齋補記18” (3/4 Updated Pg.2)

cklai520

記得從入門開始玩起到玩到中規中矩，數數下都入咗坑十幾年，一直都樂此不疲未停過。但係呢兩年就呆呆滯滯冇乜進步 唔知想點咁。原因發覺器材去到一點上，再上想換下嘢喺好鬼難，要比嘅代價已經唔係由初上中咁易，尢其香港依家啲價 ......都唔知講乜好！老實講作為發燒痕友真係好鬼死”頹”

曾經跟風學人買咗部Marantz Atoms乜乜旗艦前級返屋企，以為新制式新解碼晶片應有先天優勢，不過不到三個月就蝕幾千都要放咗出去 。雖然自己用緊部老爺AV前級都出咗成十年以上，但真係覺得鬼佬同日本仔玩法好唔同！最終果次係錢又洗Q咗，但升唔到呢不特止重跌跌哋嘅經歷，真係一個字”灰”呀 !

之後都有再出去睇下啲外佬嘢，試問下新制式啲機價，但全部舊舊嘢都講緊成十幾皮，就算佢哋可以分期比到折我呀，如果真係買咗，自己都覺得對唔住個老婆架！

作為發燒痕友嘅我咁點算好呀？放棄，有得佢再睇定啲先，定催眠自己好先 ？心諗團火擺下擺下就熄嗰囉喎

No Way No Way！I need to do something

終係今年年頭，幾經掙扎，掙扎，再掙扎，最後就定咗個連自己都覺得顛顛哋嘅決定。把幾火決心將所有今年及明年及大後年原本想買部新AV前級嘅預算全部一炮過放哂係啲”十全大補酒”到，試下齋補會唔會谷爆啲任督二脈先，一個唔好彩補到勁過買部新機咁，都咪話唔知點算好。

再講他朝一日夠錢換，啲補品全部又用得返家嘅，補品冇啲機咁易過時嘅，你話係咪好值得支持先。

經過成個月一輪買買買大作戰之後，雖然細佬啲文筆麻麻地都想分享下，等啲同好參考下都好吖

不過先講大家嘅組合，環境，個人口味都大不同，講古講得唔啱聽都冇計，都係嗰句”不喜勿插” 。另外細佬絶對唔想同任何商業單位拉上任何關係，邊到買，幾錢買等等就唔好意思嘞，呢方面一律”唔回應”ok

廢噏完畢正式開波 先講今次大Project大致我係咩方向出發。其實又冇乜Surprise，主力都係針對器材嘅電同訊號兩大方面著手，防震功夫為輔。不過今次係自己做得最細緻同最徹底嘅一次，所以計劃分兩Part寫，分別喺輕中度及中高度不同銀両範圍嘅投入度分享，砌好Set好，認真試好諗好就發文出唻同大家happy share。

Part 1 - 輕中度投入篇

1.一切從Source出發

自己稍為偏愛AV，所以從睇戲嗰部份開始搞起

# 第一步將OPPO 205入面原先份交流電部分拎出去搵師傅換咗份LPS，而駁主線路板嘅原廠電源排線就改用咗什麼什麼方蕊純銀，IEC頭就改用Furutech NFC，最後當然換埋粒fuse啦

# 然後我比咗個舊農夫地盒比OPPO用，再升咗少少級加咗佢哋嘅Entreq Everest同Eartha Silver WS Cable接落排蘇到。而我就冇用佢哋嘅銀地線就改用咗Mundorf DIY 金銀線打孖駁住機殻接地位。

# 跟住走去開咗Anthem D2V個機殼，學OPPO官方新改板咁喺佢電路板嘅主電源輸入輸出嘅電源排線頭尾加咗Acoustic Revive Noise Filters FCS (如果唔係OPPO 205要甩開哂啲線路板先加到係排銀線到，否則一定搞埋佢，可惜肴底唔敢拆)。最後係Anthem機底靠Switching Power放埋個Acoustic Revive EMF REM-8

效果: 畫面同聲音同步有顯著進步，不過呢步對聲音嘅進步先係主角。大家睇我嘅Setup都略知我都有玩埋Stereo，所以我對AV同聽歌仔嘅質素同追求一直都盡量一致。

今次出嚟嘅效果係有令自己喜出望外嘅。我鐘意部機有葉問師傅上身咁款，要細緻時有細緻，要爆時要爆到收放自如，要有份超狠勁，總括唻講我希望今次Project要得到嘅電影嘅音效同質素佢全部滿足到我。
喺靚電同低噪的環境下嘅OPPO令Panasonic Plasma同整體电影聲音表現上有彼明顯嘅進步，真係一句感謝AV真主 ，呢個世界有部好似OPPO任改唔嬲兼受”補”兼可以”JB”(最重要)嘅宇宙旗艦盤玩。

心得: 玩影音先要玩好份電係常識，點改改善同有幾大分別可能大把Ching都講過N次。咁呢到我想分享嘅係大家如果玩咗好耐地盒，但如果你冇將地盒駁牆身或拖板電位嘅話，我就建議大家個地盒用一排例如大半至一年到就Unplug條地缐(完全甩開啲線)，大概一星期左右比個地盒休息下，可能會有驚喜發現架。老實講今次玩”地”升級若全套連地盒計嘅話，價錢可能唔算平，但又唔係話令個表現有兩三成進步。但如果你視影音盤同純音樂盤有同等價值地位嘅話咁Why Not呢 ，如果你用埋OPPO聽歌仔咁就更抵。

2.直搗USB訊號噪音核心問題


# 試完改OPPO電源供應，同為AV前級機做咗少少工夫之後，我係OPPO USB輸入端加咗iFi iSilencer (打孖上)接Hard-disk個Docking

# 另一個USB空檔就加咗個Acoustic Revive USB Terminator RUT-1

# 最後再喺Hard-disk docking個USB輸入端再加多個iFi USB iPurifier 2

# 最後將原先由LPS去Docking嘅電源接頭加多個iFi iPurifier DC

效果：做呢幾個步驟嘅目的就係希望令USB傳輸嘅訊號得到最理想嘅條件，最好越少電腦噪音越好。
我本身用Panasonic Plasma多年，過去佢係黑位嘅”食力”不容質疑。但今次驚喜位係當我用上呢啲小補品時，整體畫面嘅細節，色彩同黑位都有見得到嘅”再”提升，感覺就好似玩相機換咗個好啲嘅鏡頭咁。

樓下繼續.....

cklai520

續樓上.....

心得：iFi iSilencer如打孖上真係同網上所講有加乘嘅效果。而網上有人話要用三個，不過用兩個時，我已經覺得好長，如果用三個我就真係接受唔到，個架都冇咁深啦。
另外電腦USB呢個世紀發明，堅係同影音世界好唔friend，但如果你又真係搞掂佢哋嘅先天噪音問題，提升又不是夢噃。
再講無論幾貴嘅USB線都冇消噪嘅功能，我Docking接OPPO一直用Wireworld Starlight Platinum，而聽歌就Siltech Golden Universal，但最後覺得當搞掂咗啲USB Noise時，我先真正發揮現佢地可以唔止之前咁好。
不過今次經驗發覺USB啲Noise唔係一件半件補品可全部搞得哂，但覺得一定值得去搞。

wallwong

師兄既心得好好，好有啟發性

cklai520

cklai520 發表於 2018-4-2 12:27
心得：iFi iSilencer如打孖上真係同網上所講有加乘嘅效果。而網上有人話要用三個，不過用兩個時，我已經覺 ...

3.HDMI影像傳導的問題
# 我將由OPPO去電視的HDMI換上Centera HDMI 2.0 Hybrid Active Optical Cable 來代替用咗好多年嘅Wireworld Starlight 7。

效果：換呢條線我認為係今次升級中性價比最高同最滿意嘅投資之一，出唻嘅畫面不論精細度，立體感色彩都係我最希望得到的。尢其所有物件嘅顏色質感嘅表現最得我心。我可以講我係Ironman同Terminator嘅鐵粉，所以特別注意到境物表現嘅唔同。本來一直都想換4K OLED電視，搞完之後終於決定拖多一年先再諗嘞 。因為當我完成哂整個AV十全大補酒之後，我覺得我自己睇緊3K (當然亦因為4K OLED個價......，二來要我搬開哂啲嘢裝佢上牆.......唔好住啦)

心得：HDMI行Optical對影像有非常好的表現，但自己就覺得對聲音方面就一般，起碼係我個系統上聲音就彼偏薄了。唔知係咪因為新線關係，聲音輸出方面我都係要用返一直用開嘅Wireworld Starlight Platinum，貪佢高音甜中音準低音勁。

cklai520

cklai520 發表於 2018-4-2 12:59
3.HDMI影像傳導的問題
# 我將由OPPO去電視的HDMI換上Centera HDMI 2.0 Hybrid Active Optical Cable 來代 ...

今日就分享住搞睇戲主力嘅嘅部分先，之後再同大家繼續分享


Next to come : CAS電源及訊號傳導大作戰

racewong

cklai520 發表於 2018-4-2 13:27
今日就分享住搞睇戲主力嘅嘅部分先，之後再同大家繼續分享

嘩. 好少見玩AV都玩到咁補喎.

bigpun1975

利害，好似見到AP 中置喎

tune

Great article and good sharing.
Many thanks.

MattAnt

見到師兄加左咁多補品真心厲害。
我反而將IFI 那個DC iPurifier拿走了，聽感上覺得它將所有線條都磨平了一點，拿走後終於有番D 低頻 。

PS，本身已經有拉專線同加左SINE S-30A，感覺如果本身如果有做過電源處理的話就唔好加太多好D。

cklai520

bigpun1975 發表於 2018-4-2 14:07
利害，好似見到AP 中置喎

隻AP用咗好多年，可能夠大隻佢比到我希望要嘅厚重感我，就好似書架同座地嘅分別。不過亦因為太大隻，揾人接好難

Davidsky

520兄：出色的分享

cklai520

wallwong 發表於 2018-4-2 12:42
師兄既心得好好，好有啟發性

Thanks Ching

cklai520

tune 發表於 2018-4-2 14:55
Great article and good sharing.
Many thanks.

Thanks Tune

cklai520

Davidsky 發表於 2018-4-2 15:54
520兄：出色的分享

Thanks Davidsky兄

cklai520

MattAnt 發表於 2018-4-2 15:45
見到師兄加左咁多補品真心厲害。
我反而將IFI 那個DC iPurifier拿走了，聽感上覺得它將所有線條都磨平了一 ...

可能我只用係Harddisk個docking到，所以冇呢個問題。而聽歌仔我同你一樣會信用LPS牛牛或靚拖板多啲

bigpun1975

cklai520 發表於 2018-4-2 15:54
隻AP用咗好多年，可能夠大隻佢比到我希望要嘅厚重感我，就好似書架同座地嘅分別。不過亦因為太大隻，揾人 ...

咁睇戲最重要係中置，咪做傻事換隻細呀⋯⋯

cklai520

bigpun1975 發表於 2018-4-2 17:25
咁睇戲最重要係中置，咪做傻事換隻細呀⋯⋯

有道理

wyman7727

好文章，小弟都正攪緊USB音源，正打算入部DDC，如Weiss int204,ifi iusb3.0,Mc3+USB等，最大可能都係Mc3+USB，因為佢可以加鐘.

cklai520

cklai520 發表於 2018-4-2 13:27
今日就分享住搞睇戲主力嘅嘅部分先，之後再同大家繼續分享

繼續

4.CAS電源及訊號傳導大作戰

到Stereo CAS部分嘞

# 我將原先比Aurender N100 嘅Tiglon MGL-L1 LAN 線改用咗農夫Entreq Network Cable RG45 + Acoustic Revive LAN Isolator嘅組合，而農夫LAN線本身係跟一個有兩個Headphone jack嘅專用地盒仔，我除咗駁條LAN線外，順便用埋條舊農夫銀地駁埋Aurender N100個機殼到，實行唔好嘥。

# 另外喺佢機身USB個吉位插多咗隻Acoustic Revive USB Terminator RUT-1

# 跟著由USB去Weiss INT204嘅input加咗隻iFi iPurifier 2守尾門

# 之後去搞DAC去前級嗰對XLR訊號線，將佢原裝跟線個地盒駁到一套農天Enterq Silver Minimus+Atlantic+Everest同Eartha Silver WS Cable嘅組合做升級Kit。當然唔會嘥用Mundorf DIY金銀線駁埋個DAC機殻一齊用啦

# 到搞間房個Server嘞，我將原先兩條Tiglon MGL-L1 LAN線同Acoustic Revive LAN Isolator組合換咗去比Synology去Hub再去牆LAN接口用

# 再將比Synology部LPS嘅雞雞電源線改咗用Acoustic Revive Power 8800 Triple C。然後再加多個獨立農夫地盒同銀線招服佢

# 再係個雞雞LAN Hub加隻Acoustic Revive LAN Terminator RLT1同iFi iPurifier DC

# 玩完房返出廳再將PCCW Router個原裝超雞嘅Switching電源換咗用個iFi iPower 12V

# 再喺Asus Wireless Router加咗Acoustic Revive LAN Terminator RLT1 同USB Terminator RUT-1組合

# 最後將Weiss INT204同Antelope Zodiac Platinum 嘅LPS電源接線頭尾加Acoustic Revive Noise Filters FCS8

超多嘢但終於大功告成 ！開聲 Go

cklai520

cklai520 發表於 2018-4-2 23:44
繼續

4.CAS電源及訊號傳導大作戰

效果: 其實講到呢part真係有啲唔知點.......有啲手心標汗！因為呢到好鬼多CAS同Stereo嘅高手，而自己又唔係好專玩聽歌仔，但就只係要玩埋一份咁。唔好講投資，就算換機同線材配搭都相對唔多。所以申報在前，大家都係睇睇算，都係嗰句”不喜勿插”ok。

好....唔知大家玩聽歌仔時最多會玩好咩先呢？
而我就聽得最多人話係要夠”黑”(背境)，同出嚟嘅音樂味要夠”膠”(黑膠個膠呀)要夠Analogous。之後當然重有好多Bababa.......

而今次我係嘗試針對以上兩個重點落功夫，好彩出唻嘅結果冇乜大錯。試聽時雖然冇話去到最初入坑時玩Linn LP12黑膠盤時所聽過嗰份膠味，但係覺得有七八成近嘞。聽落舒服咗好多，尤其聽DSD file時再冇以前咁Digital。啲人唱歌仔又有感情同Heart...切咗。唔知係咪背境黑咗呢，啲人聲同樂器個質感都正咗，尢其啲丁丁喳喳都出過以前。

心得: 攪得掂LAN Port出嘅噪音同電源問題，所得到嘅回報，一啲都唔會比搞掂USB少。尤其覺得今時今日主流行CAS及串流嘅年代，啲人成日講數碼未呀，燥底呀，起毛角呀之類問題。我確係覺得搞完之後改變咗好多好多，感覺就似飲威士忌咁，由15年上咗去25年咁。
電源嘅嘢就唔駛多講了，不過今次工程就順便將Digital同Analogue(完全冇USB功能)啲機徹底完全分開牆插同拖板，我諗都應該有關係啩。
因為小弟放機個櫃背太多太多線，好難又甩又插咁AB比較，所以只好用”應該”應酬吓大家咁囉