MPS Arthur Power Cord

percyleo

呢條係我第三條石墨烯電源線。先前兩條已用在兩聲道系統中，分別用於總龍及黑膠唱盤。今次呢條我本打算用於AV系統作總龍，但由於我家愛女🐩臨盆在即老婆不想我大工程搞機(確實要換房套AV電源線係非常大工程，左搬右搬至少搞半日)以免阿女突然要生就疴奶！咁我唯有換最容易嘅subwoofer。

我所用嘅係Scansonic 12" subwoofer，本身已有很不俗嘅表現，基本上睇戲時係床動窗搖！有用開石墨烯線材嘅用家都知道她其一出眾之處係佢嘅低頻表現，以我經驗告之我隻sub仔插上她後肯定12"變15"！我分别試咗三套戲：saving private Ryan ， King Kong ，U-571。於saving 中當然以搶灘一幕試音，哪機關槍及炮彈爆炸嘅低頻跟前相比並非豐滿了那麼簡單而是非常立體！雖則只是個超低出嘅低頻不同但整體無論前置，中置，後置，後後置及天花音效完全變得更立體更形態化，怪不得有說重低音於AV SURROUND 系統中擔當極之重要位置！我套AV雖然只是入門嘢但我頓時已置身搶灘行動中，緊張到我一身汗！之後再試King Kong 同暴龍大戰，嗰種肉搏嘅聲音嘢嘢打到埋身！而最後試嘅U-571就是我最喜歡於潛艇倉用聲納探測深水炸彈一幕，深水炸彈由遠至近爆炸我係身體感受到嗰種距離！極過瘾又緊張，雖然不知睇咗N咁多次！

試到呢度我係冇想像到條Arthur 用於subwoofer上係可以於電影聲效中有這樣提升，雖然今日不能插於電源濾波或AV amp作比試，但確實於subwoofer 上她並非作量嘅增益而是於質上，令整體低頻表現更形態化更立體更像真！！！期待遲些待小🐩🐩🐩出世後再試插於其他AV系統上。

bigpun1975

AV 都用埋

percyleo

bigpun1975 發表於 2024-9-9 18:20
AV 都用埋

超越想像效果，你也要一試