另類[環境鬥士]-大屋玩HIFI係咪著數D?

racewong

個廳成千尺, 玩音響係咪著數D?



香港寸金尺土, 50尺既環境鬥士大有人在, 大家一樣玩得好過引. 不過當然個個都想個聆聽空間再大D, 玩音響就可以更好聲啦. 但大家有無諗過當你擁有900尺的巨廳, 你又會點設計呢?

今次家訪的主人翁B先生, 將兩個千尺單位打通, 剩係個廳都共有900尺, 分別係600尺的主客廳, 與300尺的偏廳. 正路你地一定會喺六百尺的巨廳玩音響....P.S. 大前提係你自己一個人住的話....哈哈.

我地作為有家室的男人, 玩音響之餘, 一定要顧及家中老虎, 小朋友, 寵物等等. 否則只會玩得唔開心. 你明白的...

600尺正廳:
屋主想[家似番個家], 這五個字的含意, 我深深體會, 想當然我屋企比我攪到成個試音室咁....真確又真係好似過份左....好過我老虎一向支持我玩音響, 咁先無玩到家破.....
加上窗外的無敵大海景, 所以屋主決定喺300尺偏廳玩音響.



初初最理想的位置就係下圖咁.




B先生由開始的CA + KEF, 慢慢發燒, 一直去到依家既MSB + MAGICO. 器材越買越多, 天價線材買完一條又買一條. 後來發覺器材太多太密, 換線好辛苦, 攪成個鐘先換到一條電源線



所以佢決定將全套器材搬去皇帝位後牆, 因為前牆有走巷關係, 濶度只有8尺左右, 而搬去後牆, 闊度可以增加到10尺半. 可以放得更整齊, 更美觀.




你地依家只係見到B先生主力的器材, 喺依套HIFI既後面, 仲佢有好多部MSB, LPS 等等的器材放喺後牆.



無錯, 你地都估到佢係打穿幾個洞[走線].

不過依家有個大問題就係佢既左右側牆唔平衡, 適當音量聽歌都無咩問題, 但播一D大爆棚樂曲就發覺聲音走左好多去右邊大廳. 成個結像好奇怪.

還有依家後牆的吸音板太多, 在低至超低頻段有明顯不足.

當我講出我的聽感時, B先生都知道問題所在, 所以佢正考慮買入我之前介紹的流動擴散板放在右邊第一反射點.

至於後級就買多幾塊擴散板, 取代現有的吸音板.



講真, B先生的器材可是每個發燒友的DREAM GEAR, 但當你玩音響之餘, 又要顧及家居設計, 又要睇老虎面色. 的確係要取捨.

不過話時話, 同B先生傾傾下, 佢都心思思想搬晒全套機去大廳...到時我諗佢買對M9先夠聲壓填滿佢依個900尺大廳了.

bigpun1975

明嘅, 始終屋企人先係第一位, 點「玩」都要攞個平衡點

hksarac

300呎都夠玩啦，900呎真係唔知點玩，樓高又無12呎。
正中音響架咁高，會否影音場，又無地氈吸下音。