新手初次分享…. 勿見怪

buta.kami921

首先想多謝早前各位師兄既意見，
由於新機最後都係過唔到海關😵‍💫😵‍💫😵‍💫
唯有鬼鬼鼠鼠換埋個拖板😎😎😎
估唔到換完之後效果咁明顯
今次選擇左LABKABLE既Powertab 英式全銅版，配Gotham 85055 做總龍

響度再次同各位講聲，小弟係初學姐，技巧同銀彈都有限
套機都唔係d咩好高級既機，所以就算唔岩聽都唔好見怪😎😎

暫時小弟既配置如下
Marantz PM7000N AMP + 敏力AC-2502F
Marantz CD6006 + AudioQuest NRG Y-3
Sonus Faber Lumina I

喇叭線就係用緊QED Golden Anniversary XT, 另配DH LABS sonic bi-wire jumper
加埋LABKABLE既Powertab 英式全銅版，配Gotham 85055 做總龍

由於只係用電話拍, 質素都會較差...sorry sorry ~~~~




https://youtu.be/ZfJVUCn--cw

JohnWu

多謝分享！ 期待片和相，參考吓先。

jerrytck

師兄晚安！

馬仔一套夾聲，雖然係平價，絕對不失禮。
馬仔CD機音樂感非常好，你套組合CP值高。
可惜過唔到海關，真的無話可說，期待你日後可以升級。
電源着手都係一件好事，將機同喇叭發揮得更好，恭喜你買到心頭好。🐭😀👍🏻

Simcity

師弟，你客氣呀 👍👍👍

buta.kami921

如果拍左片, 要點先放到上黎 ?
定係放上youtube同share會好D ?

buta.kami921

jerrytck 發表於 2026-6-6 00:15
師兄晚安！

馬仔一套夾聲，雖然係平價，絕對不失禮。

海關話, 屋企部機都未壞, 換咩鬼 !
已經冇得好講......唉......
但上年8月先換左而家呢對喇叭, 又真係冇咩藉口

本身見部機都有6年....先考慮去換機....
而家只好望部野唔好有咩冬瓜豆腐...

jerrytck

buta.kami921 發表於 2026-6-6 12:56
海關話, 屋企部機都未壞, 換咩鬼 !
已經冇得好講......唉......
但上年8月先換左而家呢對喇叭, 又真係冇 ...

師兄午安！

有辦法另部機一邊無聲嘅，揾條🐔線做手腳得一邊有聲，同海關講部機壞，過咗一排先郁手，試下過唔過到骨。🐭😏

buta.kami921

jerrytck 發表於 2026-6-6 13:09
師兄午安！

有辦法另部機一邊無聲嘅，揾條🐔線做手腳得一邊有聲，同海關講部機壞，過咗一排先郁手，試下 ...

咁要搵條差唔多樣既線扮下野先得.....
而家咁樣, 都想聽多排先既....
話晒機呢家野冇得下下換...

同埋最怕就係一陣換左機, 又要重新慢慢較過晒D聲..
D線材又用唔著就.....

終於都upload左, link都貼左上去...
因為拍果陣撞岩小朋友響屋企玩緊, 可能會聽到小朋友既聲音

jerrytck

buta.kami921 發表於 2026-6-6 13:28
咁要搵條差唔多樣既線扮下野先得.....
而家咁樣, 都想聽多排先既....
話晒機呢家野冇得下下換...

明白嘅，玩下先。到時真係要換，咁就要出古惑喇。🐭😮

jerrytck

buta.kami921 發表於 2026-6-6 12:53
如果拍左片, 要點先放到上黎 ?
定係放上youtube同share會好D ?

直接在呢度放條link。🐭😮

racewong

初燒用Sonus Faber Lumina I已經好好啦.

我當然只係用EPOS

racewong

buta.kami921 發表於 2026-6-6 13:28
咁要搵條差唔多樣既線扮下野先得.....
而家咁樣, 都想聽多排先既....
話晒機呢家野冇得下下換...

你有空可以上黎俱樂部聽下歌, 大家交流下.

不過我有時好早收工, 最好就打比我預約先, - 6508 8000

buta.kami921

racewong 發表於 2026-6-6 14:05
你有空可以上黎俱樂部聽下歌, 大家交流下.

不過我有時好早收工, 最好就打比我預約先, - 6508 8000 ...

好呀，我岩岩先響荃灣放工
落雨又唔想4圍走，反正荔枝角好近我🤣🤣🤣🤣🤣