新仔報到!呢個POST我係友台都發了,不過我又有在這參與就都在此多貼一次,希望大家看過的不要介意.一開始我會諗屬於家庭影音定2聲道呢?不用一秒決定放在家庭影音報到好了,2聲道咁鬼雞唔好係果邊拉底水平...HEHE
本來已放下了音響諗住玩電腦聽下歌仔算,點知,我妹想買套5.1,幫佢下眼找十仔,方發現現在FORUM太強大,什麼資訊都有,讓我又燃燒起人心底的獸性!
硬件編
現有系統如下:
AV AMP: Pioneer LX72
Int.Amp:Krell Kav-400xi
Mono Amp :Marantz MA500
BDP: Philips -BDP9500
Front Sp: B&W DM17
C-SP: Focus Audio MC-1
SR SP :Mirage Nano
Sub: M&K KX12
TV: Samsung 不知型號40吋lcd
HTPC-Ati6950
應該是10多年前的SYSTEM,不過照片就係8年前拍下,果時dvd機第一代,冇dts,av amp都係冇dts,剩ac3.
SPK: Thiel 2.3喇叭
AMP: Audiospace 不知型號膽機
DVD機: Sony-DVP7000
AV AMP: Pioneer VSA-D7
Sub: JBL-PSW1000
之後就轉研打機,放下hifi,只買了舊nuforce icon黎電腦用.果時都會睇戲,不過只用2.1 睇就算.
9個月前幫妹眼,睇下套5.1 ,就搵番d千年舊野黎玩下low-fi 點燈
底清點燈post
之後就慢慢中毒,首先換缺乏既野,現有既舊/cheap野用住先!
半年前,行動第一步,換av amp Pioneer lx72,終於初嘗DTS的感覺!喇叭,十仔,其他野,仍在用舊有的.FA的前中置,如是者玩了3個月.
在12月收到風有好野執,大家都知的Blu-ray平正之選9500.
然後,舊的jbl 10吋十仔燒了amp,我已用盡最後搶救,用舊av amp直推當passive woofer咁玩,不過實在太食電,又阻地方,只好找十仔完成任務,就找平值的2手M&K kx12,去到師兄家交收kx12,人家係同我一樣P記lx82amp 直出一整套B&W cm7+cmc+ds3 前中後7.1系統,一聽之下,yee!原來B&W既聲好夾p記,就開始又搵d老古董出黎玩,有成30年的B&W DM17在床下底搵番出黎用.
變成咁.
別睇小呢對老古董,仍然好好聲,而且都幾澎湃,當然係同我對舊cheap fa比啦.於是唔理前中置不同brand,照玩,玩左先講.
然後發現部htpc用舊4系咭出唔到bitstream就再換6系:
後置上牆圖!因sofa貼後牆就選用mirage的nano啦.
好了,始終聽歌還是我基本,又唔想用av amp黎聽歌,就在煩師兄,研究什麼int amp岩我,又可bypass 到av時推前置用.
最後換上Krell 的KAV-400,當2 ch 合併AMP,貪佢有AV BYPASS,同埋話灑都係KRELL,童年玩hifi時的夢想,而且岩我用黎聽勁嘈勁ROCK既歌!當然係不負所望,聽歌就唔好同av amp比啦,之前總覺前置出好小音效,唔重要,不過換上kav-400後,明顯前置聽到既野多左好多,原來好多弱音係之前直出時表達得唔好,或我本身fa/b&w 都屬大食喇叭,要72推得好又有點過份,換上int-amp後一試第一段片,功夫肥貓逃獄果段時,最深刻係,當佢踢d箭上牆,插入牆之後,係有碎石掉下來,係有聲既,呢d之前沒用preout係弱到聽唔到既.所以各師兄如不滿在用的av amp,就諗下會不會加個後級會比換更高級的av amp得益大d啦,我新手唔敢講邊一樣好d.
巧合地d機都係藍光,唔通真係bluray時代?
過年點都要執下間屋既:
軟件編
其實本身儲cd都有成10幾20年,幾年前點算過都有2500左右,有8成係2手碟黎,由english pop開始,越聽越嘈,越聽越邪(由pop>rock>metal>dance>darkwave>gothic). 乜都聽!由10幾年前玩hifi我的諗法就係要搵一套好d的系統領到我聽呢d野更加好聽,我知很多rock碟錄音真係好一般,不過主要是音樂,所以唯有在器材上讓自己聽得開心d!所以我唔會似其他人去玩hiend要狂聽hifi碟黎聽部機表現,我並唔會花時間係到聽d我唔鐘意聽既野,因為要聽既野太多,好多碟只聽一次,有100幾隻係未有時間開封黎聽!所以,冇買過hifi碟.而有幾次去試器材(在店或2手賣家中),我都只係帶一隻suede,一隻radiohead就去試,有d賣家會話咩碟黎架錄音咁蒙既,我都係答佢,我就係聽呢d野,所以搵d岩類型既機黎炸!而家cd好賤價,2手的$10-20就有好多好野,真幸福!
講到過年執屋,執到機時就冇時間執碟,唯有在放假初一二三深夜進行!
開工前,睇起黎執到好整齊,不過d碟冇group到,亂灑要搵既碟又搵唔到,所以攪攪佢.
開工啦,一地都係,分開各group既碟.
執左2晚,執番D好野出黎分享下先!
睇我ID就知我係邊派啦!Suede !剩係suede的碟原來都有40幾隻!不過仲差1-2隻singles同埋d個人大碟.
大碟細碟連cassette 都有儲!
之後出場係 U2!
u2的不多,只大碟,小小細碟同一隻黑膠(但我從未有過黑膠碟機..哈哈)
然後係DM !people are people!
DM collection!不過好耐冇買佢D碟了,近期只買左隻BR LIVE
然後系Pink Floyd!主要係一個boxset!Pink Floyd 呢套碟買左10幾年!最貴一套碟,而且好鬼死靚
像藝術品一樣的Pink Floyd Boxset!
變色龍!David Bowie boxset 幾靚.
合體
Blu-ray : 呢2個月開始買BLU-RAY,唔敢買太多,太貴了,剩係買D試下機,同好想睇既LIVE
LD 都搵埋出黎!不過LD剩番呢幾隻珍藏.
中文碟櫃:
幾千隻碟中,呢一櫃的200隻左右係中文歌!
第一行:EASON 都成40隻
第二行:Beyond + 黃耀明
第三行:林億蓮
最底果行:楊千嬅+一堆其他
手作製編!
CUT 水松木墊喇叭
過年前訂不到黑麻了..要正月15後,只好玩下水松木墊十仔喇叭,岩岩3件
上機圖.
幫CASE換面!
噴完就吹吹吹.
最後都OKAY啊..最緊要唔洗錢!
成千元買個靚CASE比HTPC用我又唔捨得,只好用舊野花20元買枝噴油自己黎.
警告
以下是我表弟的片段,很想同大家分享一下一個HIEND狂熱的人有多熱誠,我果時有玩HIFI有很多原因都係因為佢,同埋我很多喇叭/線 都係佢既剩餘物資.勸各位定力不夠的別看,怕大家有樣學樣攪到間屋鬼咁馬六.....
去片!
他10年前的舊系統照,同全屋照,間屋就係咁,冇窗..唔係係有窗,不過用木板封左,再掛一堆吸擴東西.
老馬的7+9 +ROGERS 3/5A
皇帝位...哈哈..成個阿拉伯王子咁,成屋地毯
現在他的系統如下,搬了屋,結了婚,上年女都生埋,仍要高燒,別忘記呢個係佢個廳,唔係佢間房,應該冇幾多個女人可以容忍到間屋攪成咁.所以真係搵命搏.老實講,我自己都接受唔到嚕...哈哈.
後來他說玩膽機煩,又怕辣親小朋友,就換比較有膽味的JR 前級+MONO BLOCK+B仔喇叭,其他我都唔係好識....想換機的借口吧!
都係因為佢,攪到我染上呢鋪隱.... |
IP卡
狗仔卡
發表於 2011-2-9 22:19:21
提升卡
置頂卡
沉默卡
喧囂卡
變色卡
顯身卡
