|
香港音響搜尋
Hiendy兩週年過後, 我地咁多位版主網主開過無數次會. 諗緊Hiendy未來有乜新動向. 結果訂立左四大工程, 六大基建, 十大Projects. , 不過都係吹水多 . 真係落實可以做到既真係少之有少. 而呢個"香港音響搜尋" 就係其中之一.
講少少當年成立Hiendy既原意比大家聽. 其實當年Hiendy唔係諗住做討論區, 因為香港都有幾個音響討論區, 再多一個其實都唔容易搞得起. 所以個陣諗係做一個hifi 報告網站, 搜羅全世界對每一件Hifi既Review,報告. 跟住用search engine形式等大家可以集中係Hiendy睇到. 所以個陣諗住討論區係輔助, 呢個搜尋器先係主打. 點知呢個搜尋器一搞就搞左兩年(其實都係近呢半年先開工 )
而呢個搜尋器暫時開放左店舖,代理, 牌子既搜尋功能. 大家可以輸入任何牌子, 搜尋器會幫助你尋找該品牌既資料同尋找香港有任何店舖售賣. 資料上都係好初步, 我地會繼續更新個資料庫. 等大家可以用得準確同方便d.
而如果資料上有任何補充, 更正請隨時聯絡我或者各版主, 更加可以email給我們最新資料 [email protected], 而家都係試用階段, 希望收集大家意見, 修正, 等呢個試用版可以快d出正式公開.
最後, 希望大家比多d意見, 等呢個"香港音響搜尋"可以更加貼身易用.
|
評分
-
8
查看全部評分
-
|