香港重係咪法治社會泥嫁?

Manson

水警開始將啟豐二號拖返水警基地
(商台)2010年9月23日 星期四 23:14
保釣行動委員會的啟豐二號漁船，再度嘗試出發前往釣魚台島海域捕魚，但連續第二日受到水警制止，水警傍晚起三度登上啟豐二號，要求他們折返，但保釣行動委員會拒絕，將船停在橫瀾島海域附近，雙方僵持近六小時，到晚上近十一時，水警輪駛近啟豐二號伴行，又安排拖船，將漁船拖返西灣河水警基地。

保釣行動委員會成員何俊仁表示，正由大律師研究文件，考慮是否對水警昨晚制止啟豐二號出海，採取法律行動，或會申請禁制令，將在幾天內有決定；全國人大常委范徐麗泰說，相信當局是擔心船員安全才制止他們前往釣魚台島，呼籲保釣人士要注意安全，出海前先三思，否則如果在大海出事，港府亦鞭長莫及。

係無合理理由同法理基礎情況下,限制對方活動自由
                                                                               算唔算非法禁錮呢?

kleehkg

水警開始將啟豐二號拖返水警基地
(商台)2010年9月23日 星期四 23:14
保釣行動委員會的啟豐二號漁船，再度 ...
Manson 發表於 2010-9-24 01:03

    呢單嘢我諗都係唔想好似上次咁，攪出人命.....

Manson

陳毓祥事件當年對我自己影響好深
其實我都唔係感讚成佢地去，怕攪出人命
不過，特區政府都唔可以三次無法律基礎下，叫人返泥感無理掛

datacoma

兩邊做既野大家心照，都係鬥繞口扭六壬。
冇錯政府係強來；係理虧，但只要唔係好心做壞事；目的正確，對與錯相信事後總有公論。
調轉，真係按法律基礎乜都唔做；萬一真係搞出大頭佛...
到時政府拎番張法理牌出黎，又估下有冇市民話佢做得啱！
反正點做都可能要捱鬧，但出手起碼減低左傷亡風險先...
菲律賓單野我地咁大折損，咁短時間內如果又整多單，咁真係唔係幾老黎。

Manson

由回歸第一日開始，我就好驚我地會俾人同化
十幾年後，就連法治呢一關，最後都守唔住
作為香港人睇見真係好心痛
法律~本身就有制衡權力既作用
如果只係＂好心＂想做佢地認為既＂好事＂
唔需要理會法律有無受權佢感做
同＂人治＂根本無分別
我自己相信世界上最危險既野，並唔係什麼大殺傷力武器
無制衡既權力~先係世界上最危險既野

jason_lwk

我覺得做野要睇整個局勢~~~
為免節外生枝, 有時手法差d都要局住去做~~~

保釣人士值得致敬
但關乎國家主權既事
睇野就要宏觀一d

大ken

有時D野真係兩難

pinkhung

冇計!!亞爺落疴打做嘢

datacoma

樓上Manson兄講法，恰恰就似過去[24]電視劇第七季既點題~
死跟法律做事結果未必完滿，但唔跟法律就會有兄所講既權力問題。
結果同事實有時係會有矛盾，但問題重心都係點樣可以完善解決一件事..
政府打橫黎，都係無計可施，先有焗用偏方。

調轉講乜有人真係存心出海捉魚咩！
我地成日鄙視有錢人最識玩法律，依家D所謂[漁民]咪一樣用番法律黎同政府扭六壬。
OK算政府依正律例黎做，眼白白睇住班人出海，萬一大吉利是；到時大家會怪邊個？！
咪又係怪政府點解唔及時出手阻止囉，唔通會話D[漁民]唔聽勸告係疚由自取，政府維護法治精神撤手不理做得啱咁咩。
輸打贏要，有時真係都唔一定係政府專利。
政府係無能，但總好過乜都唔做，你只能怪佢做得冇智慧，又暴露左佢官字強來既一面。