|
|
發表於 2023-12-18 14:42:03
|
顯示全部樓層
今年器材大执位，前后级都用了ARC。睇咗会长（鎗王）既文章及 视频分享心得，行少D冤枉路，起码唔会身痕去搵胆。就算痕都唔会有太多好既选择。
之前D师兄话如果唔用跟机条黑鸡线（其实係好平衡又夹机既好线）建议用Shunyata。今时唔同往日， Shunyata 既型号已不少改变，价钱亦都唔同晒，对于最近先玩ARC 的我不一定啱使。
小弟亦缺乏银两买D贵电线去试，所以只用了现有的 Crystal Future Dream PC, 改了19C头试试。高音无可否认比跟机线好多了，但唔知点解会无晒D动态（之前用係 Soulution都唔係咁架 ）。所以最终放弃了用Crystal。
跟住就从D几草嘢既电线入手，好好彩，只试了两个牌子就搵到啱我胃口的。 现在定案了後级用了Lightspeed 20A PC （同Lightspeed H2 电处跟机那条一样），前级用 Isotek Sequel。
其实最先係二手执到条Isotek Premium 1.5M 19C 的，几旧水，试咗唔啱都唔会肉痛。摆佢係後级，一开声，哇，D 高音华丽感，空气感，空间都有可闻的改变，动态无影响。掂！Isotek 电线係镀银铜线，所以有上述改变是正常不过的。可惜因为Premium 本身无 2M 的，1.5M 长度唔够要我移动电处器材来迁就条线。所以仍要继续试其它。
朋友有条 Isotek Optimum 2M係我度, 自己落手改装了古河碳纤19C 头又试试摆落後级。奇怪 排位论 Optimum 应该比 Premium 高几班 但係我套器材度佢似乎反而无 Premium 咁自然。唔知係因为虚不受补（唔可以用古河碳纤头）定因为 Optimum 线芯比较粗暨係方芯的原因。
之后就试Lightspeed PC。点解会试呢条？原因系买了个Lightspeed H2 电处，觉得跟机条线好特别。佢线身几粗但好轻好软身，自己换个英式头插墙苏时发觉佢线芯係好很粗的。 唔明点解可以线芯咁粗但又可以咁轻咁柔软。胆粗粗，向代理订多条插 160S 后级。呢条线同换条fuse差唔多价钱，就算唔啱口味都唔会觉得笨实。（买2mm 既话之佢话係乜金既fuse 都唔觉得老亲咗，咁买 6 feet 11AWG 铜线芯 x 3 ( E, N, L) 既电线有点会觉得呢，话晒都多咁多料）。
一开声就觉得无买错，够力水（原本电处用的，点会唔够力水呀），无乜加盐加醋的感觉，好忠实的供电，速度无慢到。唯一明显唔同的就是中低频的密度比跟机线高了（好多肉，係扎实既肉唔係肥肉），尤其是男声会更厚实， 唔好望女声会娇爹咗（录音唔係既话唔好勉强线材帮你执咁多，电源线应该以中性为佳）。 估计如果前后都用 Lightspeed PC 会 太厚亦都唔係我既口味。
由于觉得唔可以前后都用Lightpeed 20A PC, 于是就去德哥铺买咗条 Isotek Sequel 2M 19C。德哥一贯既待客态度真一流，唔理你买几平既嘢都係一样对你咁热诚咁好倾。
呢条 Sequel 插 落 6SE 换走条跟机黑鸡线，一如所料，同条 Premium 差唔多，空气感，空间感，高音华丽感都差不多。
暂时还在考虑的是否应该换上古河头尾。呢两条线换咗就还原唔番，逼住继续用古河头或买过条原装。
唔知有无师兄觉得 ARC 是比较夹嗰D 啤死既胶头电线 （Shunyata 都类似係啤死嗰类），唔係好夹D高档既古河碳纤呢？
|
評分
-
1
查看全部評分
-
|
樓主: racewong
IP卡
狗仔卡
顯身卡
