本帖最後由 pepsiman 於 2010-10-26 10:07 編輯
今日搵齊料,再同部N3死過...{:5_528:}
話說尋日帶埋部N3去lulu sir屋企家訪,一心諗住佢果度工具多,方便D整,
而且有幾個會員o係度,諗住可以大家一齊見證重生嘅N3表現,
點不知搞到中途遇到個意外............
第一次升級更換嘅電源線
由於早前將部N3同部BDP-05比較,一比之下,發覺N3分析力不足,
尤其低頻幾矇,無晒層次,而畫面亦較淡及欠缺立體,
原本我對MDP要求唔高,但求有聲有畫就得,
但自從買咗條古河電源線插落部BDP-05之後,
見畫面同聲音都有所改善,心諗.....既然已經有條唔錯嘅電源線,
何不將部N3改埋佢做IEC插座,咁咪可以share條線囉,
真聰明... 於是就開始做功課同搵料,
最後選擇咗Oyiade銠白金IEC插座($88,幾底),
德國MUNDORF金銀合金線($150呎,好很貴),同埋WBT銀錫($10),
雖然唔係D咩高級嘢,不過就非常切合我部N3嘅身價.
先解剖開部N3,將個背板拆咗出嚟,咁會方便D整,鐵碎唔會飛入底板度
跟住度啱個IEC插座尺寸就用電鑽鑽兩個窿mark位,之後再用剪鉗剪開背板
之後放個IEC插座落去試位
跟住就到犀牛出手,將電源線先焊落去個IEC插座
再o係個接觸位度套上熱縮膠,然後用風筒吹縮佢
第一階段成功
接住落嚟就到另一面焊對排鈎
唉.... 個意外就o係度出現,
焊完對排鈎之後,發覺其中一隻斷咗個倒鈎,
鈎唔實個碼仔,咁會好危險,好易漏電(之前已經中過兩次蕉,怕怕)
原本諗住焊過第二隻,但當時有十幾隻眼望住我,所以只好放棄...
........... ............. ............. .............
今日食飽飯即時開工,由於尋日已經整到七七八八,
我只要焊埋其餘個隻排鈎就搞掂,最後唔使一個鐘,就將部N3成功升級...
釘蓋前先試試佢,好彩無跳fuse
最後釘埋個蓋,大功告成...
報告 : 睇咗三段片,包括G.I JOE, 阿凡達同埋拆彈雄心,
講真,提升真係唔少,立體咗,顏色鮮明,雜訊少咗,
對比度高咗,相信唔會全部係IEC插座又或者機內接線嘅關係,
古河電源線都應記一功,不過聲效由於太夜唔可以盡情一爆,
唯有等下次再向大家報告... |
IP卡
狗仔卡
發表於 2010-10-26 01:24:25
提升卡
置頂卡
沉默卡
喧囂卡
變色卡
顯身卡
發表於 2010-10-26 01:41:16
發表於 2010-10-26 08:58:28
