本帖最後由 hkp1196 於 2010-10-7 21:36 編輯
To 小瑟
哈!自古苦口良藥, 忠言逆耳, 我只係將當日盲眼試線會的結果反映俾d新仔會員知, 當日線王亦在場, 條線有無做過手腳, 可以問下佢, 條線唔掂係事實, 我亦從無sell過d新會員買其他牌子的線, 講出真相就ban A/C, 但係就任由d真正的打手誤導新會員, 呢d就係依家76的作風, 報喜不報憂, 還是因為d打手喺度落廣告, 所以任由d打手出打手報告, 若真如此, 請恕小弟阻大家搵食, 祝76業務蒸蒸日上!
From 小瑟
條青蛇我晨早都講到明同佢代理永不合作, 唔好再講咩搵食咁無謂既野勒.
版主, 你唔洗再講咁多仁義道德既野勒, 你出POST前都預左你係風神敢死隊架啦, 你地跟本就係借討論來POST你既HIENDY既LINK以收宣傳之效, 係你未出LINK之前我跟本都冇干涉過你架, 你地開壇有伙地自己, 你有你地做我有我地做, 點解成日都係係度攪咁多小動作來呢?? 咩 76己死, 夠了~~~~
To 小瑟
小瑟兄, 你咁講小弟就明白哂喇, 你叫小弟唔洗再講咁多仁義道德既野, 小弟亦想同你講一句, 唔該你唔好成日扮哂清高, 成日話團購無錢賺, 條 Northwire 來貨 $XXX, 你賣 $490, 每條賺 $XXX, 攪咗咁多次團購, 賣咗無1000條, 都有800條, 淨係條 Northwire 你都賺至少XX萬, 不過以 Northwire 的質素, 賣$490, 仍然係入門首選, 所以一直都無出過半句聲.
不過見到你攪 OPPO 個團購, 真係 O 哂咀, 咁樣綑綁式推銷, 同 MK D sale有乜嘢分別, 部 OPPO 攞唔到好價錢, 好心就唔好攪, 叫人自己上網買好過喇, 部 OPPO 無錢賺, 就要人跟條線, 喺條線度賺番, 條線係高質的當然無問題, 不過呢隻牌子之前紫色果條已經奶到啪啪聲, 成日話線材的口味各有不同, 自己鍾意就得, 呢d說話呃d新人就得, 果條線聲畫俱朦, 明顯係劣質線材導致嚴重失真所造成, 資深的玩家都知道呢隻牌子好有問題, 你身為影音網站的負責人, 唔好同我講你唔知呢條線有問題, 但係你仲攪團購介紹俾會員, 當時已經覺得76已經變咗質, 變成一個唯利是圖, 見錢開眼的網站.
呢條線質素差無人買, 代理自然要割價促銷, 你就即刻同人劃清界線, 將責任推落代理度, 終於見識到乜嘢叫反轉豬肚!
直到百事佬事件, 覺得76的討論空間越來越細, 才去 hiendy, 其後獲邀請做版主, 亦只係義務性質, 從無收過一分一毫. 以前 AVBuzz, review33 亦經常 post 76 的 link 出來, 何嘗見過 kill post, ban A/C. 當然, 你身為網主, 有權刪除你認為不當的 post, 不過如此行為, 只顯示出你心胸何其狹窄, 不能容人. 大家道不同, 不相為謀, 別矣!
最後奉勸小瑟一句, 賣嘢賺錢無問題, 不過唔該攞番個良心出嚟, 新仔唔會永遠都係新仔, 遲早會知自己奶嘢, 睇下係早知定係遲知! |
IP卡
狗仔卡
發表於 2010-10-6 21:37:15
提升卡
置頂卡
沉默卡
喧囂卡
變色卡
顯身卡
喺果面攪乜俾人ban Q咗?
別了,不過都做咗幾个鐘頭英雄!!
,
