今次 Rambo 加上 Will Smith (Last blood & Gemini Man) 1/2

wooban · 發表於 2020-1-23 23:29:01

先講Rambo V Last Blood，呢套戲其實戲院已經睇咗，仲係特登揾晚收工獨個兒去間Laser戲院到睇呢套三級片。睇之前同之後都知好多人話呢集已經唔係之前Rambo咁勁啦，弱鷄哂喇咁。但都去睇？咪就係情意結囉，呢位由細睇到大，形象正面嘅英雄，點止入戲院睇，仲買埋隻碟。以龍哥嘅年齡，當今世上相信有很多人連行步路都有問題，唔通仲期望佢呢集又去跳懸崖咩，所以劇情上由揸槍打仗轉為設置軍事陷阱，來夾番龍哥真實年齡及 John Rambo嘅角色年齡都是配合的，而且在故事開頭的求安穩心態，轉折點同悲劇英雄鋪排，亦都是與前四集匹配。

講番隻碟，有 ‘Lionsgate’ 已經是聲畫保証，光位對比同畫面都夠sharp。聲音上可以留意龍哥第一次在賊竇行樓梯級被迫上天台時嘅環境聲方向性，同天台上被圍時嘅surround人聲。當然，尾段山洞內回音同各武器聲響亦可以試一試機。

亦都要留意，尾段有由第一集起嘅回顧，在戲院睇以至在家中睇時，真係有種見番一位熟朋友感覺。當然，係我識佢佢唔識我果種。