Focal SOLO 6 BE 有源喇叭寛衣報告 ^^

MICAudio國聲

有好多玩HIFI 的CHing 們都好想有一次可以解剖自己的器材!

今次我們就來解剖一下Focal SOLO 6 BE 有源喇叭,

我們先來理解SOLO 6 BE 的喇叭單元,

Focal SOLO 6 BE 每邊各有兩個單元

分別是Beryllium「鈹」振膜凹盆高音單元

還有「W」三文治中低音單元

待續...

MIC Audio
MIC Audio Facebook
MIC Audio Hiendy 專頁

MICAudio國聲

好繼續寬衣，要講到Focal，

又點可以唔提及佢地隻最 TOP Class 的 Beryllium「鈹」振膜凹盆高音呢!?

「鈹」是一種高科技金屬物質，一般只應用於航天工業和軍事用途。

而且現時鈹物料的生產仍是相當困難，只有美國、法國及俄羅斯 能有足夠技術製成純鈹；

故此其作價比黃金還要貴很多。

SOLO 6 BE 已配備了Focal廠方引以為傲的「鈹」高音單元；

在這個兩萬頭一對有源箱的價位，真係無得輸~  ( Focal 汽車音響部門都有呢隻鎮山之寶 Be 高音，齊一對都要成萬銀)



相比起一般的「凸盆」高音，這個凹盆設計能取得更佳的擴散性。

雖然「鈹」金屬的密度比其他金屬低；但硬度及堅固度卻比鋁或鋁鎂高出3-7倍，

同時具有質輕、堅硬和阻尼等三項重要 因素。至於音圈亦並非如一般高音單元一樣接在振膜的邊緣，

而是稍微偏向振膜中心的位置，這強化了整個振膜的結構強度；

能夠將音圈直接貼在「鈹」振膜上需要極高難度的技術，好處是推力可直接在振膜上產生，將頻率的誤差減到最低，

所有的Focal凹盆高音單元都是採取這樣的設計，達至發揮高分析力、空氣感充沛、音色細膩流暢的高頻效果。

Solo6 Be的高音更有鈹質振膜的加持，性能當然更上一層樓。

簡單黎講，隻BE 高音就係高頻伸延性特強、勁少失真, 無偏音.  聲音係: 通、清、準 !   

明天再寬!! 謝謝!!

MICAudio國聲

又係時候繼續寬衣了！！！

話說琴日講到Focal的Beryllium「鈹」高音單元，

今日就當然要講下Focal的另一個「驕傲」 -「W CONE」三文治中低音單元！！

先前聽一d CHing 問隻中低音係咩物料黎，其實佢唔係外界一般采用的纖維振膜，

而係採用非編織玻璃纖維與發泡夾層組合的結構，

達到極其「輕、硬」的特質，剛性比一般纖維振膜高達二十倍！

此外，泡沫與玻璃纖維之間的分子結構也比一般纖維優勝，提高了「W」單元的穩定性；

更進一步優化「W」單元中頻的傳送速率，及低頻的下潛度。

而且其獨特的結構，可精確地調整泡沫的厚度來控制阻尼，讓單元設計更具靈活性。

單元背面都有Made in France , 嘩!!法國野WOW!!

今日就寬住咁多先，明天繼續！！

等等！！唔好走住！！睇完片先走la~~

呢段片Focal 個法國 Manager 就用鈹同其它不同金屬的音叉去示範出鈹的優勢....

MICAudio國聲

寬開有條引，點可以比佢停！

前面兩個 單元就睇過了，係時候響後面 睇下solo6個背面

由「鈹」高音到 「W」三文治單元 可以睇得出 Focal 響單元上費盡心思。

其實又何只係單元上花心思，

Focal 響每隻喇叭背後，甚至喇叭內部都花盡心思！

如果各位CHing，張其中一隻solo6 轉向背面，

會發現有幾個制可以調校！

首先，當然係CONTOUR位置，
依個位置可以因玩家的聆聽環境 與及 聆聽的取向，
由-3至+3db調校合適的（HF）高頻 及（LF）低頻。

每一隻喇叭都要有訊號輸入，
solo6 亦唔例外，solo6 佩備XLR輸入（因為無論是平衡度、失真度與及背景寧靜度都較高）

響XLR輸入位置上面，
會發現有另一個調校位置。
分別有 -10db 或 +4db 的 音頻信號電平，
可以調校信號輸入時的阻抗值。

另外，Focal 還有個用心之處，
在XLR插頭右邊列明了+/-/GND接法。

MICAudio國聲

如果大家有留意上一次寬衣報告，

應該會留意到Solo6 後面有塊大金屬板

成塊都係鋁合金黎，作用係減少外界的干擾
(塊板都有成3mm厚)

拓左塊板出黎就見到幾個Focal其實真係放左好多心機落去

首先係，鋁合金板同木殼之間有一層膠墊

作用係消除兩者的諧震及共鳴

另一個作用當然係減少漏風

之後係，

箱體經過特別設計，

一般喇叭整個箱體都用合成木來製造，

因為木紋及密度不能達到一致，導致聲音會有輕微不同。

相反，Focal Solo6 左右兩層都是采用實木板，

木紋和密度變得一致，聲音就不會有差別。

最後亦都係最重要一個，

亦係最細心一個，

Focal 用左一個金屬罩黎罩住一個比拳頭更大的火牛

用意係穩定火牛，降低電震，

另外更可以阻隔火牛與喇叭的互相干擾

火牛同SINE白金叉頭的對比圖
(齋睇隻牛都差唔多有500W )

MICAudio國聲

Focal Solo6 Be佩有Beryllium「鈹」高音單元, 加上三文治中低音單元, 已經係無可挑剔。

Solo6還採用了兩路電子分音, 為求確保音質, Focal 在Solo6 Be 選用了 250W AB類擴音機, 其中150W低音, 100W高音。

值得一提係, 擴音機都使用BASH技術, 其轉換效率非常高，推力驚人，因此可以提供非常猛的低音。

前幾遍都提及過, Solo6 配上了XLR平衡輸入端子，輸入靈敏度有+4dBu與-10dBV兩段選擇！此外高、低音電平各設有正負3dB與正負6dB的可調範圍，非常簡單實用，對音質的影響也降了到最低的程度。

在Solo6 BE 身上會發現, 單元及箱體都是法國制, 而電平,分音器及擴音機都是加拿大制。