racewong report - 架宗 - Artesania Exoteryc

racewong

你地睇依篇報告之前, 我建議你地首先搵把水平尺度下你屋企個木板音響架先.



木板, 係人都知會有收水的一天, 當收水後既木板, 仲係咪咁完美咁"平", 的確係值得大家深入了解.

十年前, 某品牌的音響架與及墊材配件, 在香港的發燒圈可謂一支獨秀, 更屢創音響架價錢的新高. 在HIENDY初成立期間, 多位開網功臣都相繼購入最頂級, 最貴的音響架. 唯獨是我這窮L只能買入SOLIDSTEEL 6系列.

除左因為窮, 我自己對音響架的偏向都是以實淨為主, 最好就係好似SOLIDSTEEL 6系咁, 成個架都係焊死. 咁就最合我意.

可惜, 最近我發現我的SOILIDSTEEL層板有少少微曲. 這對於我這極級發燒友來說, 可謂係時侯有借口換[音響架]了.



一直到我留意到ARTESANIA這品牌, 及最緊要係知道這個名叫-[架宗]的價錢後, 我就決定先入手一個三層的Exoteryc試一試先.

我地先談談這ARTESANIA 三層 EXOTERYC 的售價, 以一個原裝歐洲西班牙頂級音響架品牌的頂級型號, 實價只賣$36000. 喺依家既HIEND品牌來說, 擁有極高性價比.



當然, 你地可能話三萬幾買個音響架係咪咁值呢? 嗱, 我又要同你地計下數啦. 你買個見得下人既音響架都要大約萬五蚊三層. 仲未加好多釘釘墊墊, 板板.  最平D墊板都要二千幾三千蚊一塊, 一買三塊, 多謝一萬蚊.

加加埋埋個架既價錢, 係咪同個ARTESANIA差唔多先?

其實你自己計下你屋企依家既釘釘墊墊. 買左幾多錢, 就會知道依個EXOTERYC抵唔抵買.



講番ARTESANIA這個品牌, 佢既音響架分為三個MODEL. 最TOP既MODEL就係EXOTERYC, 第二就係PRESTIGE RACK, 最平就係IMPROVED.

ARTESANIA IMPROVED這型號設計都是以一個焊死的金屬架結構, 每層加上四條精鋼片, 從架身的前後位置伸出, 再使用ARTESANIA的獨家白色阻尼物圓墊去承托器材.

ARTESANIA IMPROVED




ARTESANIA PRESTIGE, ARTESANIA的中級音響架, 設計上與老頂的EXOTERYC一模一樣, 都是架中架設計. 架與架之間使用好厚的白色阻尼物化震.



與EXOTERYC不同的地方, 只差在四條主柱的直徑比幼身,





墊架的釘墊都會比較細塊.



加上售價與頂級的EXOTERYC差唔多價錢, 所以香港代理都無入到PRESTIGE這型號.

換言之, 香港發燒友買到的ARTESANIA, 只有EXOTERYC與IMPROVED兩個型號.

而EXOTERYC, 又有三層與六層之分, 六層既EXOTERYC個名叫T3+3.


(不包括最頂的LP板)

依個T3+3可以放六部機, 又係架中架設計, 所以以慳位黎講, 依個T3+3比起三層的EXOTERYC會更加慳位.

介紹EXOTERYC

...代續...

racewong

續番上面...

關於架宗既避震處理方式，佢放棄左使用層板原理，而將器材直接放於架上的阻尼膠墊墊上.

因好多hifi同好都認為任何物件接觸部機都會令音質方面有所改變；同時影響器材自身的應有特性. 然而ARTESANIA放棄了層板這部份，目的就係要盡量將架上減少汚染情況.
另一方面佢既特點就係架中架結構，這部份大家都易理解其作用，廠商認為所有架都會有多少偕震干擾, 架中架避震原理係盡量將偕震隔離便可減少干擾，甚至有機會由地面震盪回傳於架上都可一一減低其干擾，達至此架能夠發揮理想功用。

另外此架最好部份，即是話你家的器材用在ARTESANIA上亦發揮到你用既機種什麼音色就有什麼音色,不會改變其音色，反而彰顯你原本喜歡此組合音質特性,

另外, ARTESANIA亦跟左好多小配件比用家可以自由調較聲音，它附帶配件有軟硬物料既墊材給用家選擇，在承接機時和承接架腳底部份都可用來給用家調較理想自己聲音。

實地測試

racewong

實地測試

由於要方便搬運, 所以使用測試器材是我部ARC CD8, 大家見到幅相片, 我就CD8就放在EXOTERYC的頂層, 測試CD我使用了MUSICA NUDA的LIVE大碟[LIVE A TIRANA]中, 最好聽果首medley "Fever" & "Garibaldi Blues".

如果你地參加過HIENDY攪既活動, 都知道我最近最鐘意依隊MUSICA NUDA. 佢地每張碟都錄音超靚, 當中尤以LIVE. D細節多到你唔信, 每次我攪SHOW播完佢地既碟, 都立即想據為己有.

講番部ARC CD8先, 我現在只使用CD8作轉盤, 解碼方面我就交左比MSB ANALOG處理.



由於部CD8本已放在EXOTERYC上層, 所以我就先試EXOTERYC的聲效, 再將部CD8連線咁搬過隔離既SOLIDSTEEL 6.3層板上.



一過架, 已知龍與鳯!

唔係話SOLIDSTEEL 6.3唔好, 只係一分錢一分貨, EXOTERYC 在全頻的線條與質感都明顯優勝. 尤其係越大聲越見真章. EXOTERYC出黎的淡淡定有錢剩特性最令我歡喜.

當我將部CD8由EXOTERYC搬過6.3後, 頭十秒已經發覺在最高頻段, 我部CD8竟然聽到開叉....
跟住我留意到中頻的人聲與樂器的線條變得糢糊. 線條多了毛噪感.
低頻方面, 有點不受控, 簡單D可以形容為[收唔切]...頂, 全頻既線條都散散地, 所以聽左唔夠一首歌, 就將部CD8放番喺EXOTERYC頂層.

音場方面, 在深度的提升最明顯. 一換番上EXOTERYC, 樂器與樂器的前後比變得明朗.

總結這個ARTESANIA EXOTERYC全無品牌自家色彩, 使用後只會增加你套器材的質感與密度, 提升全頻線條與分隔度.

哈哈, 我的確無買錯添. ARTESANIA EXOTERYC的能力, 非一般釘釘墊墊可以媲美, 最重要係EXOTERYC的OUTLOOK的確美觀易入屋, 作為發燒友既你地, 係時侯要換HIFI架了.

jonyung

但Artesania exoteryc 又出 Master Kyo edition wor?!

superpeter

堅靚

racewong

jonyung 發表於 2017-8-29 16:49
但Artesania exoteryc 又出 Master Kyo edition wor?!

依隻?

henrykee

racewong 發表於 2017-8-29 16:41
留位

wow. didn't know you are using MSB dac

superpeter

jonyung 發表於 2017-8-29 16:49
但Artesania exoteryc 又出 Master Kyo edition wor?!

好似仲正喎

haha12

隻旗艦好似好豪好大件噃， 邊有咁多地方擺放呀！

racewong

haha12 發表於 2017-8-29 19:43
隻旗艦好似好豪好大件噃， 邊有咁多地方擺放呀！

佢既闊度同FE差唔多

haha12

racewong 發表於 2017-8-29 22:09
佢既闊度同FE差唔多

餅主套 架 size 就跟FE 相若， Master Kyo 好似再大一個碼噃。

superpeter

除此之外，極品還發表另一項新產品，就是Artesania Master Kyo音響架。這是Artesania的最新旗艦，寬度、深度都比以往產品大，阻尼器的材質升級為鋁合金，器材支撐架則改以碳纖維材質。畫面中的Master Kyo分為本體與上層層板部分，本體定價2萬歐元，上層層板定價1萬歐元。上層層板由碳纖維與其他複合材質製作，最適合擺放黑膠唱盤，現場則放了一台Burmester最新的175黑膠唱盤。

http://news.u-audio.com.tw/newsdetail.asp?newsid=5445

嚦嚦

真勁！！ 個架貴過我成套野．．．

haha12

superpeter 發表於 2017-8-30 11:18
除此之外，極品還發表另一項新產品，就是Artesania Master Kyo音響架。這是Artesania的最新旗艦，寬度、深 ...

雖然訂價不等於賣價, Artesania 係價位上仍然好有潛質拿取飛躍進步大奬。

餅主ㄧ不做二不休, ㄧ於去馬啦!

racewong

嚦嚦 發表於 2017-8-30 12:17
真勁！！ 個架貴過我成套野．．．

Nick , 換我果款Exoteryc啦, 3萬幾一層, ok la

racewong

haha12 發表於 2017-8-30 12:23
雖然訂價不等於賣價, Artesania 係價位上仍然好有潛質拿取飛躍進步大奬。

餅主ㄧ不做二不休, ㄧ於去馬 ...

儍的嗎?

pl96

個架貴過我成套野

racewong

pl96 發表於 2017-8-30 15:01
個架貴過我成套野

你講緊Master個新架嗎?

haha12

racewong 發表於 2017-8-30 14:12
儍的嗎?

祇不過係餅主面嗰浸啫!

racewong

haha12 發表於 2017-8-30 19:42
祇不過係餅主面嗰浸啫!

最面果浸, 下面咩都無晒啦