Hiendy.com 影音俱樂部

 找回密碼
 新用戶註冊

Login

免註冊即享有會員功能

搜索
熱搜: hifi av 音樂
查看: 4209|回復: 37

[黑膠系統] 前緣再續 – Harmonix TU-812MX黑膠唱片壓

[複製鏈接]
發表於 2016-4-19 22:24:33 | 顯示全部樓層 |閱讀模式
凡事冥冥中皆有主宰, 前年小弟熱衷CAS, 可是卻羞於銀根短缺, 將自己沿用多年的Harmonix TU-812M唱片碟壓賣掉! 没有TU-812M的日子,多多少少總有點失落! 在小弟對黑膠最狂熱的那段時期, 基本上只要能負擔得起, 我都會毫不吝嗇買回來試! 而TU-812M就是這樣經過多場殘酷比試的倖存者.

網上有一些討論認為二萬多元一個碟壓是一種本末倒置的行為, 小弟對此不置可否, 但心底還是倾向贊同. 畢竟音響是一種異於常理的嚐好! 配用二萬多元一個碟壓, 總不成是一些數萬元盤臂頭組合. 當中可能有一些黑膠同好會問, 二萬多元一個碟壓, 是否可令山雞都變鳳凰!? 我會老實告訴大家, 碟壓还是要夾唱盤! 夾得好, 如魚得水! 反之平平無奇! 高峰期, 小弟坐擁三個不同價位唱盤, 而TU-812M皆能在當時的唱盤組合有不錯的表現. 這亦是她何解能存活下來, 直至小弟投入另一玩意 - CAS!

以下分享是給未曾擁有Harmonix TU-812M的黑膠同好, 畢竟TU-812M停産一年有多, 可是廠方卻突然殺出一個後繼型號TU-812MX! 究竟TU-812MX和TU-812M聲音有何分別!? 奈何小弟已在半年前賣掉TU-812M, 抱歉未能正面比較. 可是多得眾多黑膠友好(兼前輩) 對小弟的信任, 已有一前輩願意無私借出自用TU-812M給小弟, 稍後小弟會另文再述TU-812M和TU-812MX聲音分別! 另一方面小弟亦多謝代理借出全港第一隻TU-812MX給小弟為HiEndy眾兄弟寫這篇分享!

packing.jpg

harmonix.jpg

由於Pioneer Exclusive P3已賣掉多時, 因此以下分享只是以Brinkmann Balance + Rockport 6000 + Goldfinger Statement作為評測, 當中可能有欠一些公允, 還望大家見諒!

坦白講, 在舍下的組合, 用與不用TU-812MX, 聲音改善不算太突出, 高頻有可聞的抑制! 重讀廠方使用使引, 特別强調Platter表面防震物料, 會直接影響TU-812MX的發揮和表現. 方才想起不知是否Brinkmann Balance玻璃Platter面累事? 畢竟玻璃Platter面是為配合Brinkmann自家碟壓而設! 幸好小弟備有多塊不同碟墊以備不時之需!  先用Sunshine STS 1 金屬薄碟墊聽一次 (沒有加TU-812MX), 感覺上正面, 至少没有Brinkmann 原廠碟壓來得死實! 因此以下的比較全部以Sunshine STS 1 碟墊為基本配備, 然後再去為TU-812MX作出比較. 對TU-812MX有興趣的黑膠同好, 就不得不留意你們所用的黑膠唱盤Platter表面是何種物料.

sunshine.jpg

在測試各種不同類型的黑膠當中, 計有Jazz, 古典, 流行曲, 甚至一些發燒碟. 可以歸納出幾方面TU-812MX的特點! 傳統碟壓用後高頻通常有明顯壓抑! 但是加上TU-812MX後, 高頻没有可聞的壓抑和晦暗, 依然保持應有的光澤, 只是不知何解音壓卻像是細了一格, 經反覆比較, 原來以往是因高頻毛燥令到音量不能扭大, 現在毛燥吵耳一掃而空, 高頻更為線性, 自然音量亦可再扭大!

LP.jpg

未用TU-812MX, 人聲結象偏向鬆散, 欠缺立體感, 用後人聲結象線條更為明確和立體, 低頻方面來得更為紥實和沉稳, 以Horowitz in Moscow為例, 以往琴音按鍵總是欠缺凝聚力, 琴鍵之間力度亦略帶含糊! 加上TU-812MX後, 雖不致於翻天覆地, 但分别之大也不禁令我嘖嘖稱奇. 此外在低頻細節方面, 亦更為明顯清晰.

講到Harmonix, 大家一定會想到木內的調音本領, 不期然便會想到這個TU-812MX是否木內和夫另一獨有口味之作, 在這幾天來回比較當中, 我真的擦覺不出任何Harmonix音色, 其實去到Million系列. Harmonix音色取向亦比其中下價型號來得稀釋. 因此假如大家想在TU-812MX找到Harmonix的特色, 相信並非易事.

brinkmann.jpg

談到最後, 假如要我去形容TU-812MX, 我第一時間想到的便是工整兩個字, 音場四平八稳, 畫面潔淨無暇, 略帶輕微修飾, 但又絕不造作. 其實要以單一唱盤去評價碟壓的表現, 私以為並不完全恰當, 數年前小弟亦曾短時間擁有神木碟壓, 當年賣價接近三萬, 需時半年才可交貨, 可惜在小弟的組合表現強差人意, 未見突出. 直至巧遇另一有閱歷前輩告知, 當年設計者譚大夫設計神木碟壓是以Oracle唱盤為對像, 而我卻用硬盤來配撘, 似乎用之不得其法. 特此小弟亦在另一相熟代理以軟盤Thorens作比較, 結果大致和小弟組合相同, 只是低頻細節更出, 氣勢亦更雄渾, 改善之大比起我的組合猶有過之.

thorens.jpg

短短這一千字是小弟對Harmonix TU-812MX在舍下組合的評價. 但是對於已有TU-812M的用家, 相信會更關心TU-812M和TU-812MX聲音上的差別! 到底是舊酒新瓶, 還是木內和夫另一突破? 敬請大家拭目以待!!

3 clamp.jpg

評分

20

查看全部評分

發表於 2016-4-19 22:52:12 | 顯示全部樓層
A piece of Art
發表於 2016-4-19 23:59:58 | 顯示全部樓層
唔知我幾時先捨得買依個碟壓呢
 樓主| 發表於 2016-4-20 00:25:40 | 顯示全部樓層
racewong 發表於 2016-4-19 23:59
唔知我幾時先捨得買依個碟壓呢

假如有埋Goldmund金clamp就Perfect!
發表於 2016-4-20 00:44:02 | 顯示全部樓層
買埋佢塊墊啦!
發表於 2016-4-20 00:54:22 | 顯示全部樓層
乜個神木碟壓賣價接近三萬?

我好早買咗, 但都冇乜用過. 有興趣不妨PM 我.真嘅.
發表於 2016-4-20 01:28:25 | 顯示全部樓層
越來越覺得發燒友精神有問題,一個碟壓三皮,真的能飛天?
發表於 2016-4-20 06:54:53 | 顯示全部樓層
henrykee 發表於 2016-4-20 01:28
越來越覺得發燒友精神有問題,一個碟壓三皮,真的能飛天?

說話又唔可以咁講,

你未玩到戈個層次姐。

同埋唔好人身攻擊啊, 你可以話碟壓最多值3000, 但人地比銀紙做評測, 你仲要求d咩呢?
 樓主| 發表於 2016-4-20 07:17:57 | 顯示全部樓層
GREENSPAN 發表於 2016-4-20 00:54
乜個神木碟壓賣價接近三萬?

我好早買咗, 但都冇乜用過. 有興趣不妨PM 我.真嘅. ...

印象中都已經七八年前, 當時老友想買神木碟壓, 但香港代理Quote個價, 差不多好以似二万六, (真係記不清楚!), 但貨期要半年確是千真万碓! 其後托老友在加拿大買, 平足好幾千, 兼只係等左三個月! 其後老友玩厭在forum賣, 又係在forum被人大叫傻仔! 都幾無奈!

Recordclamp004.jpg
 樓主| 發表於 2016-4-20 07:25:21 | 顯示全部樓層
本帖最後由 7500martin 於 2016-4-20 07:30 編輯
leong526 發表於 2016-4-20 06:54
說話又唔可以咁講,

你未玩到戈個層次姐。


師兄! 多謝支持!

其實真係吾緊要! 音響係好個人!
發表於 2016-4-20 08:21:36 | 顯示全部樓層
本帖最後由 GREENSPAN 於 2016-4-20 03:25 編輯
7500martin 發表於 2016-4-20 02:25
師兄! 多謝支持!

其實真係吾緊要! 音響係好個人!


我係大夫初生產時約91年叫人喺香港買,大概港紙三千五蚊.
 樓主| 發表於 2016-4-20 08:23:16 | 顯示全部樓層
GREENSPAN 發表於 2016-4-20 08:21
我係大夫初生產時叫喺香港買,

咁你已經賺晒!
發表於 2016-4-20 08:24:38 | 顯示全部樓層
7500martin 發表於 2016-4-20 07:25
師兄! 多謝支持!

其實真係吾緊要! 音響係好個人!

有能力玩,有用心玩,已經比任何人都幸福
玩Hi-Fi重來都比人覺得short short地,黑膠更加係自尋煩惱,近年先比人吹噓做有形時尚,炒起啲嘢
支持師兄!
發表於 2016-4-20 08:47:36 | 顯示全部樓層
本帖最後由 Tubey 於 2016-4-20 08:52 編輯

謝謝 martin 兄分享!
坐係隔離個隻D7都屬於神級喎,唔知取向同Harmonix有冇分別呢
發表於 2016-4-20 09:29:08 | 顯示全部樓層
7500martin 發表於 2016-4-20 02:17
印象中都已經七八年前, 當時老友想買神木碟壓, 但香港代理Quote個價, 差不多好以似二万六, (真係記不清楚 ...


馬田 兄,

我個神木clamp 同你個外形)有啲唔同, 下圍我個看落好似大啲, 可能要就木頭大細. 我個最頂磨薄咗啲, 因為我嫌唔夠重黐咗舊銅上頂來調音, 拆番就要磨走痕跡, 所以神木兩字都磨走埋!


發表於 2016-4-20 09:37:09 | 顯示全部樓層
Hifi 就是$$$, 試過地缐都話要5皮仲要係該廠入門版的驚嚇價,3皮一個碟壓也不覺意外,至少加樓上師兄所說它似件藝術品,手工很靚
發表於 2016-4-20 10:45:19 | 顯示全部樓層
真係好靚仔啊
 樓主| 發表於 2016-4-20 11:11:33 | 顯示全部樓層
GREENSPAN 發表於 2016-4-20 09:29
馬田 兄,

我個神木clamp 同你個外形)有啲唔同, 下圍我個看落好似大啲, 可能要就木頭大細. 我個最頂磨薄 ...

前輩!!

神木碟壓前後期形壯確有不同! 就算是同期, 據聞重量都有偏差!!

你居然磨走"神木”兩個字, 咁你就磨走左一皮嘢!!
 樓主| 發表於 2016-4-20 11:15:16 | 顯示全部樓層
Tubey 發表於 2016-4-20 08:47
謝謝 martin 兄分享!
坐係隔離個隻D7都屬於神級喎,唔知取向同Harmonix有冇分別呢  ...

我还未正式比較! 老虎抱病當中!

不過Dalby D7真係重到離奇, 浮盤真係可以慳返!
 樓主| 發表於 2016-4-20 11:18:16 | 顯示全部樓層
Dennis 發表於 2016-4-20 08:24
有能力玩,有用心玩,已經比任何人都幸福
玩Hi-Fi重來都比人覺得short short地,黑膠更加係自 ...

多謝師兄支持!

小弟都係窮風流, 餓快活一羣!

可以同時間玩這三個天價碟壓, 自己都覺得興奮!
您需要登錄後才可以回帖 登錄 | 新用戶註冊

本版積分規則

小黑屋|Archiver|手機版|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2018-11-21 05:39 , Processed in 0.059000 second(s), 19 queries .

Powered by Discuz! X3

© 2001-2013 Comsenz Inc.

快速回復 返回頂部 返回列表