找回密碼
 新用戶註冊
搜索
熱搜: hifi av 音樂
查看: 109692|回復: 449

[官方測試報告] 鎗王REPORT - 細說AUDIO RESEARCH CD8, REF 5, REF 110

  [複製鏈接]
發表於 2012-4-2 14:49:47 | 顯示全部樓層 |閱讀模式
本帖最後由 racewong 於 2012-9-29 12:00 編輯

~~~~~~~~序~~~~~~~

結束短暫GOLDMUND的一生, Audio Research令我找到了新方向.

AUDIO RESEARCH (下稱ARC), 由第一部既REF 5, 不經不覺已有五個月時間了.



之前既GOLDMUND之旅, 不是玩得很過引嗎?  點解會無端端轉玩美國既ARC? 難道ARC比GOLDMUND更好聲嗎?

如大家有興趣, 可去睇睇我另一篇~goldmund之旅
http://www.hiendy.com/hififorum/ ... hread&tid=17893

如果我說, 這就是我的個人口味呀! ARC 的確比頂級GOLDMUND好聲, 你們會相信嗎?
我估你地會即刻xyz&@#&!@#(@, 之後close 個IE了.

咁咩先係頂級GOLDMUND?

就我有限知識, 頂級GOLDMUND必要具備22M以上級數既前級, 29M 以上級數既後級, 當中當然包括了新旗艦 22S / 22H, TELOS 600 / 1000 / 2500...etc.



頂級GOLDMUND的表達方式, 是一種令人無法難忘既聲音. 她是高貴的象徵.

甚麼是高貴?! 在我的認知裡面, 高貴聲音是必須擁有超靜背景, 能強烈感受到分隔度與凝聚力, 全頻密度及線條明確.
最主要係高頻能表現出優越的伸延, 可令聽者感受到每次的高頻, 像一粒粒D colour既vvs2鑽石一樣耀眼. 之後還可以在空氣中飄浮一小段時間.

這就是我所了解的[高貴]. (有錯請指正)

---------------------------------------------------------------------------------------------------------------------------------------------
很多師兄都曾經問過一個相同問題. 究竟你想換機換到幾時? 其實你究竟追求咩既聲音?

答案就只有兩個字~~高貴!

咁點解你唔繼續你的GOLDMUND之旅, 而轉玩ARC?

問題在於我沒有金手指, 沒有無限金錢. 因資金不夠. 我不可能擁有一套GOLDMUND 22H + TELOS 1000以上既MODEL.  這套組合實在太天價, 非我所能負擔.

我並不貪心, GOLDMUND 22M + 29M已滿足了.

而當時已擁有了後級29M的我, 點解唔搵部22M, 就不用再在器材裡兜兜轉轉了.

我們先說說2011年尾, GOLDMUND在香港既二手行情.
一部29M ver 1.11既後級, 大約80-85K. 這是我所能負擔的.
一部尾期既22M前級, 大約130-150K, 這是我不能負擔的. 亦都唔會用130-150K去買一部已有十年歷史既GOLDMUND前級.




第一章, 首次接觸現代ARC前級 + 嚦嚦二世家訪篇.

記得第一次接觸既ARC, 是在嚦嚦二世的家訪中. (順便出埋NICK兄屋企既家訪報告)

NICK兄屋企擁有好多發燒友夢寐以求的獨立發燒房, 發燒房面積大約180-200尺. 成長方形的空間, 絕對有利於玩音響.

Nick_1.jpg

全房間沒有特別的 Room Acoustic, 有的只是屋主對屏風擺位的認知與技術.

當時佢用EMMLABS CDSA SE + REFERENCE 3 + PLINIUS REFERENCE推動MAGGIE MG1.6屏風.
Nick_2.jpg

Emmlabs cdsa se, 相信很多人都清楚佢的特性, 所以我不加以描述.

ARC REFERENCE 3
, 小弟第一次聽新一代既ARC, 就係依部比石機更石機既膽機. 大家無睇錯, 佢真係一部比石機更石機既膽機.

咁咩先叫做比石機更石機既膽機?!

佢既快速/ 通透/ 凝聚力都令我感覺到, 眼前這部REFERENCE 3根本就係一部頂級石機, 我從未聽過一部膽機既聲音可以咁快, 咁通清. 通清得黎, 仲要堂音極之豐富.
但缺點係音色比較偏冷, 沒有了膽機的味道. 這對很多重口味既師兄黎講 (包括我自己), 未必係一件好事.

PLINIUS REFERENCE後級, 一部好似兩匹冷氣機咁大部既後級, 最大優點可自行選擇CLASS A / AB. 當選用CLASS A的時侯, 可提供CLASS A 100w x 2既驚人輸出. CLASS AB則可輸出300W X 2.
我本身對PLINIUS依個牌子相當陌生, 沒有任何聆聽經驗.

當開始聽NICK兄這個新組合時, 給我的第一印象是, 這對PLINIUS 後級真有料到唷, 以一部兩聲道後級, 竟可令出名大食怪既MAGGIE屏風推出如此鬆容的音色, 尤其是播放大動態樂章時, 氣勢強勁. 最難得既係當中既細節竟可清晰若見.

PLINIUS REFERENCE肯定是我所聽過, 最BEST BUY既兩聲道後級.
P.S. 如我不是擔心二手價的話, 肯定立即去JADIS訂貨了.

總結:

此組合能表現出幼細與氣勢並重的超凡音色音效. 令我對EMMLABS, ARC & PLINIUS這三個牌子都另眼相看.

(NICK家訪完)



第二章, 測試ARC前級

如大家有睇過我之前既GOLDMUND之旅, 當中我測試過既前級, 大約都有7-8部.

http://www.hiendy.com/hififorum/ ... hread&tid=17893

說真的, 沒有一部可比美22M+29M既音質音效.
但自己又無錢買22M. 所以最後決定終結了GOLDMUND短暫的一生. 黎個大洗牌. 希望找到我所追求的[高貴]音色!

正當時我為我的GOLDMUND 29M找尋前級. 就借了REFERENCE 2 & LS2B回家測試.



REFERENCE 2 mkII 夾 goldmund 29M, 給我的第一印象是 - 很濃的膽味與音樂味. 全頻密度都好好. 但欠缺了通透, 線性, 凝聚力.
LS2B 則與REFERENCE 2 mk II相反, 很有石機的味道.

但始終這兩部前級不是同級數, 所以我不再詳細比較了.

由於聽感上, ARC夾GOLDMUND都合乎我口味, 加上NICK兄既REFERENCE 3表現實在太出色.

所以過多兩個星期, 就入手了人生第一部的ARC REF. 5.



此前級是ARC Reference 3的後繼機, 用4 X 6H30膽做放大. 至於電源穩壓方面, 選用一支6550 和一支6H30.

而線路板方面, 採用了一塊過平面擺放的底板 (之前的REF . 3是直插式).

當然, 還有很多方面有所改動, 但這篇我只想分享我的聽感, 如有師兄想知道詳細數據上的改變, 我地可容後再談.

此機剛開機的時間, 給我的感覺多麼棒! 她有著REFERENCE 2 mkII的膽味, 亦擁有REFERENCE 3的通透線性.

如比較我之前所試過既前級黎講, 依家依部REFERENCE 5最合我口味. 聽人聽有感情, 聽童麗夠姣, 聽大棚野唔會亂, 唔會叫. 音場大少, 空間分隔度都係高水準之作. 今次我真的滿意了.



第三章, 入手全套ARC

因為部REF. 5實在令我十分滿意, 心想不如換埋部EMMLABS & GOLDMUND啦. 咁就可以脫離GOLDMUND既魔掌, 邁向ARC新世代.

當我決心換機之際, SONUS FABER HK竟然做緊特價...

二話不說, 收工去中環比錢, 買入一部CD8 (全機開箱) & REFERENCE 110 後級 (DEMO了大約600 hrs).

就咁, 全套 Audio Research 登陸鎗王屋企.












記得當日套機到步後, 首先駁左部REFERENCE 110後級推動WILSON AUDIO 既SOPHIA.

CDP就用番EMMLABS CDSA SE.

先介紹一下ARC REFERENCE 110後級既特點.
copy自http://news.u-audio.com.tw/newsdetail.asp?newsid=128
********************************************************************************
從REF110的型號數字,可以想見這是一部輸出功率110瓦的後級。很多人都以為真空管比較適合製作小功率後級,如果拿來作大功率後級,雖然獲得驅動能量,同時也讓線路噪訊一併提高,不過ARC可是有獨門絕學,把大功率真空管後級作得強勁有力,同時聲底乾乾淨淨。秘訣就在輸入級採用直接交連的JFET,第一級放大先利用晶體,然後送入6H30的增益級和另一只6H30作陰極隨耦,輸出級則混合了「超線性」與ARC自家的「部分陰極耦合」線路,以四對ARC配對的6550C採推挽放大。ARC宣稱,REF110擁有和其他Reference系列後級相同的線路架構,只有輸出功率作得比較小一些,在音樂表現上絕對是「參考等級」。

********************************************************************************
新開箱既REFERENCE 110, 首先要開蓋, 將8支6550C & 4支6H30插番入部機. 使用自家廠前級REFERENCE 5夾REFERENCE 110. 聽感上真係十分配合.

比較起REFERENCE 5夾GOLDMUND 29M, REFERENCE 110多了一份溶合感. (溶合感只是我個人感覺, 是一種因應前級每提升一格音量, 聽感上感覺到後級輸出到喇叭的能量感!

在此, 強烈建議用緊ARC前級既朋友, 唔駛再試o下試去咁夾後級肋, 用番一套ARC啦. 我包保你可以立即感受到我所講既溶合感. 後悔浪費了咁多時間去MIX & MATCH.

為左更容易了解當ARC REF. 5前級, 配搭GOLDMUND 29M & REFERENCE 110的表現差距. 請參考以下圖表.

(註 1:這圖表只表達我個人聽感)

GOLDMUND 29M使用原裝GOLDMUND THICK PC,
REFERENCE 110使用原裝黑雞線 ((DEMO了大約600 hrs))

ref 110.JPG



聽感上, 一套ARC的確比GOLDMUND 29M更能溶合, 更夾, 果然無買錯.

馬後炮心得: 依個比試, 其實對GOLDMUND 29M好唔公平, 因為ARC原廠配搭上, 一定比配搭其他牌子更出色..)

之後就到ARC CD8開箱了.
同REFERENCE 110一樣, 開箱後, 都係要開蓋自己插番D膽落去.
CD8 同 REF 5既膽是相同的, 一樣係4支6H30放大, 1支6H30加1支6550C整流.

由於REF 5 + REF 110表現實在太夾, 我對CD8既期望亦十分高.

當時所選用既PC都係跟機既黑雞線.

一開聲後, 發現CD8既表現, 同EMMLABS CDSA SE相差太遠了.

點解部CD8既聲咁硬咁惡? 全無凝聚力, 無線條.

簡單D講就係~~~不知所謂.

大佬呀! 全新機開聲都唔係衰聲到咁呀!?

之後, 當然係上網搵資料, 才得知初步開聲要50+ hrs, 至於D膽, 就要煲300+ hrs, 部機既機械組件, 要煲600+ hrs.

o係頭依50個鐘裡面, 簡直衰聲到無朋友, 到我忍無可忍既時侯, 我已打了電話比WELLCOME, 落ORDER幫我放Q左部CD8. 我唔想再見到佢.

後來朋友們 / 網友們不斷給予鼓勵, 一致認為部CD8煲熟後一定好聲過部EMMLABS CDSA SE, 我唯有信佢地啦.

所以每天長煲8-10小時, 大約一星期後, 新機既硬聲問題無晒, 取而代之, 是中頻既豐厚質感, 堂音極之豐富. 但線條問題仍有代煲練.
值得一提既係, 煲機時, 用番佢D原裝膽煲機, 切勿心急. 因為根據ARC所講, 原裝膽要煲300+ hrs先會穩定.

如事者, 一煲再煲多一個月, 我簡直愛上這部CD8了.



前輩朋友們, 你們說的沒錯, CD8真是他媽的好聲. 我唔敢講用在其他組合既表現, 但一套過既ARC, CD8既表現實在令我感動.

有關CD8 VS EMMLABS既比較, 可睇睇下面的圖.

cd8.JPG

除左幅圖, 我都想講講依部已煲熟既CD8, 比我既聽感.

分析力: 對於CD8作為新一代ARC既旟艦CDP, 佢既分析力不用懷疑. 你要聽既每一音符, 佢都可以清楚表達, 而音符於音符之間, 是連貫的.

最近HIENDY好多兄弟都轉玩黑膠, 無可否認, 黑膠的音樂味, 質感, 動態, 都比CD好太多. 但基於我個人對黑膠既恐懼感, 到依家都未有中膠毒.

但我和其他師兄一樣, 一直想尋找一部CDP既 音樂味, 質感, 動態 能比美 膠膠.

當部CD8煲了大約300HRS後, 依個感覺越黎越強烈. CD8正正是強於音樂味, 質感和動態. 很有膠味, 很有感染力.

尤其o係播大動態既樂章, CD8表現出完整的變化速度,就算於豐厚底音與及低音壓下, 都能表達出細微的動態. 上下伸延的強烈動感對比感, 至使CD8更能處理較為復習的樂器及聲音,其音場更巨大, 更有立體感。



第四章 - 新一代AUDIO RESEARCH REFERENCE的特性.

由REF. 5開始, 我已感覺ARC REFERENCE系列的機種, 是擁有最高階的音質音效.

以我屋企的ARC為例, CD8 / REF 5 / REF 110, 平均以新機正價十萬蚊一部黎講, 可與她匹敵的牌子, 真的是無嘜選擇.

她的賣點並不重於音色, 她的賣點是強於音質音效. 說白點, 就是通清, + 高密度 + 大動態.

那麼, ARC能給予我最愛的Goldmund的[高貴]嗎?

Goldmund就是Goldmund, 佢既獨有音色, 是不能模仿的.

那麼ARC可否利用線材, 將音色改變嗎?

答案是可以的, 大家請放心, 前文都有題及過, 新一代既ARC本身不帶任何音色, 所以她能完全反映了CD的錄音 / 質數.

她對線材 / 線材既調配也是超敏感的.

如大家像我一樣, 喜愛[高貴]聲音的話, 可建議用SILTECH, ARGENTO, KONDO..等等既金銀 / 純銀線去調味.

依家用只用一條ARGENTO OLYMPIC REFERENCE PC & 一條KONDO ACZ調味. 聽感上已接近我所要求的音色了.

期望快D搵到條SILTECH 公主XLR接駁CD8 -> REF.5.

咁就超滿意了.




後記 - (廢話)

之前既完金夢 & GOLDMUND之旅, 一出完REPORT無耐, 我就大洗牌了.

希望今次可以玩耐D啦.

謝謝觀看! 記得加分!



評分

147

查看全部評分

發表於 2012-4-2 14:57:52 | 顯示全部樓層
之前既完金夢 & GOLDMUND之旅, 一出完REPORT無耐, 我就大洗牌了.

呢句最真呀
回復

使用道具 舉報

發表於 2012-4-2 15:00:49 | 顯示全部樓層
真係一等一既報告!   有埋比較表. race兄寫得十分有內涵.
回復

使用道具 舉報

發表於 2012-4-2 15:01:21 | 顯示全部樓層
槍王好野
呢篇文章已經上咗Hiendy頭版喇
回復

使用道具 舉報

發表於 2012-4-2 15:08:56 | 顯示全部樓層
好勁秋呀!!
回復

使用道具 舉報

發表於 2012-4-2 15:08:58 | 顯示全部樓層
就我有限知識, 頂級GOLDMUND必要具備22M以上級數既前級, 29M 以上級數既後級, 當中當然包括了新旗艦 22S / 22H, TELOS 600 / 1000 / 2500...etc.


非常認同你對goldmund既睇法.. 當聽過呢set Goldmund後,先明白Goldmund既精萃響邊. 當堂粉碎左我諗住買部平平地既中入門版Goldmund既計劃.  但係踏出呢步買靚Goldmund真係要不少財力..   所以最後我都係卻步玩老麥仔算喇..
回復

使用道具 舉報

 樓主| 發表於 2012-4-2 15:16:52 | 顯示全部樓層
bigpun1975 發表於 2012-4-2 15:01
槍王好野
呢篇文章已經上咗Hiendy頭版喇

咁遲d幫我將依個post搬番去"會員音響組合分享區 "啦.
回復

使用道具 舉報

 樓主| 發表於 2012-4-2 15:18:43 | 顯示全部樓層
kachow 發表於 2012-4-2 15:08
非常認同你對goldmund既睇法..  當聽過呢set Goldmund後,先明白Goldmund既精萃響邊. 當堂粉碎左 ...

依篇report既開頭, 我就係想寫返清楚, 我放棄goldmund的原因.
回復

使用道具 舉報

發表於 2012-4-2 15:22:41 | 顯示全部樓層
非常精彩.
回復

使用道具 舉報

發表於 2012-4-2 15:23:38 | 顯示全部樓層
racewong 發表於 2012-4-2 15:16
咁遲d幫我將依個post搬番去"會員音響組合分享區 "啦.

okok, 等你指示
回復

使用道具 舉報

發表於 2012-4-2 15:29:08 | 顯示全部樓層
十個讚呀[code][/code]
回復

使用道具 舉報

發表於 2012-4-2 15:37:15 | 顯示全部樓層
好精彩, GOLDMUND 浸味真係一聽難忘...........不過係燒銀紙,數身家玩意
回復

使用道具 舉報

發表於 2012-4-2 15:37:26 | 顯示全部樓層
鎗王真係寫得非常正
回復

使用道具 舉報

發表於 2012-4-2 15:42:24 | 顯示全部樓層
鎗王同一條女玩左半年....的的確確係一個記錄....
回復

使用道具 舉報

發表於 2012-4-2 15:42:29 | 顯示全部樓層
精彩,非常精彩
用心,非常用心

鎗王,我諗我愛上你..................................套ARC喇
回復

使用道具 舉報

發表於 2012-4-2 15:46:43 | 顯示全部樓層
點解你唔去做音響雜誌寫手, 浪費左, 比個like你
回復

使用道具 舉報

發表於 2012-4-2 15:47:52 | 顯示全部樓層
鎗王,好文釆唷!
回復

使用道具 舉報

發表於 2012-4-2 15:48:06 | 顯示全部樓層
racewong 發表於 2012-4-2 15:18
依篇report既開頭, 我就係想寫返清楚, 我放棄goldmund的原因.

我十幾年前有個老友,情形同你ㄧ樣,只係欠Goldmund 20和Goldmund 22冇買,最後發覺Goldmund精髓原來來自對Epiloque 1+2! 最後又係南柯一夢,全部賣晒去二手佬!你已經醒得快!吾係話Goldmund吾好,只係係咁多天價品牌,真係吾覺佢有大進步,十多年前,講音色高貴和控制力,佢已經吾夠佢同鄉FM Acoustic 手腳,家陣價錢就翻了好幾翻,得吾得真係吾知!
回復

使用道具 舉報

 樓主| 發表於 2012-4-2 15:51:17 | 顯示全部樓層
7500martin 發表於 2012-4-2 15:48
我十幾年前有個老友,情形同你ㄧ樣,只係欠Goldmund 20和Goldmund 22冇買,最後發覺Goldmund精髓原來來自 ...

FM.............

我只係在lai sir屋企 & 二手舖聽過, 如硬要比較的話, 我都係鍾意GOLDMUND多D.
回復

使用道具 舉報

發表於 2012-4-2 15:51:39 | 顯示全部樓層
令人感動嘅一編精彩音响器材評論!
回復

使用道具 舉報

您需要登錄後才可以回帖 登錄 | 新用戶註冊

本版積分規則

Archiver|小黑屋|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2024-3-29 19:20 , Processed in 0.045353 second(s), 19 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表