肯去咁做。
描寫男主角越脫離現實，就越能夠起倒跟患病妻子既情況兩極化之無助，令觀眾戥做妻子既更擔心，情況就真係好似葉得嫻同譚耀文既(笨小孩)咁...
而令我看得比較感動個位係..如果唔太識生活中溝通係一種遺憾....
咁竹内結子就正好表現出愛一個人就要包容呢個人既缺點，更甚是默默咁繼續支持丈夫所做既一切而無怨無悔....娶妻如此係咪夫復何求。
如果話主角故事內世界影像化一大堆係敗筆既話，咁就係導演計漏一件事...
觀眾如果冇竹内結子果套面對丈夫既另類思想情壞，又點能夠令觀眾認同做妻子既睇到故事之後會笑；但其實正常人係睇到唔識笑既呢。
觀眾感受唔到果千幾個故事有幾好笑，只會令觀眾不勝其煩引起反效果，呢一點我既睇法同猩版主係一致。
而無一般人既角度都有份令成件事唔得立體...
例如草彅剛既執著只懂做自己擅長既事，係咪應該有個身邊人代表觀眾用客觀講出事實比佢知甚至企圖鬧醒佢；一味埋頭對件事毫無幫助之類...
但總之一句~ 要善待身邊人，與及能被愛的男人要感恩喔。