|
|
樓主 |
發表於 2010-7-3 23:03:31
|
顯示全部樓層
本帖最後由 kachow 於 2010-7-3 23:04 編輯
以下係我個陣玩JL Audio既時間用既線既Report.
終於忍唔住要換subwoofer線. 本身已經用AQ Sub-3, 銀包銅. 感覺上比一般RCA已經好好多. 感覺收放快. 隱形..
但係當我開始接觸單晶銅就比佢吸引住. 睇過其他人用佢做Subwoofer線都幾好feedback. 所以就一試. 今次所用既係全古河, 頭尾&線.
另外, 1開2都有唔少人會咁樣玩, 普遍都會覺得勁d, 但係又有人會覺得分薄左個signal. 今次順便試埋.
我再下一成. 橫掂都係做線. 就整埋RCA -> XLR, 聽開2channels既朋友話可能聲會怪. 但係普遍機本身Balance份料都會比RCA做得好. 所以有得駁Balance就Balance. anyway 我又試埋. 就變成而下有少少怪既線.. 
最後就係煲線. 我無乜特別器材煲線. 我平時都係用ipod駁入去開埋部subwoofer係咁打鼓. 打佢幾日先..
單晶銅有好多comments同佢既背景. 銀包銅會係快同薄, 單晶銅就係清析同有肉地, 但係等我試完先. 如果唔掂既. 就無謂講得太多..
試後報告
要大家久等真係唔好意思. 以下就係我試出黎既感覺. 先講結論. 好明顯我覺得條單晶銅係勝過銀包銅. 但係今次除左線料唔同. 仲改了一開二, RCA->Balance, 所以未必一定係單晶銅好聲過銀包銅...
單晶銅 (OCC) 的背景
好多玩開線既高手都會知. 單晶銅亦都唔係最新產品, 我亦都唔想係咁拋書包. 只係當時搜集左好多資料想係度分享下. 詳細背景可以參考百度百科, 其中有幾句係講左單晶銅既特性:
- 單晶銅在訊號傳訊時，無需透過晶粒與晶粒之間的“晶界”，訊號更易於穿透與傳導，因此損耗極低，堪稱是相當完美的線材。 其物理性能接近白银。
- 電阻比普通銅材低8%到13%；
- 韌性极高，普通銅材扭轉16圈即斷，單晶銅材可扭轉116圈。
我的單晶銅線
頭是用FP-106R $230 一個
尾是用FP-701M(G) $130 一個
線是古河μ-P2.1-50 $80 一呎
用古河的原因. 1. 方便買到. 2. 中價位線經常都有驚喜.
條線唔係我自己整. 因為Balance頭要辣. 我驚整得唔好.所以比$100人地整. 最失敗係無整網, 因為聽聞古河線皮擺得耐會溶..
試後感
用AQ Sub-3, 播地球毀滅密碼墜機個幕. 爆既力量感強. 全張sofa都感覺震. 頭髮都覺得會郁. 好震憾, 速度快. 爆完即收唔會拖得長.
用單晶銅, 都係同一個畫面. 爆既力量感都係咁強. 今次除左sofa會震. 仲有就係由個心入面震出黎, 即係個人好似離一離咁. 收既速度無Sub-3咁快. 最特別之處係佢爆個下好有空間感. 爆個陣會感覺個火堆有個距離, 同埋好有立體咁. 而Sub-3就會覺得係你面前爆咁,會覺得震撼, 但係好平面同埋低頻既範圍唔夠單晶銅咁可以塞滿成個空間. 呢d感覺就算用sub-3時校大聲個volume都比唔到 (因為銀普遍會比銅細聲少少). 聲音密度單晶銅會比得足貨.
初初好怕用銅黎做subwoofer線. 因為擔心聲音好肥..尾音收得好慢. 唔夠清. 所以用銀包銅, 但係欠缺左立體咁. 最後見到單晶銅除左改善了分析力外. 聲音密度都會提升. 而兩條線都係唔會影響個下潛力.
結論
個人覺得呢條線配係D 打心口又或者收放快既SUBWOOFER係好過銀包銅. 但係如果係d一浸浸玩下潛力既subwoofer. 效果可能會覺得拖慢左. 不過呢d係我個人諗法, 加上今次既比較兩條線都幾多地方分別. 我覺得尤其單晶銅個條用左雙Balance頭. 呢度都幫助不少.
有好多時候配線都唔會話一個話好.就全世界都覺得好. 因為當你買左條全世界都話好既線.返到屋企發覺只會心理上係覺得好. 其他聽唔出. 到你問返人點解. 佢地會有好多解釋, 房間問題,煲左線兩個世界. 部機唔夾. 個電唔好喇.... 到你續一改善最後連樓都換埋既時候. 你好有可能都忘記左最初買返黎既時間既聲音. 所以我好多時候都唔會睇D試都無試過..只不過人地話銅就係咁. 銀就係咁既討論. 如果財力可以支付既.咪買條試下..唔得既.. 咪周圍睇下試聽下.. 總有野係岩你既... |
|
IP卡
狗仔卡
發表於 2010-7-3 22:57:43
雖然而家無玩.. 但係都好難忘JL Audio把聲. 
提升卡
置頂卡
沉默卡
喧囂卡
變色卡
顯身卡
