家訪交流室 之 JP迷 - Glife8

pepsiman

有開打桌球嘅網友對「JP」呢兩個字一定唔會陌生，桌球一哥奧蘇利雲都係用呢個「JOHN PARRIS」品牌嘅CUE。今次家訪呢個會員雖然我哋相識於網站活動，不過見得最多嘅時間都係喺桌球室，而佢亦係喜愛用「JP CUE」。大家可能會問「JOHN PARRIS」呢個品牌都涉足影音界咩？非也！非也！大家睇落去就會明白。

pepsiman

Glife8師兄家居佈局相當不俗，家庭影院用盡整個大廳，雖然唔算太大，但梳化可置於2/3，與後牆約有一米多距離，皇帝位離投影幕兩米多，觀賞92吋畫面相當舒適，一個優質的家庭影院黃金比例輕易勾劃出來。同Glife8師兄已經相當熟悉，百事佬不客氣地先拜四角，第一眼留住百事目光當然係左前方嘅JBL ARRAY 1000同我嘅Dream Sub JBL ARRAY 1500啦，加埋隻中置JBL ARRAY 880，唔使開聲已經感受到影院嘅氣勢，而後置係JBL STUDIO 530，天空四隻JBL CONTROL 25AVI四正地包圍住皇帝位，喇叭分佈跟足杜比安放，打好完美環繞聲嘅基礎。後中置環繞聲呢？原來Glife8師兄一直最耿耿於懷就係因為被廚房外嘅陳設阻礙咗玩唔盡7.1.4，百事佬都覺得有點可惜。

皇帝位後有足夠空間，天空喇叭亦擺放四正


JBL ARRAY 1000及JBL ARRAY 1500 subwoofer

JBL ARRAY 880

JBL STUDIO 530

JBL CONTROL 25AVI

pepsiman

欣賞過喇叭嘅完美組合，就埋去HiFi架嘅主腦。原來Glife8師兄除咗鍾情於JBL品牌之外，亦係P記PIONEER粉絲，之前用中價機，最近升級到旗艦合併機PIONEER SC-LX904，配上同門UDP- LX-500 4K藍光機，透過PQLS 無時基誤差聲音傳輸與UDP- LX-500完美結合，又係好聲嘅泉源。Glife8師兄務求將組合發揮到極致，特意加上一部CROWN 8300後級推動地面五隻主聲道，為靚聲再注入強心針。

PIONEER SC-LX904

PIONEER UDP- LX-500

pepsiman

有咗靚聲點可以無靚畫襯托？Glife8師兄揀選咗OPTOMA ZU658投影機，貪佢力度十足而且持久力強，唔需要全黑環境都可以當佢電視睇埋，兩萬小時燈膽壽命，唔使錫住用，果然精明玩家！

OPTOMA ZU658投影機

pepsiman

睇過百事佬簡單介紹Glife8師兄嘅器材，相信大家都明白Glife8師兄點解係「JP」迷呢！好嘞！係時候埋位開聲，Glife8師兄早已準備幾隻百事佬耳熟能詳嘅試機天碟俾我歎，仲要全部係外國鐵盒版，正呀！SPIDER-MAN FAR FORM HOME、READY PLAYER、13 HOURS、侏羅紀世界2等，睇完幾隻碟後聲音出自JBL喇叭組合果然電影感充足，Dream Sub亦交足功課吓吓震褲腳，畫面有力色彩豐富。不過發覺後置聲音略高，天空聲道亦有點不足。原因好簡單，其天空喇叭JBL CONTROL 25AVI已有一定歷史，質素同地面五隻喇叭距離太遠，而後置腳架本身不矮，JBL STUDIO 530體積亦不少，再加上其號角型高音相當搶耳，引至後置搶走唔少天空喇叭聲音，上層聲音唔明顯影響咗環繞聲表現。我嘗試將天空聲道加大音壓，但仍嫌後置高音位置太高聲音定位被拉高。於經得屋主同意下將後置放到旁邊之雜物架上，再將其打橫擺放，令高音發聲位下降約十吋。再試聽幾個試機片段，微調後置同天空聲道音壓，噢！平衡番好多呢！但可以再放低後置高音至耳朵水平同埋換咗四隻天空喇叭會完美呢！Glife8師兄即時回應「天空喇叭係下一個計劃，但後置放低啲可能有啲難度」，明白嘅，家庭影院始於係家庭行先，有難度千其唔好勉強，哈哈！

後置喇叭橫放後，聲音平衡番不少

pepsiman

臨離開前，Glife8師兄細細聲問我加多對後中置包圍感會唔會更好呢？因為Glife8師兄聽過百事影院SPIDER-MAN FAR FORM HOME播其中一段無人機從後開炮，後中置嗰幾吓重炮打背脊至今仍然念念不忘，不過只可以將後中置裝喺廚房門上。百事佬話不必喇，後中置放到咁高，唔會有好結果，反而影響晒整個環繞聲音場，都係極力爭取後置放低啲啦！


Glife8師兄喜歡收藏鐵盒版，好多碟都係未開封嘅。作為AV迷，欣賞吓都開心呢！

bigpun1975

家訪交流室重出江湖{:5_201:}

marco

full set JBL{:7_904:}

mark1

正呀！好想聽下！

timmywan

真係好正{:5_167:}