本帖最後由 supercow 於 2012-7-18 16:09 編輯
又係我超牛呀...唔知呢篇係第幾篇家訪呢...但我依然樂此不疲..因為, 我真係好鐘意玩音響, 聽音樂....
今次, 去到好遠的新界, 亦係我長大的地方, 一個同我一樣, 都係好鐘意聽歌的網友: 華哥之家...(大隻佬頭像...哈, 我終於知道點解華哥用大隻佬做頭像啦)
其實, 我係在HIENDY認識華哥的....自從上次出左POST "尋找超牛信號線後"....華哥係第一個PM我, 叫我唔好買線住, 佢借D線比我試, 中左先比錢, 唔好洗禁多錢, 到最後都找唔到自己要的, 但錢就用左好多....當時真係好感動....一個從未見個我的人, 比左對3萬幾4萬元的JORMA DESIGN 信號線比我, 仲要送到我公司樓下...仲叫我試清楚先....佢真係唔驚我唔比返佢.. ....佢係第一次見我...
但自此之後, 每當我見到華哥, 大家都會傾到唔想停...因為大家都好鐘意音樂...一傾...就好似識左好多年的老友一樣....真係好開心....在上網生涯, 佢係我第二個最好傾的網友...第一個係叫UO...當時一齊玩FOCAL, 真係好開心....
講左好多無謂野.............講返今次家訪....就係上星期, 收到華哥PM, 話請我家訪下佢..見識下佢SET 正野....話..BURMESTER, SONUS FABER...一定要去....仲要....又係去到我屋企樓下車我...無死啦...唔洗行, 正...就去左一天....無錯...係一整天...
詳細分享
今次試聽的組合, 係全SET BURMESTER + SONUS FABER 頂級喇叭..以我所知, 大多數用SONUS FABER的用家, 都會選擇高文或者ARC係為音擴....而BURMESTER+ SONUS FABER到底係也野聲呢? 真係好想知..
一開始試聽, 我就拿出試線大會時用的試音CD....先聽男女聲熱下身....哈..整個組合給我的印象係清, 斯文...那種感覺, 與細TEC兄和JAMES兄的分享大同小二....詳情大家可以重溫以下POST...
http://www.hiendy.com/hififorum/ ... &extra=page%3D4
整個感覺, 比我覺得套Burmester分析力真係好強, 其實一早預計到, 因為我以前已家訪過不少用BURMESTER的網友....BURMESTER分析力真係當今數一數二...記得當年鐘醫生拿部089去PK ESOTERIC P02/D02..分析力真係不分上下, 你可想而知, BURMESTER分析力有幾利害...不過, 在華哥屋企, 除左一向聽到的BURMESTER的高清分析力外, 仲有一種好斯文, 好談定的感覺...呢種感覺, 使人聽歌時好舒服..你不會聽到過於表現的高低頻, 而是整體上的一種舒服感, 而且係一種好斯文的感覺...當然, 分析力依然非常高...
到底呢種感覺來自那裡呢? 因為在以前家訪的經驗, 應該不是BURMESTER本身的味道...想了一陣...最終知道答案鳥.....那種感覺係來自JORMA DESIGN....啊....我個人認為, JORMA DESIGN真係好夾BURMESTER...佢係一條好自然, 好舒服的線材, 亦帶點北歐味道, 與世無爭的感覺...加上BURMESTER的超高分析力與SONUS FABER的強勁音樂感....帶出來整體效果的確係好好..JORMA在這裡的表現絕對係對得起佢身價...返而我在想, 如果當時加對SILTECH或者NORDOST入去系統, 那出來的聲音應該會幾行和幾硬....這次經驗, 令我體會到線材與器材之間的MIX AND MATCH是非常重要的.
去到呢樹, 我地已經聽左大約1小時音樂鳥...哈...發燒友, 一定有野唔滿意....華哥覺得, 總係差少少音樂感, 音場與及肉地...那何為音樂感, 肉地...真係唔識講.....其實我都有同感.....好...就係呢個原因, 我地熄機, 開始做手術..玩線材換位, 器材換位, 喇叭位置移動等....試左好多野...最後結果係.....也都返曬來了...話....我自己都不太相信...聽返之前試過的男女聲, D感情真係出曬來, 聽返小提琴, D箱聲出返曬來, 聽打鼓, 底音彈跳力, 音場都非常好....哈, 器材真係無罪, 一部061都已經令我非常滿足....改變之大亦係我意料之外...
其實, 到底我地做過D也....我就唔講啦, 你地自己PM華哥啦....
總結: 試聽後的感覺係......"佢係我家訪生涯中最好聽的三甲...唔計黑膠"......高清自然有肉地有音樂感又有音場...佢係玩清而舒服的路線...定位音場都係一流水平...而且高中低好平衡...沒有過多的高低音....實在好的精彩.....
(註: 以上全是超牛個人主義...千其唔好信....仲有, JAMES同細TEES兄, 有機會上去再聽下. ...真係正)
|
IP卡
狗仔卡
發表於 2012-7-18 00:26:30
提升卡
置頂卡
沉默卡
喧囂卡
變色卡
顯身卡
，搵度知音人果種感覺真係好渦心
。我都好想有人借PAD喇叭線比我試左先買
