魔洞2

xlarge

尋晚睇呢套(魔洞2)延續第一集劇情講述女主角Sarah被救出兩日度要再次跟隨警方及拯救隊進入山洞搜救,而由於女主角受到過份驚慌而患上短暫性失憶。所以當初拯救隊不知道洞內存有怪物,而sarah既模糊記憶就在洞內逐步浮現番,不過可惜已經為時已晚,一場人與魔獸既追逐戰亦隨之展開.

       論戲本集可以秉承第一集(魔洞)既成功..凸出到"幽閉恐懼症"呢個題材,人係看不清摸不到狀況下內心既恐懼油然而生,所以呢兩集都係設身於擠迫黑暗既山洞內,在伸手不見五指環境下突然之間怪獸出現在身邊既驚嚇十分之成功.營做呢個密閉山洞加上水坑場景設定空間困獸鬥就係可以睇得更加肉緊.而新呢一集對於嗜血既觀眾會更加吸引,大量血漿埋身肉搏比上集更加刺激末段一大輪"立斬殺"場面恍如打機式電影打喪屍般爽快,尾段sarah再遇上集死唔去既同伴再加添番幾分人情味及一連串雙方既恩怨終於可以釋懷.

       若果本集可以再早15分鐘進入戲肉會更見理想,大家需要捱過頭35分鐘先入肉相對第一集計我覺得鋪排長氣左些小.另外相對第二集破唔到既宿命就係公式化,不過其實都唔緊要呢類型驚慄片最緊要令大家睇得肉緊,斬殺怪獸又夠爽快,陪同女主角歷險90分鐘相信不失為好節目.未睇過第一集(魔洞)既版友強烈建議最好一次過睇晒兩集.

         呢隻dvd畫面就一般啦,黑位細節叫做收貨雜訊控制得不俗畫面依然清式.音效強而有力一般突如其來嚇鬼式效果真係俾佢嚇一跳,聲音質素不俗做到非常良好既空間感,怪獸叫聲又可以通屋走,捉都捉唔切.

         想we 嘩鬼叫緊張驚險個半鐘絕對可以一看!