AV Amp 新手篇

bigpun1975

轉載自 AV Forums

AV Amp 新手篇
近日見很多網友都問AV器材選購，其實好多時問題都很相似，不如就嘗試結集網友的經驗，寫一篇文章，有部份可能是個人觀點，希望對網友有用。很多朋友玩音響都是從婢V Amp先，以一般打工仔來說，入門級的Budget通常是幾仟至萬幾，始終是血汗錢，大投資，所以會左問右問怕入錯貨。

5.1/6.1/7.1如何選擇 (先考慮自己的聽音/影音空間的尺寸，是否可以如廣告所述來安置咁多隻喇叭)

人通常是貪心的，總會以為7.1一定是最好的，sell屎亦會這樣引導你，但忘記了是否與家居配合。一段香港家居都是很細小的，究竟7.1是否最好呢？很多資深用家都會說效果不大，因為真係好難玩得好，如把四隻後置都裝在後牆(後面大聲過前面????)，不如玩5.1。
如果沒有調校好5.1系統，成日覺得後置沒有聲出，一於加大佢，到頭來，得不到包圍感之餘，聲音又怪，或只聽到超低音的拍邊聲。對5.1系統調校的沒有認識，根本發揮不出部機的威力，正確方法是音壓表測試，相信別人寫的程式，較出來的聲音一定好，自己胡亂設定不能調出好聲。同時，後置的擺位亦有很大的影響，通常人耳的高度及在耳後一米，試問香港家居又如何做到？所要在香港，要玩好5.1不易，所以這裡很多人都是用兩聲道來看電影。
如果玩7.1，調校的難度更高，地方的大小與放多小隻喇叭有關，每隻喇叭相距不應太少，唔好貪多，搵人問意見可以，但最好問用家意見，毒氣室試音後意見可以自己感受唔使假手於人。
所以，好的surround effect要靠好的空間做出來，不是靠喇吧數目及要有有效的調校。

Movie : Music

通常很多人會問Movie : Music是60%:40%或50%:50%這類問題，又會有人的結論是Denon適合Movie，Marantz及Onkyo適合Music，既然有人有這樣的結論，你可信別人，亦可信自已，但反而這問題是否重要？到底世上有冇一魚多吃？
如果用DVDP做訊源，用AV amp的DAC，訊源已不是很好，同時喇吧及線材的表現亦有影響，何必執著這分別，最緊要自已試時滿意happy，要Music不如影音分家，否則，有聲出，聲音OK，當係bonus便算。到最後發覺自己套mini-hifi仲好聲，不如慳番ｄ精力同錢買多幾套靚碟仲好。
影、音跟本係河水同井水，在設計概念上已有明顯分別，如果係都要兩用就請不要有要求la！
記住，這是入門級，寧願日後有錢，影音分家。

AV Amp Power

其實在兩聲道世界裡，50Wx2與80Wx2的分別是否很大？很多時都要看情況，如果用8ohms書架喇吧應該分別不大。那麼AV Amp 130W per channel to 100W per channel的分別又如何？一般家居通常都是用小型書架喇吧放在影音櫃上，中置放在電視機上，只能說火數大的心理因數勝於一切，如你有幸可在你家中試齊同一牌子不同型號，你又會發現分別有幾大呢？再玩埋Blind Test又會什樣？同埋一般的試音室面積與你的斗室相差多少呢！切記，試音室與家居環境分別太大，你自已得果佰幾二佰呎，買機時的試音室又幾多佰呎。

揚聲器

由於今時今日既科技先進5.1/6.1/7.1糸統要求隻隻喇叭都要一樣，咁先模擬到坐位被360度的聲音包圍效果，如果budget有限或地方問題，最好買5.1 speaker set，一套過，唔使煩，如果打算只玩AV，買5.1喇吧套裝會較好，超小喇吧，再把低音部份由超音負責，女人一定happy。

多數人對後置一般都冇乜大要求，只要不會與前置的級數相差太遠便可，但如前所述，對後置無乜要求，咁！對其他都唔好要求la。另外十居其九會將後置放得好近坐位，同埋吊高，實際聽感會有D古怪，耳筒feel!!

入門級座地喇吧不要信佢有好好的低音(佢只不過做長D對腳唔使買腳架咁解，其實仍是一對書架)，一般都要加超低音，買個好少少的超低音會較好，如果負擔得起(豪華入門級)，買個二仟元以上級數的會較好，因為很多時大聲壓的包圍感，如有強勁的超低音，真係唔同晒。

但如果要分開買，最好買8ohms喇吧，會對AV Amp的電流需求較細，4ohms會要求較多電流。理論上，五隻喇吧要同一型號，不存在後置中置用差少少的問題，在電影院裡，會不會有前後喇吧不同呢？但一般玩法的卻不同，可能有人覺得後面來的聲音較少，所以用細少少，至於前中置是否要同一品牌，又是一個沒有絕對答案的問題，心理因素覺得會夾聲勝於一切。

如有打算日後影音分家，或會較多聽歌，前置最好買好少少，入門級budget客不宜考慮。

線材

至於線材，首先，最好不要貪方便，一定要格價，隨時買貴野。
反而用專業線又平又好用，例如，Mogami, Canare, Gotham, Northwire, Belden等牌子的DIY線，全部都是由十幾元一米至五十元一米的線，幾佰蚊應該夠，後置由於用得多線，買$2-3一呎的線便算了。以入門級，這樣用已不錯，錄音室及剪片房或制作DVD的地方都係用呢D貨色。

銷售點及格價

買機地方通常都是旺角銅鑼灣的樓上鋪，或者豐ｘ，至於邊間老實，好難答。其實只要自已小心，唔對路便走，勿貪便宜，從網上見到別人的苦水，通常都是有價冇貨，可能是水貨，可能是退貨，很多可能性，但切記，不要落訂等下一水，很多人中了計。如果睇中左，試下D fd用緊的器材，電話直銷訂貨/格價都可以考慮

總結

入門級新仔最易呃，搵個信得過的朋友一齊去入局，多個照應，中計都可以賴個friend衰，等自已好過些。sell屎俾offer你要小心，開個會先好，甚至走先再返轉頭，同埋如果覺得sell屎有問題，咪走人，去過第二間。
最重要是買左機後要做功課，睇說明書，研究點玩AV amp，買聲壓表度清楚，set up好套機，要玩好AV絕對不易。

至於最重要的牌子問題，仲難講，只能說自幾鍾意邊部就邊部，同埋唔好貪平買部會在心裡留下刺的機，都係果幾個大牌子啦，各有捧場客，根本不存在邊個牌子明顯好個另一牌子的問題，主要是考慮個人喜好、sell屎sell成點、靚仔及$$。
買喇吧的情況都是一樣，切記不要聽sell屎講買一些不知明的牌子，甚至明明是國產機，又話Design in England，又或者老細是加拿大藉香港人，又話係加拿大貨，其實係國貨，查下佢個網頁先啦，好過買左之後先被人用 “唔駛理佢邊度生產、咩野牌子，最緊要自己覺得好聲，玩得開心” 呢句話安慰。

Budget低不如玩DVD+5.1 set仲好，多少少才考慮AV Receiver+5.1 speakers set，起碼speaker細隻，後置較易放在ear level，亦可用後置腳架，AV Amp 的Power亦可較低，以前未有5.1 speaker set就要分開買，而家應考慮佢先。

還有另一玩法是7.1 AV Receiver+5.1 speaker set+ Stereo speaker one pair，另一對喇吧接在AV Amp的Speaker B，這便可以玩多對喇吧，再日後影音分家，最重要是對AV小喇吧可放在大喇吧上，慳位，又可手多來玩玩7.1。

另外多點去別人的家試聽不同組合表現，令自已有一套客觀的音效/音色標準，否則好難知道自己的要求是否合乎實際環境!!

火仔

多謝分享  對我地D新手好有用架

jason_lwk

thanks for sharing~~
對我地d新手好有用~~

micma

bigpun 兄係得嘅

bigpun1975

文章雖然舊d,
但好多 point 都講得好好,
文章裹DVD 轉做 BDP 睇就ok 勒!

番薯

這編文章可以給我太太參考．．．

眼記

多謝分享，因為啱啱做緊功課，準備買機

pepsiman

多謝分享，因為啱啱做緊功課，準備買機
眼記 發表於 2010-9-20 12:03

眼記師兄,
呢度有好多AV高手,
買機前不妨請教一吓佢地,
甚至可以約期做個家訪實地考察,
唔洗去影音舖度睇sale屎面色,
同埋可以知道器材o係實際環境的表現,
最緊要講出你想買機嘅"筆直",
同埋心目中想購入嘅器材型號,
相信大家都會義不容辭咁幫你,
最後;希望你購得一套dream av組合啦....

mmmclll

多謝bigpun師兄分享，好多 point 都講得好好，小弟好同意、好受用，謝謝！

man1212

好好的分享, 謝謝!!

whoami

pepsiman 發表於 2010-9-20 17:49
眼記師兄,
呢度有好多AV高手,
買機前不妨請教一吓佢地,

百事佬，禾就係正想請教你，禾準備買AV amp, 電投幕同投影機！點算？

幾時出來踢波

pepsiman

whoami 發表於 2013-8-23 12:22
百事佬，禾就係正想請教你，禾準備買AV amp, 電投幕同投影機！點算？

幾時出來踢波  ...

而家好難book場,所以無乜波踢...
你都加入AV大家庭 ??
不如出個新帖,等D師兄齊齊打救你啦...

whoami

pepsiman 發表於 2013-8-23 14:42
而家好難book場,所以無乜波踢...
你都加入AV大家庭 ??
不如出個新帖,等D師兄齊齊打救你啦...{: ...

你想踢！禾大把場！

禾連電幕、投影典分size刀未識，刀吾知點問！

pepsiman

whoami 發表於 2013-8-23 15:16
你想踢！禾大把場！

禾連電幕、投影典分size刀未識，刀吾知點問！  ...

如果有平日八點場，又或星期日場，我可以揾27軍同Hiendy足球隊玩番場。。
你玩家庭影院空間有幾大？前牆有幾闊？投影距離有幾遠？有幾多筆直等等資料先列出嚟，班師兄就會幫到你呢。。

pinkhung

whoami 發表於 2013-8-23 15:16
你想踢！禾大把場！

禾連電幕、投影典分size刀未識，刀吾知點問！  ...

仲未攪掂咩，av馬田話你已經決定咗買乜喎

corolladv

Thx sharing

whoami

pinkhung 發表於 2013-8-23 17:07
仲未攪掂咩，av馬田話你已經決定咗買乜喎

禾淨係買左喇叭炸！

whoami

pepsiman 發表於 2013-8-23 16:09
如果有平日八點場，又或星期日場，我可以揾27軍同Hiendy足球隊玩番場。。
你玩家庭影院空間有 ...

空間約十尺乘二十尺，投影距離約十一尺，約計五至六皮野買Amp, 電幕及投影雞！

pinkhung

whoami 發表於 2013-8-24 21:59
禾淨係買左喇叭炸！

二手嘢得吾得?

pinkhung

whoami 發表於 2013-8-24 22:02
空間約十尺乘二十尺，投影距離約十一尺，約計五至六皮野買Amp, 電幕及投影雞！  ...

有冇圖、相?