拎咗三條線对後我的组合改變(又再度更新)21/09/2010(终章)

andy88

小弟一向对寫佈告無乜興趣 尤其係電源線 亦因小弟乃乞衣一個 冇乜機會玩D高级貨色  難得洋服人盛意拳拳贈上三條美色 完全冇x唸過我唔會還比佢既天真心態下 姑且又試吓睇吓點.......


本乞衣今次用上既器材係 DENON SA1 DENON AVP A1HD & POA A1HD全天龍系來測試 本身線材 SA1 AET HIN EVO
                                                                                                                           AVP AET HIN EVO EVO                                                                                                                       POA  ACROLINK 4030 OR FURUTECH FP-3TS762
首先想講 我對以上的组口巳彼滿意 係呢D價位己無乜特別投訴 AET HIN放落天龍度 我發覺幾匹配既 音場幾清 细節及層次感分明 不會有拖的感覺 夠爽夠快
而4030及古河放後级 分別是 古河條線力量比4030好 但及不上4030既清徹 即係有D"泣"兩者互有高底 但4030質比較高 合理

好勒到戲肉 本乞衣先將CPD條 HIN脫下 換上Siltech SPX 880  開聲 ....發覺音場及弱音係開揚咗 濶咗既 但人聲呢?點解會細咗呢?我唔知呢D係好咗定係差咗 但開揚咗 濶咗呢個係不争既事實.
                     之後 將條 JPS AC+ 換上後级度 再開聲 好明顯個底頻係豐厚咗好多既 但問題係多得黎好肥 唔似係有線條咁出黎.....有D失望

                      跟手 將條 AET SCR EVO 再隊落部後级度 又好明顯底個浸冇咗 哈哈 又唔合格....再一次
                 
             好喇 講到呢度 大家覺得仲應唔應該寫落去呢?  洋服人呢3條蛇身價會唔會大跌呢?  我單挑甄子丹唔知贏唔贏倒佢呢? 慾知後事如何 請看下回分解 哈哈哈

二部曲:(17/09/2010)今日故意行過d賣線既舖頭睇吓有冇死鷄執 可惜.......看來都要闖出個名堂來才可左右大局矣 努力

          言歸正傳 昨夜講到3條線都各有各既性格 但偏偏好似完全不能溶入我的组合 但大家唔好忘記前级 前级好似末比人插過喎 咁樣就二話不說就隊條JPS AC+落個前级度 條JPS AC+係我後级度既印像就係有力度 底頻比較豐厚 而現在放咗去前级 出來既效果 依然係比我原本的還及不上 雖然感覺上澎湃洶湧咗 但就是屬於惡了一點的一種 不夠輕柔 而且條SCR係後级度 令到底頻像收了一點 不夠深 聽咗一陣就不耐煩 忽然想起 將條ac+和scr換位咁會點呢? 待續.....
.
第三章:(20/9/2010)
          講咗咁耐都冇人問吓我用乜嘢cd黎測試 自己都唔記得咗要寫出黎 今日先醒起 你班友又唔問咁先奇喎 仲係咁加分 你哋係咪傻架
          cd 許美静 靜聽精采13首(97 頭版) 其中既第6首(如此) 呢首歌第一段可試 中,高頻 人聲 而弟二段就有低頻混入 而且旋律十分優美 實在不錯的 大家不妨試吓
       sacd  羅敏莊 都市戀歌 第1首 赤的疑惑 試背景抄豆嗰吓 另人聲口型樂器分離度 第三及六首 迷惘&柔情密意呢兩首歌試倒埋身感 人聲穿透力 彈跳力偏向高中頻 勁正
                                   今日又係咁先 下次有心情又黎過  
第四章:(20/9/2010 早上)
       上次講到將條scr同條jps換位 當插好線後 無乜期望下開機 之後就走咗去厠所練必殺技 约半小時才從wc走出黎 之後把聲量較番大 當時play緊許美靜的 再把曲目轉回第6首 轉變就從這一刻開始了 我發覺轉了位後  细節及層次好明顯比用條Hin時更突出 音域更廣更瀾 一貫aet的聲低 但卻加强了高中頻的埋身感 而低頻的潛力及控製力也是提升了 修了身 沒有了之前太肥的感覺 再試上羅敏莊的 赤的疑惑 背景靜 樂器人聲分離感更强 抄豆個幾吓聽得清徹 不像之前好像錄音有問題出d雜聲咁  試迷惘&柔情密意真個令人喜出望外 歌者的埋身感 在耳膜中的穿透力 非常强烈 背景,樂器的分隔度是我末在家中聽個的好 完全係不相信換位一吓就得出這頗大的變化來.....忽發奇想如果睇戲既話咁咪重不得了?但當時己是夜蘭人靜了 看來都要星期日才可盡情爆它一爆 .      
                                                                              欲知看戲效果及對線身評價 請繼續收看下集 請呀..
21/09/2010(终回)

        話咁快又到星期日 一早就拎咗隻本人認為係試機天碟之一既"死硬"第四集出黎 其本上呢隻碟差唔多乜都有得試 唔駛成日轉碟甘煩 而且聲畫達上级水平 不錯的一隻碟
      一開始就試在樓層內槍戰的一段 發覺槍聲口徑變得大了 子彈穿透力 射中物件的爆破力比之前?烈了許多 就連人聲對答也增加清晰 布斯偉利士說話的喉底聲也一一表露無為
為我增加不小的投入度 跟住再試直昇機狙擊隧道爆大獲一段 狙擊槍打落汽車的質感非常有力而帶清脆 汽車在擺脫時的左穿右插也帶有更強烈的移位 在隊道內抄車的一段空間更提供了更強的迫力 至貨車撞柱時才能稍稍停一停 ...... 最後就試戰機至完结的那一段 F14那種劃破長空的震憾力又是另外一個層次,埋身感又再加刻强;貨櫃車在断僑上被掃射解体 完全感受到那機關炮的恐佈感 口徑及破懷力比之前强猛突出得多 好可憐的貨櫃車=.=  最後去到片尾高潮 曲尺手槍發出的子彈聲 我也被嚇了一跳 由其歹角夾住女主角放那幾吓冷槍 真係幾乎心都離......總结這兩條(scr jps)加進我的影院系统 差不多可說是全面提升了不少 3d感 分晰力 力量 空間也全數升级 但荷包也會降级了....
        這三條線用我的系统 只要唔好錯配落機 基本上都是正面效果 但用於2ch有可能過於冇味較猛的一種 Aet本身特性就是冇味 立体感强 分晰力高 而scr比條hin更突出了許多 而jps ac+我覺得就係力强 底頻量多 但較為兇猛 (只是試了數天意見 有錯請修正) 而Siltech SPX 880  聲音走輕盈 高貴 空間感大咗 口型收细咗 (只是試了數天意見 有錯請修正)
如果 大家的 组 合係高分晰力 無味 走上快落的组合上 可能有機會過份失去音樂感 要係喇叭線 訊號線花工夫一吓 但如果用於聲音較柔的组合上該頗匹配的(末試過 幻想出來的)
但小弟的组合就2ch及影院我都接受的 的而且確是有大驚喜 尤其係影院方面有莫大的震憾.
         多謝大家多日來一直追看 因小弟不是寫布告能手 所以寫時亦要小心亦亦 以免誤導咗大家 當然小心亦可以錯 如有錯請多多包容 亦希望各高手師兄睇倒有唔對路既
对小弟作出指點 讓小弟從错誤中成長 謝謝
                                                              (全文完)
                                                                                                                                                       Andy88 21/09/2010

kleehkg

咁即係洋服人入錯嘢.........

pepsiman

洋服公仔人呢次真係偷雞唔到蝕渣米...;P

hkp1196

洋服公仔人又奶嘢, 可能3條都係假嘢..............

cyberken

洋服公仔人又奶嘢, 可能3條都係假嘢..............
hkp1196 發表於 2010-9-17 12:12

    借你條鯊魚比ANDY 可能會嘩一聲.

hkp1196

借你條鯊魚比ANDY 可能會嘩一聲.
cyberken 發表於 2010-9-17 12:21

可能我果條都係流嘢...............

cyberken

咪寫D唔寫D啦....拿拿聲交貨呀
AC+的確係比較惡聲D...

andy88

咪寫D唔寫D啦....拿拿聲交貨呀
AC+的確係比較惡聲D...
cyberken 發表於 2010-9-17 19:37

    小你 寫倚天都唔係一朝一夕啦 雖然我唔係寫倚天 哈哈哈

cyberken

小你 寫倚天都唔係一朝一夕啦 雖然我唔係寫倚天 哈哈哈
andy88 發表於 2010-9-17 19:41

    話時話條SILTECH 個性格真係幾突出(唔BALANCE),個個意見都差唔多.不過有師兄同我講過插前級表現仲好.

jason_lwk

然後又點呢~~~

sk555

你寫嘜q呀，扮q寫小說，好似電台講故咁，玩吊引.................

andy88

你寫嘜q呀，扮q寫小說，好似電台講故咁，玩吊引.................
sk555 發表於 2010-9-18 00:11

    下集就出乾坤大哪移喇 請姑姑耐心等候

sk555

下集就出乾坤大哪移喇 請姑姑耐心等候
andy88 發表於 2010-9-18 00:24

    我去遊鵰河~~~~~~~~~~~出下集就用 gps call :call: 大鵰載我返黎:loveliness:

andy88

我去遊鵰河~~~~~~~~~~~出下集就用 gps call  大鵰載我返黎
sk555 發表於 2010-9-18 00:29

    儍X咗

ki45

儍X咗
andy88 發表於 2010-9-18 00:30

    有緣人快D出下集啦

claero

話時話條SILTECH 個性格真係幾突出(唔BALANCE),個個意見都差唔多.不過有師兄同我講過插前級表現仲好 ...
cyberken 發表於 2010-9-17 19:50

me too ...i m quite satisfy with siltech 's high note ,describe as airly ,detail n open . its good to match nbs cable at the back .

cyberken

影幾相好喎, 淨睇你D字好DRY 喎

pepsiman

線材係用嚟調味,andy哥你套癲龍本身已經內工深厚,
呢o的咁嘅低級蛇,取向係力猛粗聲果隻,
插入....你套旗艦級組合度,只會"行"得濟,
所以無好結果,不如攞嚟俾我玩仲好啦,
我套嘢雞仔聲,需要三蛇進補吓....

andy88

線材係用嚟調味,andy哥你套癲龍本身已經內工深厚,
呢o的咁嘅低級蛇,取向係力猛粗聲果隻,
插入.... ...
pepsiman 發表於 2010-9-19 12:10

    啱啱試咗套戲 同聽歌係兩碼子既事 洋服人用得都唔會低级喇 你估吓吓好似勁人兄 樂林兄 加洲兄呢d年輕材俊個d先啱咩 我呢d淨衣派既有呢d線試吓好滿足架喇

Hintel

線材係用嚟調味,andy哥你套癲龍本身已經內工深厚,
呢o的咁嘅低級蛇,取向係力猛粗聲果隻,
插入.... ...
pepsiman 發表於 2010-9-19 12:10

我都要進保下