一『部』到位三十年心路歷程分享篇【完成】

Dennis

憑藉今個分享篇，希望可以拋磚引玉，多啲師兄師姐分享佢哋嘅經歷。
就像很多四字頭一樣 ，經歷過中英會談，民運，回歸，八萬五樓災
科網爆破，沙士，自由行，再股災，炒賣唉風 。
以上種種都不減我哋哩廷發燒友嘅熱誠，只係無銀紙先係最大嘅阻力！
講咗咁多廢廢哋嘅說話，無非都係想找多少共鳴，令小弟今次篇分享有少少趣味性。
本篇係小弟第一次比較詳細的分享，係真正只有分享而不是器材包膠！
希望各位加番啲分升下⬆️級。
部份內容及圖片更可能令人情緒不安，心悸，嘔吐，必要時請由家長陪同收看，或請教您嘅家庭醫生。小弟絕不會附上任何責任！
八十年代初，小弟仲係初中生一名，自幼家貧身邊沒人玩音響，更何況自己屋企吖！
直到有日同學在後樓梯執到幾本音響雜誌比咗我，從此就踏上這條青雲路！

嗰個年代只要人人肯努力，個個有飯食！ 中三就出嚟做酒樓part time搵外快，走去老鴨買咗啲垃圾機返嚟。

又加咗啲機，成屋垃圾。 仲有AR
當時睇過啲音響雜誌念念不忘，終有一天我要玩得企企理理！

讀書冇人咁叻，條路就會比人難行好多！ 好彩未使憂三餐，都有少少銭叫做學人升下級，玩返啲有牌子嘅機。
Pioneer CD + JVC deck，仲自己一手一腳整咗對土炮喇叭「個箱」


玩大啲，天朗牛津，馬蘭士1/4 classA！其實之前仲用過8寸同軸，不過冇影相，唔記得型號。

金仔206+MA700 仲有Sony DAT 同MF嘅CD1 音色不錯，都有過一段光輝歲月！

Dennis

沒有金碧輝煌嘅佈置，更沒有天價嘅器材！ 難得各位師兄師姐觀看及加分，小弟真的感激

在沒有互聯網的年代，就好多時發生以下事件：
〔主篇特別通告〕 - 今次係我⋯⋯生涯以嚟最最最⋯⋯，上次嗰啲囉去填海！
就係咁，人生第一套旦前後在我家工作了二三年。你哋令咗嘢未？
佢唔係話好差，不過未係最最最，有日聽聽下點解拆拆哋，嘩！支胆發出最後嘅光芒，完成佢偉大嘅使命。現在應該在奧海城地底。
⋯⋯

1996 - 2000

Dolby Digital AC3帶領我進入100" AV年代。
V字頭唔記得牌子「別超」三槍投影，一代機皇Yamaha D3090 , Sony DVD 7000 啪掣版「成皮嘢呀陰公！」
剛剛結婚搬咗去坪州，二人世界晚晚開戲。
經典畫面常常在腦海浮現，True Lie 炸橋、T2大坑渠、龍卷風暴、Toy Story1⋯⋯

直到我哋第一個寶貝出現，預計已經很快進入 HiFi/AV 冰河時期。

相信大部份嘅師兄師姐都可能估到，甚至身同感受
全套迪迪尼進場！所有大人玩具自行解決！
還好，套機可以用嚟聽歌仔，袋住先煲住先

小朋友長大要返學，舉家搬返市區，原本打算set返部三槍，缐都拉好曬，但裝修師傅整唔見個機架，左整右整最後決定抦落床下底！ 反正啲機越出越細，遲下先算！
期間又玩過窮人Mini utopia - JMlab 905+audio lab 8000C+P 但個場認真麻麻！裝修時屎忽痕整咗地台
就係咁兩個小朋友細細聲聽迪迪尼歌仔，沈睡了的巨龍困在地台內蠢蠢欲動！

Dennis

就咁冰封咗八年，一天廁所天花漏水，心想，機會嚟喇！
「老婆，唔係喇，Plan B!」搬近啲，細路返學近啲！
就在大角咀租咗呢個豬籠『入水』300尺實用到極單位！
老友話：哥仔今次走位極靚，剛剛避過金融海潚！ 我話好呀，上嚟企下聽下嘢吖笨！
其實呢次真係屎坑撞棍！ 有咁醒一早發咗，駛租豬籠入水單位！
但是這一年來一家四口的確過得很快樂，亦比啲小朋友機會體驗下比較基層嘅生活環境（好多曱甴 ）
佢地都覺得幸福唔係必然嘅，都很珍惜現在。

醒來的巨龍


「同事入倉！」攞番十幾廿年前啲機出嚟，叫做有得過下引，原來自己都脫曬節，HDMI都要分，藍光又未玩過⋯⋯
原來成廿年嘅700仔用3090推都幾好聲喎！人又點會滿足喎，胆合拼加Focal906又玩咗少少日子。

無咗地台，地方相對大咗少少，就膽粗粗整對咁大嘅嘢返嚟，只係為咗完成夢想。

就係佢！就係十幾年前我話過終有一天我要帶佢回家！JMlab Mezzo utopia

Plinius9200係一部好機，各位有機會要試試！但係自命係發燒友邊個唔想一座二座咁show曬出嚟吖。咁前後級又出現咗。

黒膠！我地呢代玩過，不過當時無技術，無支援，大量珍貴資源被刨到⋯⋯唉
又要從新學習

玩激啲，經濟得嚟都很高評價嘅Well Tempered Amadeus

認真啲調效下

好有新年氣氛

人係好花心，發燒友更甚，呢頭話夢想，個頭換喇叭，Elac確實在呢個場出色過Mezzo,無他，地方不夠，食唔落。

又玩下DSD - TEAC501

Eventus Metius 又立體感強D!

一年喇，Eventus Metius服務咗我一年，對佢我無投訴，只怪佢唔係原廠自己設計單元，咁多年嚟玩過嘅喇叭都係原廠自己設計單元。Sorry! Eventus Metius....
玩Vivid係欣賞設計師嘅理念，又係我想要嘅嘢囉
在我個廳仔比到我足夠能量。音場和立體感更上一層樓。
然而，對Vivid咁靚樣，點會甘心比大堆機器圍住。
決定清場。 換得呢小小萬惡。
一部到位！服務咗唔夠30分鐘 - Sorry.
即刻出門去尖咀，整嚿凍冰冰嘅金屬返嚟。
配合她，簡直係夢寐以求，如果可以好似咁就皆大歡喜
的而且確，要由前後解碼風佬一大堆一座座變成一片電磁爐，對我而然係須要好大勇氣！無得返轉頭喎
Devialet200係個分享篇嘅主角，第一日播放已經感覺到確實係不凡，精品嘅級數，可能真係訊號通道極短，又少咗各式線材互相影響，聽感比以前通透細致，大場面又氣定神閒。唉！我都唔係好識用文字形容！但我肯定我未揮盡佢嘅！機同缐都新。


所謂一部到位，就係現時我所使用的Devialet200，她完全取代我之前的前後級解碼風佬，少了很多接線，相對上又環保。
最重要在於表現絕無妥協！
嚟緊有機會希望可以同陽光兄給大家分享下Devialet200。
好多謝各位收看小弟今次分享。

eddie1000

正，期待下集。

pepsiman

師兄玩機既心路歷程真係可歌可泣,期待之後既進化過程...

eddiey4k

師兄一路走來, 一步一腳印. Thanks for sharing.
金仔206+MA700, 在那些年已是很多人一時之選, 非常令人難忘. 日本仍有許多人玩 classic機.

ice_man

期待師兄這三十年來的心路進化歷程...

ahkai

大大大師兄級

mac1

好有港台鏗鏘集Feel

dog17dog

好正！

JackieEason

mac1 發表於 2014-9-23 00:04
好有港台鏗鏘集Feel

唔知點解，腦入面响起喜多郎的音樂，樓主都好有《尋找他鄉的故事》的Feel。

JackieEason

睇左ching起頭一段，都不勝唏嘘。不知不覺中小弟亦都四字頭喇。經歷中仲要加多句"北上搵食"，更因此冇听幾年。本離北上的係無耐，點知老世仲要話Localize，教晓埋人地離挣自己飯碗。算喇， cheers!

chowchowchow

正，好有心，熱切期待

mac1

JackieEason 發表於 2014-9-23 00:15
唔知點解，腦入面响起喜多郎的音樂，樓主都好有《尋找他鄉的故事》的Feel。 ...

Skycam

你有影相留抵真好！自己玩過果D只可以回憶。

sh5088

Thanks for sharing.....

sunny14148

Dennis 兄，原來你和小弟都係28歲左右，難怪沒代溝啦，哈哈。  

Kelvin11

很有同感

westdoor

一個時代的見証！

ma73

thanks for sharing