本帖最後由 EDWINCWLAM 於 2014-12-30 16:07 編輯
多謝兩位CHING 加分, 玩左部機幾日, 相當滿意, 可能我之前未用過有HD解碼嘅AV AMP, 我之前用DENON 嘅古董機 AVC-A11XV, 係果時我只可以話係7隻喇叭一齊有聲, 講唔上咩環繞聲, 而且部機全無力水, 後來部DVD機壞左, 而BLURAY大行其道, 所以就買左部OPPO93, 因為部機冇HD解碼, 我只有用BDP個LPCM輸出比部AV AMP, 果時已經覺得換左一個景畀, 聲音畫質全面跳級提升, 再後來聽朋友講有部平靚正嘅AV前級, AVP18, 果時興趣都未有咁大, 後來聽朋友講已經出左新款 AVP18 PRO, 而且仲做緊聖誕PROMO, 非常抵玩, 於是撩起左條引, 因為部AVC-A11又未壞, 唔想換左佢, 我又冇後級, 忽然想起, 就攞番成呎厚同封晒塵嘅說明書睇下, 確定可以將部A11當後級用, 於是扑槌, 而接線就用你地推介嘅GOTHAM 11001, 駁好線, 開機, 嘩 !!!! 嚇死人, 我部A11好似變左身咁 好勁, D環繞聲係我屋企係未試過有咁嘅效果, 其實, 部機我咩都冇SET過, 已經可以咁, 等我再玩耐D先再用個MIC去SET下佢, 到時可能又另外一個景地 ( 其實可能我之前D野太屎, 所以先有咁大分別 ), 以後要多多向各位CHING請教好多野先得, 多多拜託 |