Oppo BDP-83, Oppo BDP-83SE 用後報告
首先聲明:以下只是個人觀感,不是專業分析,只供參考.
前言:
Oppo...對於各位係一個新鮮又唔陌生既名字,好多朋友都以為是一般大陸貨色,咁就錯了!
其實OPPO Digital公司是開設在美國加州矽谷的一家專門製作高端音視頻數碼視聽產品的公司(只不過在中國生產),
成立於2005年,在短短幾年時間內,每年都會推出一款新產品,而且每款產品皆為同價位產品中的佼佼者,
性能優良而售價又相對便宜,因而收到了美國廣大消費者的歡迎,獲得了市場的一致好評。
舊年九月,我就從網上訂了一部 Oppo BDP-83 來試試,果然是一部性價比高的宇宙盤,
今年六月,有機會再進一步,將 BDP-83 升級到 SE 版,究竟...呢部被喻為神兵利器一樣既機器,
係咪所講咁勁呢?就由小弟去同 BDP-83 比較一下...
測試器材:
Onkyo 906, Oppo BDP-83SE, KEF XQ10 ..等等.....
線材:
DDL VIOLA, AET HIN EVO, Capdase Supreme-i, Mogami 3173, SFHPX ...等等.....
兩聲道測試:
首先試 The perfect sound 2009,
No.2 Bolero/Torero ,感覺上,樂器定位清晰,分離度亦佳,
提琴與大鼓互相呼應, 節奏明快,管弦樂的旋律, 令人回味....
再試 No.7 Shenandoah, 第一個感覺係背景很靜, 令 Nah Youn Sun 沉厚的聲音更加突出, 牛筋聲
亦沖滿彈跳力, 到中段亦受到 Nah Youn Sun 有震撼力聲音的感染, 高頻延伸不錯!
急不及待再跳到 No.10 Que Sera Sera, 節奏明快, 清晰, 連歌者的口水聲,呼吸聲也清清楚楚聽得到,
雖然是一首很舊的歌, 但我亦被深深吸引住....
小結:
之前 Oppo BDP-83 聽歌方面經常被人感覺為乾及硬聲, 聲音泠唔夠感情,
在 SE 版己經有明顯改善, 人聲變得豐滿, 厚潤, 低頻量感大咗,
連帶也要把喇叭 toe-out 少許去就一就, 整體係有進步的,
如用數字寫出, 我認為比 83 進步 20-25%
Blu-ray 測試:
廠方話 Oppo 83SE 版最主要是加强模擬音頻輸出, 對於 HDMI 輸出和 Oppo 83 是一樣的,
既然,SE版供電系統有所加強, 係咪對睇戲一啲影響都冇呢, 就試一試佢.....
唔洗講一定先試功夫熊貓架勒....
大炮逃獄一段, 畫面比83更細緻, 就連犀牛守衛的皮膚紋理, 己至紋身, 都交代的很清晰,
黑位亦更加實淨, 至於聲音方面, 一開頭聽感覺低頻好像收了一點, 這反而使到弱音更加突出,
氣氛自然大大提高了....
再試蔡琴演唱會, 無論試快歌或慢歌, 都感覺倒包圍感十分好, 有如置身現場一樣,
色彩更加鮮豔奪目.
小結:
供電部份嘅提升, 對於睇戲方面, 無論畫面, 聲音都有絕對影響!
個人認為比 83 進步了約一成.
總結:
睇到呢道, 你可能會問? 我應該買 83 定 83SE? 及 83 SE 又是否抵買?
可以咁分...如果你己經有一套兩聲道組合, 買機只為睇 blu-ray, 咁 Oppo BDP-83 己經夠玩,
相反, 好似我呢d 懶人, 影音唔分家, 又想睇碟加聽歌, 咁 Oppo BDP-83SE 就啱你口胃,
聽歌睇碟質素都有番咁上吓, 當然..影音分家先至係王道!!!
至於 Oppo BDP-83SE 的用料及質素, 對比於 Denon A1UD, Pioneer LX-91, Marantz UD 9004,
我相信重有些少距離, 但係以七千餘元, 可以購買倒一部有質素嘅宇宙盤 (其實 83SE 都可作為一部 media player)
我覺得己經相當抵玩了.
|