本帖最後由 kachow 於 2012-12-18 11:37 編輯
每次玩CAS都係3分鐘熱度, 熱熱鬧鬧咁set 電腦, Rip file. 但係當聽到同CD既分別就即刻冷卻落黎. 始終覺得無論密度, 動態, 音樂感都同CD相差一段距離. 有7成已經叫好好效果, 所以都無比心機去玩.
今次再一次比心機玩. 因為越買越多boxset. 如果要經常換碟, 我諗我呢世都聽唔完. 所以都諗住可以方便d, 犧牲下質素都OK. 點知今次有驚喜, 試唔同USB線中比我有接近CD既感覺. 已經係差別不大.
首先, 我本身係電腦人, 所以裝程式, MAC機PC機, 乜鬼SSD, SATA, wifi,32bits,64bits, 乜Driver物Driver, iphone remote, 完全難我唔到. 所以無論win8既Foobar定係Mac機既itune或者其他Player都可以隨時試一通... 而因為電腦人既關係, 一開始玩音響都比較難以接受唔同版本既CD讀出黎既數據係有分別. 更加唔好講話唔同物料既USB線有分別. 不過今次試既4條USB線的的確確分別好大.
今次我總共試左4條USB線, 分別係$20 USB線, Entreq Konstantin, AQ Diamond, WireWorld Platinum Starlight. 而長度都係1.5M(Entreq 2M). 而自己用EAC Rip左歌黎比較. 所以今次自己會直接同CD出黎既質素比較,而以下結果係聽完4條既分析.
1. $20 USB 線, 人聲唔夠實在, 最大問題係無動態. 非常平淡.. 呢個亦都我一直以黎對CAS既感覺.
2. AQ Diamond, 動態就有喇, 樣樣野都好響亮, 人聲都無CD咁實在. 搞到有d嘈, 低頻亦都有d化既跡象.
3. Entreq Konstantin, 最特別係音樂感強, 係4條線最好音樂感既一條, 人聲亦都好實在, 充滿現場感, 雖然動態無AQ咁誇張, 但係聽係黎非常舒服. 高低伸延都交代得非常好, 特別交代我無買到Entreq地盒. 所以我將佢條地線駁左去Taralabs 既大地盒度. 亦都聽到聲音明顯靜同音場深
4. WW Platinum Starlight, 呢條係4條線中我覺得最好既一條, 音場大, 層次感做得好好. 高中低頻亦都無散或者唔實在. 非常接近我部機既CD表現. 每種聲音既分隔度都做得好好. 真係我最like既一條!
係Entreq同WW之間做左多次比較. WW無Entreq個種音樂感, 但係有好好既音效質素. 所以都好難取捨. 但係我可以講, 今次可以認認真真咁去rip碟, 聽CAS. 因為呢兩條線都已經比到我滿足既感覺. 而CAS既方便亦都令到我可以暫時放棄換碟聽CD.
我亦都有參考大家近期玩過既CAS比拼, 賽果同我試既好唔同. 可能用既解碼器既聲音取向都好大分別, 所以結果都會完全相反..
|