添置2/F專X影院咁ga服務態度.................

howin

真係唔明點解今時今日咁ga服務態度都仲可以生存到咁耐...今日小弟同女朋友去添置2/F專X影院買projector for新居...target應該係Sanyo Z800..我上星期四上去問過價錢(av show前幾日)...當時有個sales就報價!$@))...咁我一心諗住睇埋av show先決定所以無買到...咁今日上到去就叫個sales開嚟試下啦(唔係上星期個sales)...佢個面口已經唔係好like ...但都死死氣搬俾我試...我女朋友跟住問我點解唔買Sony...我就話Sony我喺av show睇過我唔係好鍾意...av show當日呢間野擺左個影院就係用Sony projector仲話加左個十幾萬鏡頭..d色係好靚..但睇到我同我朋友都頭暈暈...唔知點解..可能set得唔好...個sales聽完我咁講之後即刻好大反應話:[ 如果Sony你都話唔得ga話...咁呢部你更加唔洗試啦]...  我當時唔知俾咩反應好就拉開話題再問下個價錢啦..佢竟然話!%*))...跟住我就問佢仲有無得折因為早幾日我問過唔洗呢個價...佢就一句質埋嚟:[ 無得折架喇..咁上個禮拜你又唔買...而家係咁貴喇..咁你仲洗唔洗試呀?].. 我真係火都嚟埋即刻話更係試啦...咁佢死死氣繼續插俾我試...仲要試高清翡翠台 ...要我叫佢先插隻鐵金剛俾我試..如是者試左幾分鐘正想走個時上次個sales返左嚟..佢都認得我...我即刻問佢:[ 早幾日你唔係報Sanyo Z800!$@))咩?]...佢無講乜就拉左另外個寸sales入房問佢報左咩價俾我...跟住就走出嚟同我講話上次個promote做完而家個價係!%*))...咁我算啦正想掉頭走佢又嗌返住我問我係咪真係而家買...係就幫我再問問...頂佢 又俾佢撩起我道火我一句質埋去:[ 你個價啱咪買囉...買萬零蚊野唔係好難o者下話]...講到我好似運吉咁...頂佢 ...跟住打完個電話又同另外個寸sales細細聲講完之後話都要!%%))...咁我咪走囉...最終走左落去SSP新成x到買左!$%))...人地老闆咁啱喺度親自招呼我..有傾有講真係洗錢都洗得開心d...我自問喺添置都洗過唔少錢...都未遇一個咁狗眼看人低ga sales...樓上個d賣幾十萬器材個d都無佢態度咁衰(雖然都唔係好架喇)....

cyberken

有時去MK買野都要受氣真係好Q奇怪。。一於一毛都唔益佢，　係咁叫佢玩野搬野，然後唔買。。。

pinkhung

回復 1# howin


    因為佢地唔係為買機,係買set up同設計嘛

kleehkg

真係唔明點解今時今日咁ga服務態度都仲可以生存到咁耐...今日小弟同女朋友去添置2/F專X影院買projector for ...
howin 發表於 2010-8-12 23:52

    PK shop and pk salesman

bigpun1975

回復  howin


    因為佢地唔係為買機,係買set up同設計嘛
pinkhung 發表於 2010-8-12 23:59

呢d 先賺錢

STANLEY2468

真係唔明點解今時今日咁ga服務態度都仲可以生存到咁耐...今日小弟同女朋友去添置2/F專X影院買projector for ...
howin 發表於 2010-8-12 23:52

我最近都搵緊幕,我又去過這店同你得到一樣的服務
最麻煩係買幕,唔試過睇,真係唔知恰唔同牌子投仔有乜效果

nwwedmond

遇著呢啲sales真係唔好彩...

datacoma

添置2/F出名臭....
不過同樓樓上有間就相反哂，我買幾舊水釘腳；個老細都不知幾好招呼...

agnes_b

以後大家一於唔好幫襯佢

BOY

2/f & 21/f 個肥仔都好寸架!！我都比佢寸過!！！

howin

我最近都搵緊幕,我又去過這店同你得到一樣的服務
最麻煩係買幕,唔試過睇,真係唔知恰唔同牌子投仔有乜效果 ...
STANLEY2468 發表於 2010-8-13 00:32

    最慘係好日都唔會帶埋老闆去睇野...我老闆都差d忍唔住小佢...仲問我:[乜而家賣hifi咁寸ga咩?? 你平時仲成日上去睇...我去買LV..Gucci都無試過咁樣俾人寸].....大佬...我幾無面呀

BOY

下次去睇野。。第一句就話要幾多萬的機。。幾多萬的喇叭。。問反佢地有無。。

無就話。。(。（吓。無呀!！））跟住指住部自已常試果部!！！試下呢部啦!！睇下好唔好聲!！

試完咪走囉!嘻嘻

米奇老野

香港hifi業真係好L奇怪,十年如一日,
幾十年前玩HIFI,D友仔都已經係串爆,幾十年之後今日一樣係串爆.
所以有時真係比多少少去大連鎖店買野,條氣都順D.

howin

香港hifi業真係好L奇怪,十年如一日,
幾十年前玩HIFI,D友仔都已經係串爆,幾十年之後今日一樣係串爆.
所以有 ...
米奇老野 發表於 2010-8-13 09:19

    講返句公道說話...其實有好多都已經改變左...有d真係任試唔嬲...我去4/F極X買喇叭同17/F線X買線都試左好多次先買...人地仲不知幾咁好傾...只係仲有一小撮人仍然食古不化

ryanenen

以前依檔野新開張時幾好服務.
我上次搵投影机,都去依到試下sony VW80,
一入去就同條肥仔講我要試sony VW80,
嘩! 佢幾好招呼呀! 又問想試咩Bluray,坐低幔幔睇,
佢就坐隔離, 一路睇, 一路落藥,

其實我想AB test JVC350同 sony VW80, 佢地2部都有.
睇左陣, 我就話sony VW80 靚就真係靓, 不过似大sony 電视,
我想試埋JVC, 佢老味即刻話部JVC 吾夠sony fight, 又話made in china,
知佢想点啦, 敢我話想睇有電影感d, 佢又射我睇 Panasonic Ae4000, 都有駁住,

Ae4000都吾差, 價錢OK, 佢話吾錯架, 當然比sony vw80 差一大距離啦, (似番人話)
佢話Sony vw80 報價 $52xxx, 有好少貨, 我幫你落單留一部啦! (佢當我大豪客定水魚!)
我話心目中budget $30,000 ~ 35,000,
我問 optoma 82 可以嗎? 佢地都有机, 佢又呀之呀差...........
佢話不如買 AE4000, 平过我個Budget, 又正, 吾差过sony vw80好多,( 岩岩又話ae4000差过sony 80好多)
但求做成生意, 把咀面可180度轉完再轉都得.

我就話帶埋老細尼睇先决定.
咁全程佢都冇黑面或者講咩野質你,
明知佢射客買佢地代理d机,油水高D ( sony, panasonic...etc)
佢做吾到亇價咪走人,
有時費時同佢地企硬,
為乜者, 玩AV求開心者.

howin

以前依檔野新開張時幾好服務.
我上次搵投影机,都去依到試下sony VW80,
一入去就同條肥仔講我要試sony VW80, ...
ryanenen 發表於 2010-8-13 10:38

    啱聽...玩機都係求開心o者...我都唔想同佢地勞氣...諗深一層可能係我自己衰...踩人地部Sony係av show set得唔好...所以先搞到佢咁唔like...真係想同佢地講返聲sorry

大ken

我上次去都係肥仔
OK 佢幾好招呼
試完HW15 之後又試85
又轉幕 又TF2 又HDJADE 都冇問題
不過開價就一定係睇住嚟開
佢都係搵食啫 可以賣貴D梗係賣啦
最緊要自己做足功課

howin

我上次去都係肥仔
OK 佢幾好招呼
試完HW15 之後又試85
又轉幕 又TF2 又HDJADE 都冇問題
不過開價就一定係 ...
daken 發表於 2010-8-13 10:57

    開價點開無所謂...買野大家你情我願...唔啱我可以唔買...但最大問題係d態度..............................

大ken

開價點開無所謂...買野大家你情我願...唔啱我可以唔買...但最大問題係d態度....................... ...
howin 發表於 2010-8-13 11:05

冇錯
可能個日佢M到

howin

冇錯
可能個日佢M到
daken 發表於 2010-8-13 11:10

    咁大鑊 ...乜男人都會.... 洗唔洗介紹個醫生俾佢....放心...係婦科嚟ga