本帖最後由 racewong 於 2013-4-10 13:58 編輯
自從做左HIENDY餅主後, 測試既線材越黎越貴, 幾乎每個REPORT都有網友投訴寫o下D便宜D線材/器材報告得唔得呀?!
哈哈, 今次依條真係好抵玩, 又有質數, 所以出番個REPORT分享一下.
自從兩年前留意到ZENDO依個牌子後, 此XLR陪左我大約有1年時間. 最後因為換了細屏風1.7後, 想增加低頻量感, 購入CARDAS CLEAR, 而放售了ZENDO.
直到最近入手了PASSLABS XA100.5, 加上對MAGNEPAN 3.7開始開聲, D低頻依家多到有小小BOOM添. 咁既情況, 當然係要幫佢減減肥啦.
所以就令我再次諗起ZENDO這個牌子. 講真, 幾千蚊既線材, 如果要做到全頻高質, 這根本是沒可能的事. 多多少少總有點偏聲, 如果配搭得好, 要贏萬元級線材絕非天方夜譚.
如果想睇番之前有關ZENDO XLR REPORT, 可到
http://www.hiendy.com/hififorum/ ... amp;highlight=ZENDO
http://www.hiendy.com/hififorum/ ... amp;highlight=ZENDO
今次測試既ZENDO, 係一條外表好鬼幼身既POWER CORD, 黑布線身, 內部用了6 X 1mm金銀線 + 一芯純銅絞合而成.
因為線身外觀無咩特別, 所以用番代理果幅相好似仲靚D.
由於到手的ZENDO係古河FI-25 既15A頭, 所以我只能插在CD8上測試.
測試曲目有人聲, 鋼琴獨奏, 古典.
人聲,
優點 : 高頻伸延好靚, 人聲口型夠細, 線條靚, 尤其係聽女聲夠嬌豔. 最令人擔心既低頻量感竟然無小到. 真係估佢唔到.
缺點 : 高頻去到中段有小小偏硬, 這可能是新線未煲熟既關係. 人聲感情唔夠感染力. 背景聆寧度唔係十分出色. 可以話係交足功課.
試完人聲, 就試埋鋼琴獨奏啦.
優點 : 高頻能量感強, 分析力高.
缺點 : 都係高頻去到中段有小小偏硬, 小左D堂音, 琴身共鳴感都差小小.
之後到古典曲目,
優點 : 速度快, 動態強, 分析力高, 音場深度好吸引, 闊度適中, 低頻量感適中.
缺點 : 控制力不夠, 大場面有小小亂. 高頻偏硬.
總結,
ZENDO PC一貫佢既XLR特性, 偏向中高至超高, 但比較驚喜是低 頻量感比XLR更多.
我覺得佢既強項係高頻可到達萬元級別PC比拼, 人聲口型夠晒靚線條. 最能吸引我既, 係佢既音場深度. 可以令音場向喇叭後方移後起碼兩三尺. 這正正是我現有組合所需要既元素.
如以佢黎PK過萬完既PC, 可能在有些細節如:中頻既濕潤度, 全頻控制力上都會有少少輸蝕, 但以佢既售價 $900一尺黎講, 我只可以話係超值之選!
~~~~~~~~完~~~~~~~
|