色罪難饒 - I Spit On Your Grave 2010

kachow

簡介
作家珍妮佛為逃避城市的紛擾，前往鄉間度假以尋求作品靈感。而她的出現，卻引來當地混混的注意，就在當晚，這群混混闖進她所居住的小木屋，打算嚇嚇這個來自城市的女孩。
然而，原本出自於單純想法的惡作劇，竟失控演變成大家輪暴並凌虐珍妮佛！最後，珍妮佛只好狼狽地逃出並跳入湍急的河流逃過這場劫難。

一段日子過去了，這些人回歸日常生活，也逐漸遺忘了那個殘暴的夜晚。但是，受害者珍妮佛卻無法忘懷讓她遍體鱗傷的那天，於是，她帶著滿腔恨意重返舊地，將以最殘酷冷血的手段進行復仇，她要讓這群混混為自己的行為付出慘痛的代價！




評論
開頭見到封面寫住"世界10大禁片"及引住就買左. 以為比恐怖鬥室更加殘酷. 成套戲分開2個情節. 開頭花好長時間講解女主角點解要去深山寫作. 但係拖得太長, 覺得有d悶, 跟住開始進入高潮, 被一班當地既流氓輪姦. 成個村既人都係幫凶, 最後黎個大報服. 但係好多敏感血腥位都無表達到.  只係影住受害者痛苦既表情. 血腥場面不足. 想用表情對話搭夠, 令你幻想下有幾殘忍, 但係又感覺唔到. 色情場面又係好求其..





其實真正"世界10大禁片"係1978年出個套 I spit on your grave - Day of the Woman. 呢套雖然特技無今時今日咁迫真. 但係就好有條理同說服力. 呢套翻拍就真係好一般...







預告片:

ben2011

即係好唔好睇呀?

kachow

即係好唔好睇呀?
ben2011 發表於 2011-5-16 13:19

如果無引導性話十大禁片. 咁都當一套變態殺人片睇係好OK. 但係一開始以為超經典同超殘酷既心態去睇.就真係唔多掂... 講殘酷變態唔夠恐怖鬥室..劇情亦都唔係好特別. 有好多位都係點到即止..

xlarge

聽講核突到剪JJ....真定假?

kachow

聽講核突到剪JJ....真定假?
xlarge 發表於 2011-5-16 14:44

    係..跟住塞落條仔個口入面..以報復條仔曾經迫佢口交. 不過剪個下無影到..只係見到條仔好痛苦..塞落口只得1秒..慢d都唔知係乜黎..

datacoma

戲後半部完全傾向女角被欺凌後所以要進行大報復，就咁睇條橋似乎真係單向左D。
而且中間都幾多問號，例如條女點解咁都唔死得有欠交待..
都算，4條大漢竟然俾佢無風無浪咁單拖逐個擊破...呢下先係大問題。
首先條女如果咁醒....何解之前又會咁'拙'！唔通死過翻生會昇左[呢]？？
導演以為上半部女角遭逢淒慘經歷，觀眾就會傾向同情女角；而大仇得報就係順理成章...
於是後半劇情就變成只係睇下女角如何反虐待番班友...就算。
但有經驗既導演相信一定會寫女角殺到最後一個時就會失手被反撲....
咁個結尾先會掀番起高潮；先會扣得住令人緊張追到尾。
咁簡單既起承轉合；我地TVB啲師奶劇集都識度啦，佢咁都唔識；真係冇野講。

kingleecm

SAW 正好多