玩新膽不及古董膽，短屏不及長屏靚

Hifibecheap

對玩膽新手而言不同型號、不同牌子、不同年份、不同價錢，睇完等於冇睇。完全係一大堆資料又唔知係乜。除非係好發燒同有錢，唔係唔會一樣一樣咁試。我都係機緣下試過不同組合，得出以下結論。純個人感受，大家有不同見解可以開心分享。
當初坃膽是由膽前開始，膽是大路12ax7,12au7,12at7,6922等膽仔。
Reissue膽 vs Volvo/Brima膽
後者較暖聲和清…感覺提升唔少
Jj reissue 長屏vs Volvo/Brima
印象中各有千秋，唔太記得

Hifibecheap

Amprexe (吹喇叭) vs Volvo/Brima/jj reissue 長屏
吹喇叭定位比其他好，空間、聲音比較平衡。聽完個下直頭丁一聲，係你啦…吹喇叭，我搵到我杯茶。吹喇叭短屏完勝其他膽。以同一部膽前級作對比。當時見人寫長屏、短屏、價錢相差好大。未試過唔知差別。如是者聽了一段時間又身痕，搵對長屏吹喇叭作對比。一聽死得，原來短屏中頻唔夠厚，連高低音都唔夠盡。所以話新不如舊，長好過短。

Hifibecheap

細膽普遍，多機用，有乜事較易整，買賣方便。但是當聽過較大的直熱膽前級，你會覺得自己由劏房搬左去幾千尺大屋。聽到樂器同樂器之間分得開好多，場面深闊之差唔只大，比我實際的地方還要大。音色通透，發聲點的集中是細膽做不到。細膽做得好都只是projector睇演奏，大膽就響演奏廳台上比演奏家圍。直熱大膽前好玩還好玩，市面上產品不多，自家製難做得好聲。因為少人玩，靚膽不太貴，又冇人買，可大手買入玩過世。

Hifibecheap

如果自家制大膽膽前可用西電膽的話⋯⋯我個部得，當然要試下傳說中的西電膽。對比過西電同STC，西電最初比我感覺低頻多些，夠幼滑。後來改了電阻值，發覺兩者不別不大。傳說也不能盡信。平價膽不一定差，睇下部機調成點。

banny_seng

基本上同意樓主意見，但想加些少。
ECC83/12AX7我最喜歡都是Telefunken(ECC803s超貴玩唔起)，記住要有肥圈菱底；其次Mullard，但不排除很多人喜歡Mullard多些，特別是早期方環長屏，味道真是一絕，後期的盒屏其實也不差；這種膽通常都是長屏好過短屏。另外歐洲膽可玩吹喇叭，味道與德/貓唔同但都唔錯。美國出好多都叫5751其實是通用的，但美國膽都是音樂感與QC差D，有時甚至頻寬都唔夠。如果試機做炮灰，國產6N4就別無他選！

ECC81/12AT7我最喜歡也是Telefunken，ECC801s不太貴可以一玩，勝ECC81不少；其他古董歐美膽與它比好容易發覺Telefunken更高清更滑，美國膽一般較粗枝大葉些，有時QC不好也唔出奇。我唔係幾覺ECC81有長屏膽，可能我只玩了十幾廿種唔夠多。

ECC82/12AU7可玩的膽就很多，德仔當然得，也有很多美國舊裝5963膽都很不錯，睇住長屏方或D環基本上唔會錯，我覺得ECC82/12AU7最緊要同你部機夾，唔會好似上述兩膽咁某些歐洲膽超曬班。

ECC88/6DJ8最正都係德仔同西門子CCa，其次是德仔E88CC。6922可通用但其實不算100%一樣。荷蘭Amperex出既ECC88我也很愛，如果找到SQ級金腳更正！炮灰膽可用國產6N11。我也未見過ECC88/6DJ8有長屏。

也講下西電膽仔，現在出售的有水銀頂的WE420A很多都是翻mark膽，其實是另一美國細廠造的，白頂的是正貨機會高很多，翻mark膽不要貴價買啊，平價試下又無仿！

banny_seng

Hifibecheap 發表於 2019-7-30 14:16
細膽普遍，多機用，有乜事較易整，買賣方便。但是當聽過較大的直熱膽前級，你會覺得自己由劏房搬左去幾千尺 ...

其實每隻膽在設計時都有其最佳電流/電壓/負荷值，用幾大size的膽與最後聲音的結果有關，但無必然關係，設計得好的超小型膽也可以出到超好聲。
我已經廿年無用現成流行的膽前線路了，玩的都是自己設計的線路，都有些少心得；我覺得無論用甚麼膽，好的線路與好的電壓電流數值才是影響聲音最大的元素，假如線路不好或膽的工作點取得不好，就算用到天下最正料結果都只有浪費！

Hifibecheap

banny_seng 發表於 2019-7-31 16:53
其實每隻膽在設計時都有其最佳電流/電壓/負荷值，用幾大size的膽與最後聲音的結果有關，但無必然關係，設 ...

十分贊同