|
超級戰艦..
用AV友態度看此片一定會好滿足,剛剛以一個滿意既音量看畢此片..狂轟猛炸來形容本片絕不會有錯.片長120分鐘由ch7終40分鐘開始直轟到尾過程無須講合理與否.本碟音效絕對滿足到各位AV友所好,炮彈爆炸,飛機飛彈前後左右橫飛,應有盡有.以小弟本身套下價器材睇本片其實都一直心驚膽跳,擔心拍邊後級頂唔住熄機,呢隻碟一定遇強越強可以留待擁有高級器材既版友進一步發掘此碟可愛之處...
故事內容又係外星人侵略地球,美國人負起擊退敵人任務保衛地球而戰.而今次故事內容有一個比較有趣地方係美,日聯手合作擊退外星人,戲內由於講述海軍聯合演集關係有一個由日本演員(淺野忠信)主演既日本艦長同男主角一同合作打怪獸...有趣地方係珍珠港事件70年後地點又係夏威夷合作,而直到今日美國佬一力撐住日本仔係亞洲地方指指點點及領土問題上,呢點我覺得幾值得細味.最後當然籍住美國救世者不懼死亡擊退侵略者,軍方又一大段頒獎歌頌呢一班英雄啦...太好了,我又上了一堂美國人既國民教育課...!!
畫質:母須挑剔,連場有質素既電腦特技..要幾靚有幾靚,不論用TV或projector播都絕無問題.
音效:豐富,有力,細緻及移動空間感一流,要幾多有幾多,腳軟否就要視乎大家器材既級數勒.
結論:係AV友爆機試機必備,每次由ch7開始打落隨便選一個chapter都唔會有錯,要買,一定要買!!
|
評分
-
2
查看全部評分
-
|