自己嚟! 亂裝HC4000完成!!

hiulam

多謝一位熱心朋友幫忙, 昨日上午9點半就送貨上門, 隨即度位上機!
     
        左試試, 右試試, 由於舊機個位與HC4000有點不同, 但又唔想隨便鑽牆, 固先按HC4000提供的資料, 先從高度埋手, 將舊投影架切割, 幸好一切順利, 高度SET到啱啱好, 二話不說就上架試看, 由於未SET好左右, 鏡頭並非對正幕中央 (有7CM偏差), 所以效果未算完美, 但問題未算嚴重 (起碼全家人都睇唔出有問題), 試看效果方面, 先不講畫質, 又有另一個問題出現!
     
        當好近看時, 發現畫面有輕微振, 查看之下估計係HC4000內有3把散熱扇在轉動, 而我投影架又係一條柱式所致, 好彩未有即時鑽牆, 先試一試先, 現在可以考慮換埋隻架佢, 唔知有無好介紹呢, 今次唔想要一條柱的, 最好成個平台仔, 可以隨意放的

kachow

有無圖睇下?

hiulam

為咗解決震盪問題, 前日上淘寶訂咗隻度身的新架, 昨日已收貨, 返到屋企就即時拆舊架開工, 值得一讚係我一再指定架嘅高度一定要係33.3cm, 結果給我的貨, 準確度好高, 剛好就係33.3cm, 而且個架嘅質數好滿意, 調較好容易, 對準位好輕易就可以固定!
   安裝非常容易! 但昨晚攪咗一晚, 今日就整咗半日, 其實都係攪返上手d手尾, 拆舊架後, 四支拉爆以及舊架的痕跡, 唔攪返掂去, 以後都唔駛再鑽牆!
   拆拉爆真係攞命, 整到個天花花鬼晒先拔掉! 跟住就用現成原子灰攪返掂d舊痕, 又批又摩, 整足一晚, 第二朝就買天花油油返靚佢, 由於唔可以心急, 要油幾次, 所以又攪咗半日!
   最後可以上新架了, 上架只係用咗十分鐘唔駛!
   效果非常好, 架好穩固, 唔會好似舊架咁輕輕掂下都會搖, 畫面穩定晒, 正正正!

bigpun1975

回復 3# hiulam


    好靚仔喎

pepsiman

師兄,裝得好靚喎...
請問個投影機架幾多銀呀...

hiulam

另外, 有位師兄pm小弟想分享下安裝心得! 小弟本身唔係師傅, 只係有興趣自己落手落腳攪, 所以先亂裝得通, 唔敢亂教人, 只可以係度分享下我安裝的經過!
     經過之前有安裝過一次的經驗, 一如以往首先上網找該機資料
找到hc4000的原廠安裝資料, 就可以度好晒所有尺寸, 按圖輸入, 並得出以下結果
(由於小弟用梗幕, 所以所有尺寸都已固定好, 我自己認為一定要先安裝幕先, 原因係用機就幕好過用幕就機, 即係可以就住自己認為睇得最舒服的位置裝幕先, 之後才按所需要的高度訂投影架就可, 第一次裝舊機時, 我就係先裝機, 結果係有一定誤差, 點都裝唔到官方位置機亦無法做到水平, 而今次幕已固定就好辨好多, 亦都可輕易安裝到官方指定位置)

hiulam

以我為例, 經官方計算機得出, 我的天花至機頂應該係33.3cm, 我就係淘寶訂, 同賣家講明, 一定要33.3cm, 我係勁長氣叮囑佢係一定要33.3cm ;P, 賣家亦好firm就話, 放心, 無問題!
    第二日, 順豐就到貨, good! 返到公司即時拆開裝好佢度一度先, 放心, 得二, 三件parts唔駛睇說明書, 3分鐘就攪掂, 果然係33.3cm, good! good! good!
    咁樣成件事就成功咗一大半,  因為按hc4000官方資料, 再加上實際上係舊架上試過, 佢係zoom in zoom out 方面好大下, 即係相距幕的安裝距離好有彈性, 我本身就唔太喜歡用zoom功能, 但都留有一點空間, 即係只用少許zoom功能而已, 最緊要係度啱鏡頭對正幕中央, (呢隻架另一優點就係可以調較左右) 之後就可以上架, 上架後調較角度好輕易就鎖緊, 終於可以較到剛剛好, 而且好穩固!
    不過講到好似賣廣告咁! 但佢真係好正, 之前我走去鴨記四處找, 係咁搖人地d架, 無一隻合心水, 呢隻真係好穩, 食得死唔再震:victory:
    利益申報, 本人與賣家毫無關係, 亦不相識, 亦無任何利益輸送.......只係裝完之後真係覺得好滿意, 所以先分享下!

hiulam

回復 5# pepsiman


    我無刻意講價, 只係隨口問平一點可以嗎? 賣家答: 連運費人仔400, 我自己去順豐取件

ikkjr

自巳裝都可以咁靚
讚佩不已

hiulam

回復 9# ikkjr


    客氣啦!  其實安裝真係好容易, 最難反而係清除舊痕, 安裝果PART, 只要度好尺寸, 10至20分鐘就OK

SmallEar

hiulam Ching
U did a very good job

pepsiman

回復  pepsiman


    我無刻意講價, 只係隨口問平一點可以嗎? 賣家答: 連運費人仔400, 我自己去順豐取件 ...
hiulam 發表於 2010-10-24 01:51

可唔可以俾條Llink我呀...
其實拆爆炸螺絲好簡單,
只要o係粒螺絲隔離鑽多個窿,
你就好易咁抆佢出嚟o架o勒...

SmallEar

可唔可以俾條Llink我呀...
其實拆爆炸螺絲好簡單,
只要o係粒螺絲隔離鑽多個窿,
你就好易咁抆 ...
pepsiman 發表於 2010-10-24 10:29

    SmallEar agree with the way U 拆爆炸螺絲
I been spend time for this , hope can share it with Chings:

Copy the post  from  etsang3 Ching in 33.com.
I think is very useful;    " 入牆後之'膠塞'如何能整粒拔出 "
以下是我(etsang3 Ching) 常用的"拉爆螺絲"取出法。研究研究。
(1)把中央螺絲搥入

(2)用小飲管在周邊滴水
軟化墻身並有潤滑作用
(不要用油或WD40,日後鬆漆油或貼墻紙會還會有油污滲出的)


(3)15分鍾後再加水一次,再等
5分鍾才動手

(4)第一下動作很重要。
用鋒利剪鉗,大力夾實加左右搖擺,
在它身體做出一道坑紋

(5)放開鉗一會,然後再夾實

(6)把鉗慢慢扳向下,螺絲便會被慢慢被撬出,不損墻身

(7)螺絲被撬出一些後,在新的位置再夾實

(8)再扳下撬出螺絲

(9) 反覆7,8 的動作直至螺絲全部取出

(10)最後把螺絲芯也取出

(11)用白英泥把墻洞封好

hiulam

回復 12# pepsiman


    梗係可以啦!  少事一宗, 只係驚俾人話賣廣告, 你問到, 就放上嚟俾大家參考下

http://item.taobao.com/item.htm?id=5499195870

hiulam

回復 13# SmallEar


    我都係上網參考過先, 用嘅方法都係大同少異, 只係無用水, 最大原因係之前未試過, 所以都拆得好辛苦!

bigpun1975

回復 14# hiulam


    幾多日有得攞?

SmallEar

回復  SmallEar


    我都係上網參考過先, 用嘅方法都係大同少異, 只係無用水, 最大原因係之前未試過, 所 ...
hiulam 發表於 2010-10-24 11:35

    Same here,  never try these thing before,too. is so辛苦
even the C FU finnished the job, I took it off & replaced it again,
just try to make it somehow better,so 辛苦
but fun.

pepsiman

回復  pepsiman


    梗係可以啦!  少事一宗, 只係驚俾人話賣廣告, 你問到, 就放上嚟俾大家參考下

...
hiulam 發表於 2010-10-24 11:30

    Thank-you...

hiulam

回復 16# bigpun1975


    其實大部份在淘寶買的野, 用順豐的話 (最好寄去最近你的順豐門市自取,因為會快好多,又唔駛俾佢加收你$20的所謂偏遠地區收數,香港大部份地區都被順豐定義為偏遠地區;P )  多數你上午入好數與賣家確認之後, 賣家在下午就會發貨, 第二日中午順豐就會CALL你取件! 好方便!
   
    而我今次因為下午5時半先入好數, 所以賣家話明日先可以發貨, 而我就在後日早上就收到順豐電話取件!
    又要俾少少建議大家,  我的朋友們經常經常在淘寶買野(每星期都買), 總結係用順豐會比較穩妥, 一來快, 二來無收多錢, 三來包裝企理.....無失拖.............

bigpun1975

回復 19# hiulam


收 VISA 嗎? 新界區有冇順豐門市?