求教 ~ 新居裝修、準備功夫

itloan

小弟近日慘被逼遷，由大屋搬細屋，希望可以為新居多作準備，以求日後玩得開心。可惜小弟心中無料，袋中無銀，還望各巴打多給意見，如有大約消費數目，即更妙。

一、新居佈局

呈長方型、橫放，左邊飯廳、右邊客廳。

二、考慮範疇

1、電力供應：究竟應拉多少條獨立電源線給影音系統？做多少個牆蘇？可否直接做美式蘇底？

2、地板處理：上大人希望把木地板轉成地磚，但小弟擔心撞聲問題、可以嗎？

4、後置喇叭處理：想做 7.1，但沒有側面牆身，不知怎樣安排？

5、投影機安排：暫時沒有投影機，但見眾巴打玩得開心，身痕想留位。怎樣做定位又遮到醜？

6、窗帘設計：右邊是露臺位置，有一落地玻璃窗，怎樣遮光和防撞聲呢？因小弟只擁有半邊廳的主權，上大人要求外表美觀啊？

7、吸音或擴散板物料：左邊是飯廳位置，怎樣令左右聲度平衡呢？淨係在梳化後牆身，加上擴散板可以化解嗎？

8、房間隔聲處理：睡房門加隔聲物料，可否令小弟半夜安心爆機？定係冇鬼用，左鄰右里都會㩒鐘仔？

再先多謝各路巴打多給意見

iwantbd

謀定而後動

zealhifi

最緊要電位,我牆插用4個美式及3個英或式.最後發現英式無用,只用了一個,插燈,但線箱獨立拉線出就最基本,再要獨立保險制

chrisclw

放個floor plan上嚟比大家睇下先啦!

TCRAY

你新居果邊我做個兩個單位大門走廊好應聲你要有心及身理準備

pinkhung

1，起碼一組獨立比數碼，一組比後級，
4，好似波凸咁裝天花

kuromitms

zealhifi 發表於 2012-5-13 14:16
最緊要電位,我牆插用4個美式及3個英或式.最後發現英式無用,只用了一個,插燈,但線箱獨立拉線出就最基本,再要 ...

我都係由電箱拖咗6組獨立線,一組去投影,一組去SW,其餘4組雙位中有3組用美式,英式真係無乜用只用作拖板 有機會連個隻都換美式用60A拖板
http://www.hiendy.com/hififorum/ ... &extra=page%3D1
我之前裝修歷程

bigpun1975

一定要打直個廳玩

kachow

獨立電我總共整左6組. 1組比投影, 1組比sub仔, 1組比avm 同BDP. 另3組比2ch.

kachow

投影機方面, 如果能夠叫裝開投影既師父黎先度位..再開隆做電掣, HDMI制. 電幕電源制.. 咁會fit好多. 同埋可以收埋好多外露線..

itloan

iwantbd 發表於 2012-5-13 13:45
謀定而後動

冇法啦！銀彈少、又冇 bd 你咁多料，咪要開聲求救囉！

itloan

zealhifi 發表於 2012-5-13 14:16
最緊要電位,我牆插用4個美式及3個英或式.最後發現英式無用,只用了一個,插燈,但線箱獨立拉線出就最基本,再要 ...

師兄、呢個部分我真係好唔明：

一、拉電係每個牆蘇同燈喉計錢，咁究竟拉幾多條電綫從電箱去呢？要考慮乜呢？（銀包除外）
二、用乜嘢電綫呢？曾有師兄教用啲數十元一呎嘅電線，但又粗過手指，不能穿過燈喉，需剪開外皮、淨用線蕊，咁又啱唔啱呢？
三丶其實都會準備加隔離牛和拖板，咁點解仲要做多個牆蘇呢？點考慮數目呢？孖蘇得唔得呢？
四、使用HiFi品牌蘇底是否有幫助呢？有冇好介紹？
五、在家居可否使用美式蘇底呢？合法例嗎?

還望各巴打指點

itloan

TCRAY 發表於 2012-5-13 14:54
你新居果邊我做個兩個單位大門走廊好應聲你要有心及身理準備

唔係要改大門呀？咁甘？我夜晚冇神Q俠侶開咁大聲喎，咪嚇我喎？

zealhifi

工程費唔知點計,因老友幫手,但當時話一個制位約500,我就超級朋友費,曰薪加食飯
我計一個比power amp,一個比sub,一個出排蘇比前級,cd,解碼,一個獨立排蘇比av amp 藍光等,英式本來比電視同遊戲機等,
我行槽的好粗都ok
用美式好似話火險有問題,你用美式線都唔合法,但英式選擇少了很多

zealhifi

四、使用HiFi品牌蘇底是否有幫助呢？有冇好介紹？


你睇師兄d 古河  '好靚仔'

iwantbd

itloan 發表於 2012-5-13 18:59
冇法啦！銀彈少、又冇 bd 你咁多料，咪要開聲求救囉！

以前開農場---雞仔料,豬仔料,三七料就多

rklpoon

bigpun1975 發表於 2012-5-13 17:01
一定要打直個廳玩

x2,打横若距離近玩7.1可能效果会打折扣。

rklpoon

itloan 發表於 2012-5-13 19:19
師兄、呢個部分我真係好唔明：

一、拉電係每個牆蘇同燈喉計錢，咁究竟拉幾多條電綫從電箱去呢？要考慮乜 ...

當你好似我咁多件电器擺埋一齊你就需要多牆蘇la：-

http://www.hiendy.com/hififorum/ ... hread&tid=10552

另換美式牆蘇改進：-

http://www.hiendy.com/hififorum/ ... p;extra=&page=1

itloan

chrisclw 發表於 2012-5-13 14:48
放個floor plan上嚟比大家睇下先啦!

請勿理會圖中電掣位

maygchan

師兄，小弟都分享小小經驗.

1、電力供應：究竟應拉多少條獨立電源線給影音系統？做多少個牆蘇？可否直接做美式蘇底？
     我總共做咗6個制位，12個插位全美式，因為我屋企係三相電，所以每相出兩組電，由大電箱前出6條6定10mm單支線去MK老鼠尾fuse制，MK老鼠尾我喺英國ebay訂，大概2百幾一個，之後出6組（每組三條)4mm舊庒派拉利線出6個牆蘇，一卷唔記得50m定100m大慨7百幾，不過而家好似好難買倒老P線。溫馨提示，師兄最好考慮埋lan線牆插，因為而家D電視，amp,bd,CAS,都有機會要駁埋home network, 所以預定會比較好，我就買咗一卷Cat6線嚟拉哂全屋。

2、地板處理：上大人希望把木地板轉成地磚，但小弟擔心撞聲問題、可以嗎？
地磚上可加地氈，但我唔太識，還請其他師兄作答。

4、後置喇叭處理：想做 7.1，但沒有側面牆身，不知怎樣安排？
可以選冇方向性例如mirage上天花, 又或者用腳架，如有錯師兄請指正

5、投影機安排：暫時沒有投影機，但見眾巴打玩得開心，身痕想留位。怎樣做定位又遮到醜？
我喺後面做咗個櫃，既可放CD又可以收埋部投投，用先開櫃

6、窗帘設計：右邊是露臺位置，有一落地玻璃窗，怎樣遮光和防撞聲呢？因小弟只擁有半邊廳的主權，上大人要求外表美觀啊？
厚絨布我唸會係好選擇，但靚厚重身絨布唔太平，我就用咗不透光捲簾，兩邊用鋁糟以防止溜光。

7、吸音或擴散板物料：左邊是飯廳位置，怎樣令左右聲度平衡呢？淨係在梳化後牆身，加上擴散板可以化解嗎？
唔識，還請其他師兄作答

8、房間隔聲處理：睡房門加隔聲物料，可否令小弟半夜安心爆機？定係冇鬼用，左鄰右里都會㩒鐘仔？
除非換門，如果唔係我估效果唔會差太遠
另師兄可以click我signature第一張相可以睇倒收埋投投個背櫃同窗簾框。以上係小弟小小分享，有錯勿插另希望以上資訊可以幫倒師兄。