完美了！ 終於都換埋個地櫃

racewong

sunny14148

好漂亮。

dick2005

版主確實有心思, 而且佈局相當清雅, 佳作!
惟小弟尚有少少提議, 請版主不要見笑,
1.小弟見版主草缸, 應為60CM左右, 應該不需用到兩個濾筒, 用一個EHIEM600應該足夠(推埋水冷), 因為對過多的濾筒對草缸來說不太理想,
a.容易造成水流過大, 草兒像打大風一樣, 好難控制, 還有如果小弟冇睇錯版主前景應為挖耳草(烏拉草皮) , 這種草水流太大以及太新或太舊的泥是不利生長的.
b.推高水溫, 因為濾筒的馬達是要散熱的, 會令缸中水溫提升, 加重水冷的負擔, 加重電費, 減少銀兩, 所以水泵數量應該盡少為佳.
c. 草缸應該以水草為主, 魚量較少, 便便亦會相對較少, 而且水草有淨化水質之作用, 所以毋須強勁的過濾.
d. 如版主要使用兩個濾筒的話, 可不將其中一個入水籃, 換成"吸油面的撇面器", 巿面有迷你型的, 應該啱版主缸用. 對觀賞以及魚兒健康有所幫助.
2. 提議版主加上淨色的背景紙, 通常黑色或深藍, 目的突顯缸中魚草, 以及減少外間干擾, 所以太花的背景紙, 應盡量避免使用.
3. 小弟如沒看錯, 版主備有陽性草液肥(藍色的), 此肥十分強勁, 不而多落, 如新缸或陽性草不多, 最好不而使用, 可用令外一隻ada陰性草液肥(顏色較淺藍), 否則容易爆苔.
4. 版主可考慮加置twinstar的除藻器, 小弟及魚友皆有使用, 可除藻及令水體清澈, 效果不錯.

早前小弟曾到魚街入貨, 亦見到版主, 以上小弟愚見, 有錯真各位指正謝謝!

racewong

dick2005 發表於 2014-7-18 16:18
版主確實有心思, 而且佈局相當清雅, 佳作!
惟小弟尚有少少提議, 請版主不要見笑,
1.小弟見版主草缸, 應為6 ...

堅! 果然係前輩!

兩個濾筒只因屋企多左一個, 所以費事嘥左個濾筒啫.

不過我有問題想問, 如水流不夠大, 唔係會更易生黑毛藻嗎?

dick2005

racewong 發表於 2014-7-18 17:15
堅! 果然係前輩!

兩個濾筒只因屋企多左一個, 所以費事嘥左個濾筒啫.

不會的, 黑毛成因有好多, 不會因為水流大細而有, 主要係本身水草是否夠強盛, 水草夠強, 自然藻少, 所以爆藻通常都會係初期, 因為肥多, 草弱, 系統未成熟, 當一切成熟後, 都會有苔, 不過已經係好少了.
如果你是多了一個, 建議你可以將其中一個作為前置用(只放滿白棉花), 而後置則全放生物環(買隻好D例如POWER HO--E淡水用中環), 串聯使用, 那生物系統更強大, 平日只需清洗前置(純白棉花部份), 後置唔駛理佢(等佢不斷養箘, 因為汚物都係前置隔掉, 所以後置會好乾淨), 還有如你只養蝦或沒有食蝦魚, 則最好係入水處加生化棉, 以防繁殖的小蝦被吸走.

小弟在音響放就麻煩咁多師兄, 係呢度希望可以貢獻一點而已, 謝謝!

racewong

dick2005 發表於 2014-7-18 17:29
不會的, 黑毛成因有好多, 不會因為水流大細而有, 主要係本身水草是否夠強盛, 水草夠強, 自然藻少, 所以爆 ...

我剛想問, 兩個濾筒可以串聯?

但我本身已有前置 (放綿), 咁如你係我, 你會點樣串聯呢?

仲有, 當串聯好後, 兩個濾筒係咪可以同事開著呢? OR 只開一個筒就可以呢?

dick2005

如果你本身已有前置，就不用串聯了，你可以1.賣了多出的，2.繼續兩個一齊用，不過要留缸內情況，怕唔怕成日打大風，一個用撇面推水冷（但會吸了蝦B），另一個駁前置用（全個都放滿環），如你有魚那不用介意了，因為一定食哂D蝦B，此外，如你怕爆藻，最好都係唔好用陽性草液肥

racewong

dick2005 發表於 2014-7-18 18:17
如果你本身已有前置，就不用串聯了，你可以1.賣了多出的，2.繼續兩個一齊用，不過要留缸內情況，怕唔怕成日 ...

OIC. 咁算啦, 我都係用番兩個濾筒先啦.

不過話說回來, 唔知我係咪太多蝦, 挖耳草生長好慢.

dick2005

racewong 發表於 2014-7-18 18:20
OIC. 咁算啦, 我都係用番兩個濾筒先啦.

不過話說回來, 唔知我係咪太多蝦, 挖耳草生長好慢. ...

不會的，挖耳草可說是有要求又可說是冇要求的草，他的定水期好耐，由1到3個月不等，但當他適應了，就快到你唔信，他們要夠凍，不大水流，不新不舊的泥，如果肯生就ok了，冇記錯，你的挖耳草生了好多囊，那即是說他們從泥土中吸收不夠微元素，要替葉上的囊吸收，適量地補充，會有幫助的。

racewong

dick2005 發表於 2014-7-18 18:46
不會的，挖耳草可說是有要求又可說是冇要求的草，他的定水期好耐，由1到3個月不等，但當他適應了，就快到 ...

即係要插根肥？ ada根肥好嗎？

dick2005

racewong 發表於 2014-7-18 18:49
即係要插根肥？ ada根肥好嗎？

請問泥用了幾耐？開缸有用基肥嗎？

racewong

dick2005 發表於 2014-7-18 19:01
請問泥用了幾耐？開缸有用基肥嗎？

開缸沒用基肥, 泥大約四個月.

dick2005

因為泥中仍有養分, 唔駛加根肥, KEEP住25度左右, 生得慢應該仍在適應中, 嘗試減慢水流, 現在應該用STEP2了, 等佢地生滿成個缸先考慮加根肥, ADA根肥太勁而且散得快, 又貴, 易爆苔, 有一隻台灣野冇咁猛散得慢, 容易控制D, 又平, 我搵到張相send俾你, 而微量元素可以遲一點加, 因為泥都算新.

racewong

dick2005 發表於 2014-7-19 01:39
因為泥中仍有養分, 唔駛加根肥, KEEP住25度左右, 生得慢應該仍在適應中, 嘗試減慢水流, 現在應該用STEP2了, ...

我最記得係428開缸入泥.

諗起原來三個月都未夠.

dick2005

racewong 發表於 2014-7-19 09:43
我最記得係428開缸入泥.

諗起原來三個月都未夠.

仲係好新, 整體系統建立中, 保持每週換水頻率便OK了

racewong

dick2005 發表於 2014-7-19 13:33
仲係好新, 整體系統建立中, 保持每週換水頻率便OK了

我叫我工人每天幫我換1L水.

我自己就一個星期換1/3

dick2005

racewong 發表於 2014-7-19 16:47
我叫我工人每天幫我換1L水.

我自己就一個星期換1/3

如果工人每天換1L，則你可以不用換了，除非你裝有自來水過濾器，否則換太多反而不好，尤其是雨季，因為自來水有很多化學物質，例如氯氣，對魚對草都不好，你個缸應該為60升左右，所以如每天換到1.5升，另外每週補充硝化細菌，液肥，微元素，那就好好了。

racewong

dick2005 發表於 2014-7-19 19:18
如果工人每天換1L，則你可以不用換了，除非你裝有自來水過濾器，否則換太多反而不好，尤其是雨季，因為自 ...

嗯. 明白晒,  真係多謝你的指導! 真係學左好多野.

dick2005

racewong 發表於 2014-7-19 19:32
嗯. 明白晒,  真係多謝你的指導! 真係學左好多野.

版主太客氣了，大家研究下啫。