找回密碼
 新用戶註冊
搜索
熱搜: hifi av 音樂
樓主: yoyopccw

[AV擴音機] 排期睇病

[複製鏈接]
 樓主| 發表於 2012-11-9 22:30:40 | 顯示全部樓層
尼度玩靜電喇叭,可能一隻手數哂。
回復

使用道具 舉報

發表於 2012-11-9 22:31:20 | 顯示全部樓層
mlfan2012 發表於 2012-11-7 11:25
请师兄陈述一下病徵. 乜嘢问题呢?

Mifan 兄 冒味問句 你对屏風好大 乜嘢牌子?  見好多老麥 是否用黎推。因剛玩静电 有乜要注意   請指教
回復

使用道具 舉報

發表於 2012-11-9 22:32:53 | 顯示全部樓層
yoyopccw 發表於 2012-11-9 22:30
尼度玩靜電喇叭,可能一隻手數哂。

不多 有空互相家訪。我好喜欢静电的效果 同其他啦叭好不一樣
回復

使用道具 舉報

 樓主| 發表於 2012-11-10 14:55:09 | 顯示全部樓層
felixk 發表於 2012-11-9 22:32
不多 有空互相家訪。我好喜欢静电的效果 同其他啦叭好不一樣

好吖反正我都排期睇病,有空咪過來睇吓我生乜病。
回復

使用道具 舉報

發表於 2012-11-11 03:26:16 | 顯示全部樓層
本帖最後由 mlfan2012 於 2012-11-11 03:29 編輯
felixk 發表於 2012-11-9 22:31
Mifan 兄 冒味問句 你对屏風好大 乜嘢牌子?  見好多老麥 是否用黎推。因剛玩静电 有乜要注意    ...


目前MC402用嚟推對MartinLogan靜電板足夠有餘,遲D會改用MC601或細D嘅501 Mono blocks. 其他果D機有其要做嘅"任命",膽前級,AV Pre/pro, CD轉盤及解碼,NAS server,空間频響處理器夾電分,最下面左右兩台Amp推分頻後嘅拾烏化兩隻置於平板後面,故正面係睇唔到。照片中兩隻細D混合低音單元嘅靜電其實為置放後面左右有源Surround喇叭,內置咗250w amp, 不需另加裝分體Amp。因自己多聽2聲道音樂,睇戲非常少, 所以並唔重視HT嘅裝置。

評分

5

查看全部評分

回復

使用道具 舉報

發表於 2012-11-11 04:25:38 | 顯示全部樓層
多謝分享 我都睇緊 後级去推 只 Ascent I.  我主要睇戲為主 theater I 搭 aeon I   想尹
Krell  302 e 後级 夠力嗎。聴歌並不常聴 也不太焼

c兄只CLS IIA 己出左一斷颇長時 一般电屏壽命有幾長? 平時你点保養?
回復

使用道具 舉報

發表於 2012-11-11 11:25:16 | 顯示全部樓層
本帖最後由 mlfan2012 於 2012-11-12 05:01 編輯
felixk 發表於 2012-11-11 04:25
多謝分享 我都睇緊 後级去推 只 Ascent I.  我主要睇戲為主 theater I 搭 aeon I   想尹
Krell  302 e 後 ...


係呀,隻型號好舊已過20年,已停產。因平時少聽,擺多過用,所以到目前仲好聲,未到老化階段。好彩呢個CLS型號喻為ML嘅Legacy model, 可以更換新嘅靜電板。半年前走訪MartinLogan廠址,順便訂造咗對全新靜電板, 而高壓及分頻缐路亦經過廠方測試後一切運作正常如新一樣。換咗新板後可以講係舊型號嘅新喇叭啦。

靜電喇叭好聲但難侍服,首要係挑選一台可以匹配嘅High current Amp, watt 數唔需強大;其次係保養吸塵,唔好受潮,煙,小動物嘅毛毛要遠離,長時間唔用最好撥掉電源缐,咁塊板壽命先長。一句講曬確實唔易玩㗎。

評分

4

查看全部評分

回復

使用道具 舉報

 樓主| 發表於 2012-11-11 13:23:59 | 顯示全部樓層
mlfan2012 發表於 2012-11-11 11:25
係呀,隻型號好舊已過20年,已停產。因平時少聽,擺多過用,所以到目前仲好聲,未到老化階段。好彩呢個CL ...

唔怪得之前有幾師兄想買我對喇叭,聽完就走咗,原來是小弟的器材唔惦,真失禮要佢地白走。
回復

使用道具 舉報

發表於 2012-11-11 14:36:50 | 顯示全部樓層
mlfan2012 發表於 2012-11-11 11:25
係呀,隻型號好舊已過20年,已停產。因平時少聽,擺多過用,所以到目前仲好聲,未到老化階段。好彩呢個CL ...

多謝分享
回復

使用道具 舉報

發表於 2012-11-11 16:38:54 | 顯示全部樓層
yoyopccw 發表於 2012-11-11 13:23
唔怪得之前有幾師兄想買我對喇叭,聽完就走咗,原來是小弟的器材唔惦,真失禮要佢地白走。 ...

所谓百货有百客,自己唔仲意嘅嘢,都會有人當係寶,不必介懷因為對嘢唔正,所以人哋睇兩眼走人。可能當時配置唔匹配做唔到效果出嚟啫。唔急嘅就比自己玩下,不過就唔好放太多心機或花貴銭買Amp去配啦,反正自己最終唔會收留。如果平時多數用係睇電影聽環迴效果,小弟見意都係玩正統音箱喇叭吧,呢對不宜久留。

評分

5

查看全部評分

回復

使用道具 舉報

 樓主| 發表於 2012-11-11 18:13:41 | 顯示全部樓層
mlfan2012 發表於 2012-11-11 16:38
所谓百货有百客,自己唔仲意嘅嘢,都會有人當係寶,不必介懷因為對嘢唔正,所以人哋睇兩眼走人。可能當時 ...

多謝師兄的金石良言。
回復

使用道具 舉報

發表於 2012-11-11 19:34:50 | 顯示全部樓層
本帖最後由 mlfan2012 於 2012-11-12 18:18 編輯

小弟開口就停唔到手寫字。順便比D意見果D准備購置MartinLogan靜電喇叭嘅師兄們。

基於靜電膜板嘅特點,難推難養難定位,大食夾衝擊力弱,無烟又最好唔養毛毛小動物,因板膜會吸引毛毛同塵埃,時間長咗會老化,十年八载就要更换板膜。聽果時又要坐到正正,唔可以行嚟行去,否則聽到嘅聲仲衰過對電腦喇叭,又要得閒吸塵夾擦身⋯⋯主人要好有耐性,因為開始玩先要知道點調角擺位試聽再試聽. 靜電板低頻不足屬先天性但中高頻准而快,所以要習慣。果D重型Rock, Metal, 鼓樂敲擊及錄音差嘅CD黑膠最好唔好播放,否則注定家訪有可能不歡而散,尴尬收場,咁會做成自己心態開始動搖而沒完沒了去折騰自己,搞到以為是否要再置更新型號,或換用增益比屬極度微小及效益與價值唔成正比嘅天價缐材去爭取所謂高手們嘅認同。其實當時主人有否想到原來仲未將自家套系統調校到家,器材錯配,成班人一字型橫坐開得果呎多嘅黃金位,因為除咗中間果位幸運兒聽到黃金聲之外,左右靠邊果幾個高手唔聽到搖頭就怪。一句話,家訪靜電燒友之家,最好排隊一個個輪住試聽,咁就唔會聽到媽媽聲。真係要眾樂樂嘅話,退而求其次就一字直排前中後咁列坐。

相反如果樣樣俱全,用匹配性高嘅Amp加准確定位擺放後,參照一下其他真正嘅"靜電"用家探討意見(果D從未玩過但又扮高手嘅意見少聽為妙),再配合自己聆聽室嘅調聲裝置,單人坐係得果一呎左右嘅黃金點後,即時3D寛濶嘅音場立現眼前,人聲正中,各樣樂器有其各自嘅位置,感覺到喇叭唔見咗。一聽不可回頭,傳統喇叭好難比得及。缺點係低頻到某段數就唔見咗,要附加拾烏化去連接板膜所遺失嘅低頻,通常50-60Hz以下,但箇中分開嘅唔同速各喇叭單元之間頻響調配細節最考人耐力及耳覺。因為唔係拉條分缐比隻拾烏化咁簡單,而係要考慮單元時差Time delay, 單元距差Distance,,相位Phase及頻率響應嘅伸延與融合Extension, Blending and Integration。有機會再同大家探討呢家嘢嘅箇中玩法。好煩但有趣。

二手混合低音單元嘅Hibrid型號最好遠離,係本地嚟講特別係十年以上嘅舊型號,除咗2,3隻型號外,其他買入可免則免,因為換新板膜比買新型號仲要貴,除非係單純靜電板塊嘅型號,例如旗艦Statement,CLX,及停產咗CLS,呢3隻型號絕對可以投資,如果係更換咗新板膜後,二手價值高,巿場當會有所需求。耐何香港地一般家居唔大,整對咁嘅嘢擺度佔咗半個廳,老婆無唔老黎算有耳福啦。

評分

10

查看全部評分

回復

使用道具 舉報

發表於 2012-11-12 15:43:41 | 顯示全部樓層
martn logan really good sound ....super transparent
回復

使用道具 舉報

 樓主| 發表於 2012-11-12 16:35:24 | 顯示全部樓層
mlfan2012 發表於 2012-11-11 19:34
小弟開口就停唔到手寫字。順便比D意見果D准備購置MartinLogan靜電喇叭嘅師兄們。

基於靜電膜板嘅特點,難 ...

mlfan 真係給你講中哂,沒完沒了去折騰自己,這句真是十分貼切,連我老婆唔老黎你都知呀!
回復

使用道具 舉報

發表於 2012-11-12 17:43:34 | 顯示全部樓層
mlfan2012 發表於 2012-11-11 03:26
目前MC402用嚟推對MartinLogan靜電板足夠有餘,遲D會改用MC601或細D嘅501 Mono blocks. 其他果D機有其要 ...

師兄嘅分享真係非常有Heart
十分多謝師兄分享
除左屏風心得之外,玩機心態亦中哂Point
真係學到唔小野
再次多謝師兄分享
回復

使用道具 舉報

發表於 2012-11-12 18:19:24 | 顯示全部樓層
BoB182 發表於 2012-11-12 17:43
師兄嘅分享真係非常有Heart
十分多謝師兄分享
除左屏風心得之外,玩機心態亦中哂Poi ...


我都係甘話 ! 好有參考價值 !
回復

使用道具 舉報

發表於 2012-11-12 22:13:55 | 顯示全部樓層
kelvinchow8 發表於 2012-11-12 18:19
我都係甘話 ! 好有參考價值 !

不能認同更多
回復

使用道具 舉報

發表於 2012-11-12 22:33:14 | 顯示全部樓層
mlfan2012 發表於 2012-11-11 19:34
小弟開口就停唔到手寫字。順便比D意見果D准備購置MartinLogan靜電喇叭嘅師兄們。

基於靜電膜板嘅特點,難 ...

配服   ,
回復

使用道具 舉報

發表於 2012-11-13 03:54:22 | 顯示全部樓層
本帖最後由 mlfan2012 於 2012-11-13 06:31 編輯
yoyopccw 發表於 2012-11-12 16:35
mlfan 真係給你講中哂,沒完沒了去折騰自己,這句真是十分貼切,連我老婆唔老黎你都知呀! ...


各位师兄大大, 承蒙比面..

之但系搞對咁另纇嘅喇叭擺系個廳中间, 唔止阻住行路, 喇叭高度有可能仲高过夫人, 加上成排機列开唔系黑掹掹, 就系银琅琅, 比人感觉硬梆梆, 同家居擺设格格不入, 加上百幾個制同轉钮隊口隊面, d线拖到四处亂晒隆又差d cake 到佢只脚, 咁有乜法子会令老板娘like啊....

若然要夫人取得心態平衡, 唯一補救就要睇自己套架生是否够型仔啦. 器材组件擺放是否整理又對稱兼夹线材不露眼(见图). 金碧辉煌嘢金仔固然受女人们爱戴, 但如果金價狂跌, 你睇下佢会唔会仲中意...再者花果幾也皮整孖A-200返府上, 最好唔好咁老實照價道出, 否则佢一面嘩然, 然後成盘冷水撥落嚟, 仲会加句问點解唔用嚟買舊黄金???

目前如果要数够型仔, 老麦Mcintosh首當具备条件, 黑色玻璃面金丝字軆, 银色铝镶邉配上银色邉黑钮制, 绿色面板背灯再整對迷死女人嘅大蓝眼, 标准身材, 你话邉個女人睇到唔被淋死就假....所以小弟下定决心, 准备置换比A-200便宜一半有多嘅MC601s, 用嚟單拖對新板膜CLSiiA...拉埋夫人逼住坐系一尺咁大嘅黄金位又要揽住齊齊欣赏蔡琴老歌, 或夫人心儀嘅所谓歌王歌后唱嘅歌, 雖然唔ARM聽, 但何樂而不为, 一举两得, 第日要添置新玩具都容易过關. 附注, 如果家有大屏封, 又咁ARM同老婆有些少闹情绪, 呢個时刻最好聽大屏封, 因为非要坐埋果丁點位不可, 先至聽到靓声....小弟都系咁相安無事, 一起度过十幾也個從未鬥过气嘅岁月年代. 所以玩音响并唔系玩物喪志嘅一個爱好. 随时会令雙方關系更密切, 夫服可求!!

分享心得人人皆有, 只要唔好 "鑚牛角尖", "吹毛求疵", "主觀性强", "道聽途说", "班门弄斧", "老装大佬", "唔懂扮懂", "音量勁开", "砰砰嘭嘭", "没完没了"...未玩过果样却又学人比意见. 有咁心態嘅烧友, 白活人生.

附图系小弟個有钱佬朋友, 各位唔好以为系陈列室, 而系佢人兄居所嘅老麦一道墙....可能好几道...唉, 为何唔系自己嘅呢...自己套8件頭西装點见得人啊.....一個服字!!

無话可说1

無话可说1

無话可说2

無话可说2

評分

9

查看全部評分

回復

使用道具 舉報

發表於 2012-11-13 10:39:58 | 顯示全部樓層
Ching,
請問怎樣能聯絡mifan師兄,因小弟是用Martin的,有一些問題想問問,不知能否代為通知.靜電喇叭是前後都發聲,在擺位也許比較難,有何要點?
回復

使用道具 舉報

您需要登錄後才可以回帖 登錄 | 新用戶註冊

本版積分規則

Archiver|小黑屋|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2024-3-28 18:42 , Processed in 0.051709 second(s), 22 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表