重新適應超低音 - 大地震P10V2

jlam

等待兩個月，終於到手eathquake p10v2, 捱咗兩個月無sub仔睇戲嘅日子。。。

本身係想趕及3月果批機，但實在太多人訂購，不過呢一等又真係值得嘅，一來隻sub仔啱啱壞咗，二來我自己又無咩心水，咁啱睇到宣傳有Promo就去馬。

首先講講好嘅地方，代理雅詠音響服務確係非常貼心，余先生對產品嘅細心講解各項設定，低音擺位到音響知識都一一解答，絕對無投訴。從落單到送貨都有禮細心，服務質素非常好

講返隻p10, 體積比我想像小巧，比之前隻8" 唔算大好多，音質方面，正如余先生所及，佢唔係個種下下大大力揼心口嘅sub仔，係有向性，重視整體包圍感，初頭係有啲唔慣，因為心目中係想好似以前隻wharfdale sub 仔咁，大大力轟落嚟，但日子有功聽聽下發覺唔係下下大大力就好，要講整體平衡，力度強弱，包圍感，平均都係好重要，唔會話為爆而爆，總體嚟講earthquake p10v2 嘅發揮係理想嘅，但如果你係追求下下揼心嘅用家，就可能未必適合。

講下少少美中不足， 隻sub仔有個小問題，就係震震下自己會移位，而且都移得幾厲害，可能有人會話加塊墊就可以輕鬆解決問題，但希望廠方可以留意下呢個問題，因為之前隻sub仔都無呢個情況。。。

總括嚟講今次升級流程，代理服務，產品質素都滿意，唯一係移位方面感到美中不足， 其待下次再有機會享受雅詠的優質服務

Band

恭喜ching新歡入宮

banjo

恭喜哂, 隻十仔再煲耐啲會仲正.

pepsiman

師兄,不妨試吓加三粒釘,釘墊就用少少blue tape黐地下定位,睇吓可唔可以留住隻十仔...

bigpun1975

呢隻好抵玩

羅賓

的的式式又真係好靚仔喎

jlam

pepsiman 發表於 2018-5-14 14:39
師兄,不妨試吓加三粒釘,釘墊就用少少blue tape黐地下定位,睇吓可唔可以留住隻十仔... ...

多謝ching提點，今個禮拜會試試，因為實在移動得緊要

Suprabird

大地震用家獨享，升級效能套裝 USA Tributaries Cable 低音更緊湊，下潛力更強