本帖最後由 racewong 於 2013-10-15 13:14 編輯
眨吓眼, 我用BRYSTON 7B sstc推我對屏風3.7已接近兩個月.
一個月前, 出左份<<好撚過引>>既BRYSTON REPORT, 心諗依對咁抵玩既美國石機可以陪我起碼兩年啦. 點知....唉.
又係由一對3.7開始講起, <<屏風越大塊, 越大食!>>, 這根本唔係咩特別新聞, 我地HIENDY既資深網友LEOKING, 用到一對SOULUTION 700推大屏風, 對20.1仲好似越食越有咁, 如果要搵野形容佢, 我只諗到八個大字~ [女人四十, 如狼似虎]
比幾多, 佢就要你幾多, 簡直就係極度需索!
上次HIENDY X 新漢既PMC FACT 12試聽會, 我初次聽到1000W推出黎既密度質感係幾咁真實, 立體. 小小一對FACT 12, 其中高既順滑質感, 令我對PMC有著極大好感. 心諗, 如果用對28B推我對3.7, 比較起7B, 可以改進幾多呢?!
完SHOW後, 我又厚著面皮, 同新漢借對28B回家測試.
一星期後, 依對28B就在我家開聲了.
睇左睇先慢慢再講...
外觀
今次依對28B SST2好明顯係比7B SSTC厚身好多, 面板沒有了招牌式大手抽, 感覺比較斯文左小小.
前板既開關制上, 印有28B SST2字樣, 按下去既手感, 比7B SSTC更佳, 更實在.
機後既輸入輸出, 同7B SSTC一樣, 唯獨喇叭插輸出共有兩組, 可供用家使用BI-WIRE接駁喇叭.
致於GAIN 調教方面, 一樣有23db / 29db可供選擇. 如用家使用XLR輸入, 廠家建議使用23db, 相反如使用RCA輸入時, 就用番29db.
仲有一樣野, 28B在暖機既熱度, 係熱過7B好多好多, 我覺得佢既熱度, 可以比美CLASS A既後級熱力.
內涵
COPY FROM 新漢既新聞稿.
這是一款每聲道輸出功率達1,000瓦（8 歐姆負載）的超威猛後級，因此它的電源供應部份可不是普通的誇張，居然用上了2,000VA的Plitron環形變壓器，總電容數也高達160,000μF（每聲道16顆10,000μF濾波電容），這也就是擴大機的主要重量來源。用了這麼誇張的電源可不是為了虛張聲勢，而是讓多達16對（8對與8對橋接）的MJL 21193/21194大電流功率晶體吃飽電的必然作法。在電路設計上，28BSST² 的架構非常簡單，訊號先進入擁有分砌式緩衝電路的輸入級後，直接進入功率級放大後輸出，訊號傳遞路徑極短。在電路配置上，可以看到輸入級與功率放大的電路板分居左右兩側完全對稱，雖然說兩塊功率級電路板是採用橋接輸出，但是僅作為單聲道，可以斷定是採用全平衡電路設計。另外在28BSST² 的電路上可以看到 Bryston 的另一項堅持，所有模擬訊號線路都是以個別元件組成，沒有使用IC，因為使用IC可能會產生相位飄移的問題，任何會影響精準度的作法都不容許。
多數音響迷當看到 28BSST² 的規格時，都會專注在它那驚人的1,000瓦輸出功率，Bryston 自信的說從1瓦到1,000瓦的聲音品質一樣好。市面上多數擴大機品牌公佈的漂亮功率曲線圖，大多是最大功率瓦數的三分之一以後的輸出（例如100瓦就是30瓦以上的測試曲線），低於三分之一的輸出瓦數有著很大的失真，而 28BSST² 從1瓦到1,000瓦的測試曲線是一樣漂亮，失真極低。因此無論喇叭需不需要這麼大的瓦數，聲音品質是一致的。另外原廠公佈的1,000瓦率輸出是8歐姆負載的數據，事實上如果是在4歐姆的負載下，最大輸出功率可達1,800瓦， 28BSST² 宣稱可以驅動地球上任何一對喇叭。
實地測試
玩HIFI最殘酷既事情莫過於A/B比較, 仲要係同廠既高低型號. 究竟28B好過7B幾多呢? 在價位上, 一對28B街價大約18萬. 一對7B就大約8萬, 兩對MONO BLOCK既價錢竟可相差10萬大元.
輸出功率, 如以4ohm黎睇, 7B SSTC本以高達900W, 而28B就痴線地多多一倍, 足足有1800W輸出.
這樣大火數既輸出, 對屏風用家黎講, 真係好大吸引力. 前文已提及過MAGNEPAN係一個極度大食既中女, 根本上, 越大力推佢, 佢就越開心.
今次為左要深入測試依對千火怪獸, 我決定邀請另一屏風用家上黎一齊聽下1800W推3.7既表現, 當然, 我有個小小既要求, 就係要佢帶同一張MOZART PIANO CONCERTOS no.20 & 21既玻璃CD上黎一試.
說起這個屏風用家, 只要一講佢用SOULUTION推屏風, 大家都估到佢係邊個啦. 哈哈.
當然, 佢作為另一屏風既死硬粉絲, 佢都好有興趣聽吓1800W推3.7既表現可以去到咩境介, 不竟佢對700經橋接後, 都可達860W的強大輸出.
使用既器材線材名單如下.
CD Player - Audio research CD8, PC - Shunyata Zitron Anaconda
XLR - STEALTH V10 METACABON
Pre-Amp - Audio Research Reference 5 se, PC - Shunyata Zitron Anaconda
XLR - Cardas Clear
Power Amp - Bryston 28B sst2, PC - Shunyata King Cobra CX
Speaker Cable - Transparent Ultra MM2
Speaker - Magnepan 3.7
在我的組合裡, 第一次聽玻璃CD, 我地先唔評論對BRYSTON 後級住, 首先講講依隻定價大約五千蚊一隻既玻璃CD.
未聽過玻璃CD既人, 佢地會奇怪點解咁多儍佬會用幾千至萬幾蚊去買一隻CD, 唔通依隻玻璃CD可以好聲得過黑膠?
實際上的結果, 我可以好肯定咁話比大家知, 在順滑度, 寧靜度, 幼細與分隔度等等, 玻璃CD都有著明顯優勢. 當然還要視乎該碟既錄音質數啦.
當鋼琴響起片刻, 我深深感受到玻璃CD既威力, 最明顯在於按鍵力度既強弱, 圓潤度, 微動態既表達. 我估唔到我既CD8 可以高班左咁多. O晒咀!
好肋, O完咀就講番對BRYSTON 28Bsst2, 佢比我既第一感覺是 - [屈機].
音場大了足足四尺, 播concertos時, 後面既管絃樂團的定位, 穩定地展現出黎, 之前用7B sstc已十分滿意既控制力, 聽感上, 28B比7B既控制力起碼強上2倍以上, 最慘係連音樂感, 高低伸延都可以再上一層樓. 而令我最汗顏既係, 極之豐滿低頻既暗湧, 十分輕易就佈滿全屋, 而且收放自如, 你根本無需為佢既控制力而操心. 說到音色, 我之前份7B REPORT曾提到7B是無色無味的力量控制型後級, 估唔到今次依對28B sst2, 竟比到一種小小甜甜地既音色, 這更令人更易愛上.
至於佢既幼細與順滑度, 連用開Soulution既 [佢] , 都讚口不絕, 更極力推我快d買入依對28B sst2, 從他口中說出這28B後級的確具備力量, 幼細與音樂感於一身, 以20萬不到既售價, BRYSTON今次簡直係賣大包之作.
最後, [佢] 都好想立即比較一下7B與28B既距離, 所以兩條友仔夾手夾腳, 換返對7B出黎開聲.
同廠高低型號既比較, 本已極不公平, 依家對7B仲係凍冰冰咁開聲. 輸成條街已經係預左啦.
好彩, 聽左半個鐘既7B, 最終都係輸兩條街到. 聽起來, 都有板有眼, 未至於失禮於人前.
總結,
這次測試經驗, 證實了大火數既POWER AMP唔等於粗聲. 只要配搭得宜, 一樣可以玩出絲般幼滑既音質.
記得在隔離台, 已有發燒友使用這對28B sst2推動MBL 101E, 家訪後, 個個訪客都讚口不絕.
我對屏風今次經過1800火既洗禮, 會否甘心換番只得900火既7B推車呢?! 這問題不應問我對3.7, 問題應該係問番我自己.
今次忍唔忍到手先? 我依家咁多機會試機玩線, 如果次次有料到, 都比錢買, 咁真係搵幾多錢都唔夠玩HIFI.
現在沒辦法之下, 唯有快快手PACK番對28B, 唔開機三幾日, 希望冷靜一下, 睇o下可以忘記28B既音質音效先啦. |
IP卡
狗仔卡
發表於 2013-10-15 13:14:29
提升卡
置頂卡
沉默卡
喧囂卡
變色卡
顯身卡
發表於 2013-10-15 13:30:29
聲板主哥貢講我角得28B sst係堅但7B sstc.的性价比又好似高D wor
！
28B sst係堅 但多成10餅
