音響歷程分享 Part 1-過程篇+Fuse篇+插蘇篇

xyzero

雖然玩咗AV大大話話都成12年，但頭10年係俾AV玩，到最近呢兩年當我遇到一位啟蒙師兄Leo 就開始正式玩返AV!

我嘅故事係頭8年唔講，因為只係燒銀紙完全唔可以叫識玩！跟住第9、10年開始用心去玩，當時自己係以兩聲道聽CD去較聲！方法係以人聲口形大小、樂器結象、定位做標準！毎當發現有問題就去換fuse或換電源線去較聲，因為自己有個概念係聽歌都靚聲、睇戲實唔會衰聲！

呢種觀念直至我上Hiendy之後改變咗！一直方向都係錯！一切改變全因小弟第一個家訪者Leo開始
佢聽完我套嘢之後有d意見問我介唔介意聽！ 我當然講唔介意啦，我最鍾意朋友講真話 當時係試Rundown，佢話細緻聲係好多甚至過多，細緻聲多唔係問題，但高音、中音偏多而中音、中低偏弱才是問題出現，所有中低都係用超低谷出嚟！由於要用超低去協助中低導致超低音壓要摟過大而使某d低頻段over!

之後佢問我係咪換過fuse同牆身插電源牆蘇，我就答所有機都換晒fuse，包括BD機、前後級同拖板！牆身插蘇己用晒屈機381同古河GTXD，當然佢聽完之後提議我遂件換走d fuse同牆用返銅如HB，我完全冇考慮過就要求佢陪我一齊試！

當時最簡單嘅緊係換fuse，收細超低換第一粒（前級）大鑊中低真係多咗d，之後後級結果更加明顯 ！由於時間關係冇再試BD同牆蘇 ，但佢提醒我唔一定要全部換走，可以留返一兩個位較聲！

放工返屋企再換走BD機又唔同咗，大部效果都係正面，之後再遂個牆蘇換HB，結果中低遂小遂小返來囉 ，睇戲動態好咗、有力好多、平衡性好似良好咗，但有小小燥！跟住再試聽歌效果嘩冇禁幼細小咗音樂感人聲冇咗種甜味，連個口形都大咗！

最後較一較聲後級換粒古河fuse，後級牆蘇、拖板牆身取電位用HB，BD同前級經拖板取電所以BD用番屈機381，前級用古河GTXD，再試多次效果舒服咗、好聽咗但都係有d怪怪哋！

之後買咗4隻唔同牌子嘅fuse俾部後級較聲包括古河藍色、inxxxxxx、Isocxxxx、Sinx，run in過後覺Isocxxxx最夾！故事緊係未完啦！

第二次家訪嘅犀牛兄、是嗎兄、細耳兄、五姐，我都有問佢哋意見！佢哋話有d位太好聽但其實唔應該係呢d聲！係冇頭緒嘅情況下都唔知要攪乜

到第三次家訪AVMilk兄、史提兄，佢哋話高音唔夠開楊，當時大家都有時間嘅情況低下又試吓換嘢！佢哋負責聽，我就負責換！ 因為我個拖板有好多個插位所以我將BD插去HB頭，佢哋即刻話好咗問我攪過d乜，之後再將前級插去另一組HB頭，佢哋話高音再開楊咗，最後將後級fuse換返原裝，佢哋今次反應係：你又攪咗d乜今次分別仲明顯，後來再解釋我換過d乜！ 又浪費咗好多錢！聲當然仲未得！此過程已是年半前了

故事仲未完！下回預告！HiFi架篇+電源線篇（呢個先精彩嚇死你哋）
其實一直好想寫自己經歷想借個鏡俾大家分享吓：
1。呢到好多高手個個都好好人，如果唔想交禁多學費、唔想俾AV玩敢就唔好怕醜問多d!
2。如果有心玩又想套嘢有進步敢就要嘗試明白一個道理（個人認為），套嘢唔會有最好聲，只係會越嚟越好聲！但你要懂得聽取別人意見，從而懂得選擇提升自己器材，敢樣先會有進步！
3。高手嘅誕生我相信都係由問、同試、同多聽，多d同朋友互相分享開始，我相信Hiendy全部都會成為高手 （我除外，我永遠都係新手學極都學唔完）
4。較聲方法個人認為不可用兩聲道方法作標準調較，只可作部份參巧！AV用返AV嘅方法！
5。獨立電係必必必要！

以上都係個人觀感！並冇任何惡意！如有得罪敬請見諒！如冇得罪敢就加吓我分啦！

iwantbd

知道路係人行出來!!就已經知道點去行路了!!

xyzero

iwantbd 發表於 2012-5-8 03:52
知道路係人行出來!!就已經知道點去行路了!!

冇錯

xyzero

iwantbd 發表於 2012-5-8 03:52
知道路係人行出來!!就已經知道點去行路了!!

雖然bd兄主力玩兩聲道但你對金耳朵聽AV都非常利害！唔怪得之Harry兄叫你來聽嘢！ 你當日嘅一話又另我學多樣嘢！多謝你！

johnnykut

第一集精彩
等睇第2集

billy250

so good

masteralain

好有heart嘅文章，我小玩AV都忍唔住入黎加分

Gary33

非常正的分享，thanks.

bigpun1975

非常精彩的文章，不過你識到  LEO  呢條友就真係唔好彩喇

pinkhung

leo呢條忍樣

herman

我重來都唔會換fuse

No2

精彩用心的分享。


- 發送自我的 iPhone 大板凳應用

sing1357

非常精彩既分享

小弟都覺得兩聲道玩法同av有唔同，本身cd同bd混音既取向唔一樣，如果想用音樂較聲用bd演唱會比較恰當

牆蘇我有一組wattgate另外係hubbel，間唔中都學師兄咁轉下唔同插法，有時有意想不到既效果

benson26

呢到的確有好多好好既人，好到我住係澳門咁遠都要過黎幫我set 機

ryanenen

牆蘇我只有clipsal + MK 13A，拖大陸美式+英式拖板, 我到電係最雜亂最cheap 既组合.

rklpoon

呢d咪叫做反璞歸真law.

iwantbd

xyzero 發表於 2012-5-8 04:14
雖然bd兄主力玩兩聲道但你對金耳朵聽AV都非常利害！唔怪得之Harry兄叫你來聽嘢！ 你當日嘅一話 ...

客氣啦!!

其實av才是禾的主菜--------個多月前才影音分家 行獨立巴倫士!----這裹Ｄ人太好聲了

不斷吸收他人長處,化為已用,是禾學習的要决!!


大家一起努力!向更,更靚聲出發!

Manson

有時買補品真係要睇準先出手，用左唔一定好，可能重衰都未定

chung190030

等睇第二集呀！

PP-HK

雖然我主力玩2 channel, 但xyzero兄的路和我接近。都係開頭玩好多配件、補品, 但到了某一階段, 突然發覺d聲失卻真我, 幸好我也得高人指點, 他說調聲用一點就可以, 全部也是補品等於重覆調聲。我聽到後覺得很有道理, 反覆將牆插由多個鍍金、銠白金轉回HB銅插, 發覺d聲真係放左好多, 當然同聽開既聲底也許有點不同, 也要慢慢習慣。