又平又正的 CAS (MPD on Linux) - 2013-05-02

obee

想出呢個POST分享下用 MPD (Music Player Daemon) 玩CAS (Computer-as-source) 好耐. 但唔知點寫好, 因為我發現, 其實有幾類人:

1. 想用FILE聽歌, 但基於任何原因, 玩唔到CAS, 只可買Product, 一插即玩, 如果D Network Music Player, 或者係用 SD Card Player.

2. 想用FILE聽歌, 都會攪下software setup, 但只限 Mac / Windows, 咁就去左玩 Foobar, Amarra 之類

3. 想用FILE聽歌, 都會攪下Linux, 咁就玩左 MPD 了, 如 Voyage MPD, 同我以下想講的 Cubox 同 Pogoplug. 呢類人其實好多, 只係佢地識玩了, 又何必出POST講呢?

其實小弟算玩過"1" (Squeezebox Touch前用家), 未玩過"2"(電腦我上下網同放下野炸), 但呢幾個月, 機緣地認識到一個叫 Cubox 嘅小電腦, 就開始左玩 MPD 了.

同唔小網友交談中發現, 其實有好多人想SETUP一台平平地嘅CAS, 未必取代CD系統, 只係想多個玩法, 但又苦無入門方式. 我本來唔係好明白, 但有個網友提醒我, 雖然我, 作為有玩Linux經驗的人來講, 係好簡單嘅野, 但對好多人, 佢地只係買CDP, 插電, 插線, 放碟就播. 就算只係打一兩個command, setup 一次咁大把, 都唔係咁易.  我回家反省左一晚, 覺得應該做D野, 就當係拋磚引玉, 等多D人可以玩到 Linux+MPD

以下我想:
1. 講一講基本概念
2. 介紹兩個小電腦仔
3. 介紹安裝Linux同MPD


附錄:
1. 如何找出Cubox/pogoplug 在你家中的 IP-address
2. 給 M2Tech hiFace / Northstar Essensio 等用家在 Cubox 上行的 driver
3. iPad mPAD 的介紹
4. Capture Window 方法 (方便報告你setup時遇到的問題)
5. 在 Pogoplug 上 compile MPD latest stable version. (optional, 只合 pogoplug user 又想有 DSD support 嘅 user)

更新:
1. 2013-03-03 - Mytek 在 Cubox 上的支援
2. 2013-03-14 - Pogoplug + MPD 另一玩法 --- 裝 ArchLinux
3. 2013-03-15 - Linux 下透過 SSH Upload / Download File
4. 2013-03-26 - (進階) 把 Cubox 上的 Linux 改成 "read-only file system"
5. 2013-03-27 - (進階) 令 Cubox 可以播放 USB 手指上的音樂檔

obee

1. 講一講基本概念
要玩File 出到聲, 基本上要有:
File + Player + Controller + DAC + AMP...
File 要有載體, 如 NAS
Player 如 MPD (http://mpd.wikia.com/wiki/Music_Player_Daemon_Wiki)
Controller 如 iPad 上可以用 mPAD

Physically 有左呢三樣野, 你下一步要 software 層面將佢地打通. 如:
NAS 你要開個 Share Folder, 將 Music Share 出來. 最常用如 Windows File Sharing (又稱 Samba, CIFS), 或者用 Network File Sharing (NFS), NFS 係UNIX年代就有的 file sharing protocol, 比 Windows File Sharing 快, 但 MS Windows 唔 Support. 只有 Mac / Linux support.

Player 你要有個 OS, 如 Linux, 跟住要有個 Player software, 如 MPD. 如果玩音響用的, 我覺得呢PART要有咁簡單得咁簡單. 我指係從電腦角度. 因為如果個電腦播親歌都要行好多process, load 好多野, 咁 jitter 一定會多左. 另外, 我唔建議個電腦又播歌, 但同時間又做8千幾樣其他野. 例如有人會用NAS做 player 呢 part, 因為NAS好多時候都係好忙咁做緊好多野如 BT, Web Server, File Sharing... 個 player process (MPD) 同相關的 process, 如要寫Data去USB 的process, 如要從network 讀 Data 的 process, 都係想即叫即到(就係所謂嘅 real-time, mission critical).

Controller 方面好簡單, 只要揾一個你啱用的就可, 例如用 MPD 的話, 我會用 iPad 的一個 paid app 叫 mPAD ($23HKD). 呢個 app 唔算完美, 但已經係ipad上暫時最理想的 MPD controller.

obee

2. 介紹兩個小電腦仔 - Cubox & Pogoplug
上面講過, 我地要三樣野先通條路(File Source + Player + Controller). File Source 同 Controller 都唔係呢個POST嘅討論重點, 雖然好多人係SETUP上都會係 file source 同 controller 上遇到不小問題...

呢個POST 主菜係介紹俾大家兩個電腦仔, 除左之前有講過的 Voyage Starter Kit 之外, 大家可以有多兩個選擇. 點解唔用 Mac / PC 大機做? 因為無好處, 大件, 用多左電, 多左noise, 貴D, 又唔會快好多...


Cubox
http://www.solid-run.com/cubox

呢個係由一間以色列公司開發的, 個子十分細小, 只有2寸X2寸X2寸. 有1個 microSD slot, 2個USB 2.0, 1個Gigabit LAN port, 1個 HDMI port, 1個 eSATA port 同 tsolink. 原裝5V外置供電 (switching 牛).
1G / 2G RAM, 800Mhz dual core Arm v7 CPU
如何買? 可以上官網買 :http://www.solid-run.com/store .下單到寄到你家要約三星期.
幾錢? 約$1100 (1G RAM 版本) - $1400 (2G RAM 版本)

Pogoplug v2 Grey

呢件野用平嚟形容最合適, 雖然比Cubox慢小小, 但如果只係用於播歌係無乜問題的.
有4個USB 2.0, 1個Gigabit LAN port, 原裝內置供電 (switching 牛).
256M RAM, 1200Mhz Arm v5 CPU
如何買? 可上新高登2樓(九龍深水步元洲街85號新高登電腦廣場 1 樓 14X號室 (上一層樓梯), 東X科技公司
幾錢? 約$100 (可能無貨, 要訂)
也可上Amazon / ebay 買，不過貴好多下。

兩部電腦仔都係 ARM CPU 的:

Source: http://archlinuxarm.org/platforms

obee

3. 介紹安裝Linux同MPD
呢PART要先再細分如下:

3.1 如何透過 SSH 去 remote connect Cubox / Pogoplug
3.2 Cubox 的 Linux Setup
3.3 Pogoplug 的 Linux Setup
3.4 Linux 連接 File Source

3.1 如何透過 SSH 去 remote connect Cubox / Pogoplug
以下會有需要 remote login 入去 Cubox / Pogoplug,
如果你用 MS Widows:
建議用 putty:
http://the.earth.li/~sgtatham/putty/latest/x86/putty.exe
打開 putty, 輸入 IP Address　後按 "Open" 便可

要離開(logout), 打 "exit" 或者 close 左個 putty 便可.

如果你用 Mac:
你唔需要用 putty, 只要打開個 "terminal" (係 MacOSX 嘅 build-in app), 輸入 "ssh root@<IP address>", 佢如果駁到會問係個 password. 要離開(logout), 打 "exit" 或者 close 左個 terminal 便可.

注意, 以上的圖是我的IP-Address設定, 你的設定好可能同我的唔同, 唔知點找出你的Cubox/Pogoplug 的 IP-address 可看這個: (如何找出Cubox/pogoplug 在你家中的 IP-address)

3.2 Cubox 的 Linux Setup
玩CAS最難的係太多野要SET, 唔係俾錢買, 插電就用得. 雖然我唔抗拒學攪, 但我都覺得好煩. 所以我之前一直用Squeezebox Touch. 因為佢同你包辦晒後面好煩嘅SETUP...

直到我認識 Cubox, 經網友介紹, 原來好似 Voyage MPD Starter Kit 咁, 日本人 "窪田 洋" (網名 "yo")(http://www.symphonic-net.com/kub ... rticles013.html#011)都有用 Cubox 嚟玩CAS, 佢地做好左一個 image 放係網度任人 download 落去自己的Cubox. 只要你跟住以下簡單幾個步驟, 就可以半個鐘度SET好一個專為 CAS 的 Linux, 仲要包埋 MPD, 你話幾正呢!
1. 先去:
http://www.symphonic-net.com/kub ... c5NqMHZ5emlHMl9YOWM
download image file

2. 如果你打算用 Windows 將 image 寫入 micro SD 卡, 請再去:
http://launchpad.net/win32-image-writer
download Windows image writer
(Credit goes to Alexander Beug, http://www.alexpage.de/about/)

3. 寫入一張 2G或以上的 micro SD 卡, 建議用 sandisk 或 transcend. 已知Adata 唔work. 因為 Cubox 會挑SD卡的. 另外, 快card如 class 10 會開機快DD. 如果係 Windows 上寫入 micro SD 卡, 個program 記住 "Run as Administrator":


4. 完成後插入 Cubox, 駁LAN 線，駁 USB DAC係上面的USB slot, 駁電, 就"差不多"可以玩了.


3.3 Pogoplug 的 Linux Setup
基本上, 如果你識玩下Linux, 你可以裝 MPD 係 Android 手機, Router 等, 原理同 Pogoplug 的係一模一樣, 我今次介紹pogoplug主要因為佢平, 佢聲音上佢唔會比 Cubox 好(唔明顯的分別), 因為我暫時唔見有人做好一個專俾CAS的image 好似 Cubox 咁俾人用 (如果有, 煩請post出來).

多謝 Google, 俾我揾到一個簡單地介紹點樣用 pogoplug 玩 CAS 的 blog:
http://rustybytes.com/2011/02/16 ... -squeezebox-server/
呢個blog係從另一度將資料選出同簡化, 但我都覺得好長, 加上佢主要係教人點裝 Squeezebox Server + Player 係 Pogoplug, 同我想講嘅 MPD 係兩樣野, 所以我會再簡單咁講多次點 set.
因為 Pogoplug 係有256M RAM + 128M NAND(NAND 係快閃記憶體一種, 係唔會因為無電而無左DATA嘅RAM, iPod 上的就係 NAND). 本身 Pogoplug 係跟機有個 Linux 仔(超細小）可以自己boot起, 唔使力任何USB手指都可以玩的。　只係我地如果要用佢玩ＣＡＳ，我地的 Linux 大過 128M,　所以我地要改改個 Boot Order 令到 Pogoplug 會先睇下有無 bootable USB 手指，　先再從NAND中 boot機.

1. 取出 Pogoplug, 只插 LAN 線同電線，等２分鐘。

2. 搵部電腦上網去 Pogoplug 個 website: my.pogoplug.com, register 然後登入

3. 登入 my.pogoplug.com 後, 去 "Security Setting" 果頁, enable 個 “Use full security sessions”, 咁先會令你可以透過 SSH login 到 pogoplug. (呢個步驟只需要個一次)

4. 如果你用 MS Widows, Putty 入去，如果你用 Mac, 打開個 "terminal", 輸入 "ssh root@<IP address>" 用, login name=root, password=ceadmin 登入

5. 打以下 command,　逐句 "copy and paste", highlight 完一行, right-click mouse, "copy", 在 putty (login 後) 按一下mouse right click, 再按一下 "enter" 鍵:

1. cd /tmp

複製代碼

1. wget http://jeff.doozan.com/debian/uboot/install_uboot_mtd0.sh

複製代碼

1. chmod +x install_uboot_mtd0.sh

複製代碼

1. export PATH=$PATH:/usr/sbin:/sbin

複製代碼

1. ./install_uboot_mtd0.sh

複製代碼

4. 佢load 一陣會問你 "ok"? 你打 "ok", 再按一下 "enter" 鍵

6. 佢load 多一陣會問你 "Y / N"? 你打 "Y", 再按一下 "enter" 鍵

7. 輸入　"poweroff", 關埋 putty, 關埋pogoplug(息電制）.


完成以上的步驟，以下的有關準備一隻 USB 手指的：
1. 去:
http://www.squeezeplug.eu/?wpdma ... id=MTMuaG90bGluaw==
download image file

2. 如果你打算用 Windows 將 image 寫入 micro SD 卡, 請再去:
http://www.alexpage.de/usb-image-tool/download/
download USB image writer

3. 寫入一張 4G或以上的 micro SD 卡, 如果係 Windows 上寫入 USB 手指, 個program 記住 "Run as Administrator":

(原來我的USB 手指中有些可以BOOT到, 有些不能, pogoplug 都會挑 USB 手指的. 我用ADATA 的 8G USB3.0 手指 OK)

4. 完成write image後插入 Pogoplug (是但一個 USB slot), 再次駁電, USB DAC就"差不多"可以玩了.

5. Putty 入 pogoplug (login name=root, password=nosoup4u)
Login 之後會自動進入 "setup page"

6. 因為個 image 本身無 MPD 的，所以要自己裝：
打以下 command,　highlight 完一行, right-click mouse, "copy", 在 putty (login 後) 按一下mouse right click, 再按一下 "enter" 鍵:

1. apt-get update

複製代碼

1. apt-get -y upgrade

複製代碼

1. apt-get -y install libavahi-glib1 libaudiofile0 mpd mpc alsa-utils

複製代碼

等 20分鐘度。。。

再打以下 command:

1. sed -i 's/bind_to_address/#bind_to_address/g' /etc/mpd.conf

複製代碼

如果你之後會用 NFS, 再打以下 command: (如果你只用 Windows file sharing 去 mount drive, 就不用)

1. apt-get -y install portmap nfs-common

複製代碼

3.4 Linux 連接 File Source
做左 3.1 或 3.2　之後，你會有一個可以播到歌的 Linux 機仔，但仲有一個小小fine tune同一個好重要的 step要做先可以揾 ipad 播歌.
1. Putty login 入
Cubox (login name=root, password=cubox)
pogoplug (login name=root, password=nosoup4u)

2. (可做可不做，如果你的file是 WAV, 最好做埋）裝 web server

1. apt-get -y install apache2-mpm-prefork

複製代碼

1. echo "ServerName 127.0.0.1" >> /etc/apache2/apache2.conf

複製代碼

1. a2enmod userdir

複製代碼

1. ln -s /var/lib/mpd/music /var/www/Music

複製代碼

1. service apache2 restart;

複製代碼

等3分鐘度。。。

3. 只係俾　Cubox 用家:

1. apt-get update

複製代碼

1. apt-get -y upgrade

複製代碼

3.1 可做可不做, 清左D 日本野:

1. apt-get -y remove --purge language-pack-*

複製代碼

1. apt-get -y install language-pack-en-base

複製代碼

1. dpkg-reconfigure locales

複製代碼

1. export LANG=en_HK.UTF-8

複製代碼

1. dpkg-reconfigure tzdata

複製代碼

1. echo "export LANG=en_HK.UTF-8;" >> /root/.profile

複製代碼

1. apt-get -y autoremove

複製代碼

3.2 NFS, 如果你用 NFS　去駁 NAS, 就要：

1. apt-get -y install portmap nfs-common;

複製代碼

4. 最後，最重要的，要教 Cubox / Pogoplug 每次開機都自己連接上 NAS 度:
之前講過，有兩個方法可以令 NAS share file 出來：Windows File Sharing (Samba / CIFS) 及 Network File Sharing (NFS), 你睇番自己想用邊個，就做4.1 或 4.2
4.1 Samba / CIFS
echo "192.168.1.2:/Multimedia/MUSIC /var/lib/mpd/music cifs username=cubox,password=12345,file_mode=0644,dir_mode=0755,iocharset=utf8 0 0" >> /etc/fstab
藍色的入乜人人唔同，你要了解你個 Windows share name係乜user同password係乜，然後輸入番合你用的資料！

4.2 NFS
echo "192.168.1.2:/volume1/music /var/lib/mpd/music nfs soft,fg,retry=0 0 0" >> /etc/fstab
藍色的入乜人人唔同，你要了解你個 NFS share name係乜，然後輸入番合你用的 share name！

5. (可做可唔做）試下自己 mount:

1. mount /var/lib/mpd/music

複製代碼

如果佢無出 error message, 恭喜你，可以打埋以下command去double check

1. ls /var/lib/mpd/music

複製代碼

如果見到有 music file, 咁再次恭喜你，完成了！

6. 如無意外，打

1. reboot

複製代碼

跟住過去ipad度，用mpad輸入番 cubox / pogoplug 個 ip address就可以播歌。

我要講係咁多，大家可以試下，如有問題，請連同 putty screen capture (http://windows.microsoft.com/en- ... pture-print-screen#) 放出來等其他人幫下手。

多謝收看，因為我打中文好慢，真係打得好辛苦。

Credit:
1. Putty, which is written and maintained primarily by Simon Tatham
http://www.chiark.greenend.org.uk/~sgtatham/putty/

2. USB/SD Card Image Writer by Alexander Beug
http://www.alexpage.de/about/

3. 窪田 洋先生 (yo) 的 Cubox Linux built:
http://www.symphonic-net.com/kubotayo/profile-e.html

4. Pogoplug 的 Linux image
http://www.squeezeplug.eu/

elo

Support! I switched from Mac mini to Voyage MPD after reading your post in another forum.

k500a

師兄，
期待中。
也請師兄說一下，MPD 在不同的hardware 上聲音素質的分別。
謝謝

elo

Thanks Obee C-hing!  My friend is asking me to set up a simple CAS/FAS for her and I am looking at Pogoplug but don't know how to start.  Your post here is definitely very helpful.

Peter6L6GC

obee 發表於 2013-2-27 10:54
1. 講一講基本概念
要玩File 出到聲, 基本上要有:
File + Player + Controller + DAC + AMP...

我刀係俾左夜四雞用MPAD泥用IPAD remote Linux Viyage MPD，IPHONE 個版片係免費潻架，真係簡單真接又有Album Art睇。

chhanthony

真係一個做福人群嘅post，自此你會好唔得閒!

Peter6L6GC

obee 發表於 2013-2-27 10:54
2. 介紹兩個小電腦仔 - Cubox & Pogoplug

我就用緊個Linux Voyage MPD starter kit 俾12V Liner DC佢，好期待師兄介紹其它呢兩款。

chhanthony

借嚟分享下!可以嗎?

Peter6L6GC

obee 發表於 2013-2-27 10:55
3. 介紹安裝Linux同MPD

呢樣真係做福人羣

Peter6L6GC

chhanthony 發表於 2013-2-27 12:10
借嚟分享下!可以嗎?

我用個隻$1.2K 係香港仔深灣間R???? audio買。

obee

chhanthony 發表於 2013-2-27 12:10
借嚟分享下!可以嗎?

Sure!

obee

brkkh 發表於 2013-2-27 12:16
如果1,2,3都係正常setup既前題下, 咁係咪3最好聲呢?

CAS 太多變數, 如果你睇CDP 有以下變數:
1. CDP機本身的型號
2. CDP的電源線
3. 如何放 ("震"的處理)

咁CAS有:
1. CPU 型號
2. RAM 如何用 (process 由他 dynamic memory allocation 定係 預先做 memory allocation?)
3. Process priority 的設定 (邊個 process higher priority, 邊個 lower?)
4. Player 版本
5. Network fine tuning (e.g. TCP/IP setting, file sharing setting)
6. MPD (Player) 的設定, 如 buffer 幾大?
7. Network Cable (不同的LAN線有不同聲)
8. USB Cable
9. 電源線
10. 如何放 ("震"的處理)

唔好咁煩, 如你講, 簡單咁SET, 邊個好聲? 就係呢個 post 嘅其中一個重點了, 相信師兄睇完個POST會多點領略.

Peter6L6GC

brkkh 發表於 2013-2-27 12:16
如果1,2,3都係正常setup既前題下, 咁係咪3最好聲呢?

係我嘅情況係
1.我用QA660
2.我用iTunes + Amarra /  win 7 + foobar
3.我用 voyage MPD starter Kit
我依家用3.

wakalaaa

一盤電腦vortexbox好唔好過mpd？
mpd 都要有電腦控制先得？

wakalaaa

voyage mpd 可唔可以wifi android 選歌？
線性電源改善有幾大？幾錢？

darkfrank

想問下有玩開linux既師兄， audiophile-linux音質相比如何？
優化程度大唔大？

http://www.ap-linux.com/

wakalaaa

我而家部電腦用左兩個sotm sata filter,
一個psu 既x filter, 子勻sata線, nec chip usb 3.0card,
seasonic 冇風扇牛，
經ifi usb power 去W4S DAC2
jplay 5.0 + fildelizer

做左噤多野而家覺得算係好聲，幾個朋友上黎聽過都話冇數碼味。
買個cubox會好幾多？因為cubox都要電腦控制，經lan線去電腦/nas攞歌。

ifi usb power夠力俾cubox嗎？