新手入門-討論後置位置篇5.1

白影

某天跟一個新識既朋友係巴士上討論有關後置既擺位, 而佢都同我差唔多, SOFA貼牆, 而佢依家用緊既方法我都用過, 不過我之後改左, 為左「毒」佢攪一攪個位置, 又去載貼番N年前既野先:

==============================================================================================

網友:

hello,

新屋裝修已完成95%, 基本上係定晒型無得改架啦,而家先發覺無叫cf 整喉上sofa 牆上面(喉整左係sofa後面地下)  

其實後置用stand得吾特? 定係都係要釘番上牆, 唸法子收起d speaker 線呢?

客廳深: 8呎半  寬: 7呎半

THX~~

小白答:

可以用STAND喔, 但你個位就可能出現, 皇帝位左右方的家人就聽到哂一邊既後置聲, 令到成套野只有皇帝位比較好環回感...

而放在牆上, 小弟個人經驗及見過幾合高手校聲時都會把後置對番入皇帝位 OR 2隻後置單元面對面咁放, 而不會如師兄你圖中的對番畫面方向...

因為咁放, 你的後置音場會唔夠集中, 連貫性會低左, 甚至出現無聲的情況, 因為去哂前方, 同你前置聲抵銷哂...

根據某本影音書刊的說法, 貼牆SOFA的後置, 放於牆中左右兩面, 耳水平對上2-3呎, 而單元方向基本是面對面, 如果想環回定位準確及細節清晰一點, 就可以指向皇帝位, 如長期多個一個人一起在看, 及想後方的趀音比較闊, 就可以水平咁放, 單元對單元, 即係D聲係你頭上打橫咁出...

師兄要留意, 以上是非正式的後置喇叭擺放方法, 因為正式的環回喇叭應該係我地後斜方, 但香港有幾多人可以唔係SOFA貼牆, 所以先出現以上說的非正統方法...

而要對正皇帝位定係水平, 你可以慢慢試, 因為每個人要求及口味不同, 我都試左好多次先決定現在的方法...

網友:

cf們 既意思係:


1.咁?



2.咁?



3.咁?



其實我吾明cf點可以"試左好多吾同方法" 咁你幅牆味有好多洞?
我最想知stand方法work ng work, 因為睇吾到d線


ps: 我需要有2個皇帝

小白答:

我是先好多個細盒仔整高, 之後把喇叭放上去, 都幾煩既方法...
而我認識的人當中, 真的有師兄是「幅牆味有好多洞」, 我第一見到時都 O 左咀

如果喇叭完全沒變, 單以理論分析 (個人經驗為主)

1. 後置音場闊, 但定位性比2.3弱, 好處是細喇叭都可以有連貫性既及闊的後音場

2. 皇帝位左右的人會長期只聽到一面既後置, 後方的音場環回感可以用差來形容, 但因為單元是耳仔水平, 皇帝位好易就校到比較理想的後置環回感及包圍感. 但要留意小心音量, 太大時會出現HEADPHONE效應, 聽就好過隱, 但聽真D其實抵消哂前置既聲, 而出唔到360度的環回感

3. 如果喇叭夠力, 可能是3者最平衡的做法, 校好聲之後, 皇帝位有理想既包圍感及環回感, 細節夠, 而左右兩方既朋友/家人, 也有比2理想既後置聲, 而不會單單聽丁一面既後置

小弟現在是2, 但之前試過3, 認為是我最好的情況, 但因為未上牆, 只係用盒整上去, 3不可以長期用, 家中有小朋友, 所以用住2先, 但當有上牆架之後就會定為3.. (註:轉載時已轉用了3好一段時間)

不過都係加多句, 每個人的口味, 要求, 家中的環境, 器材都不盡相同, 以上只是分享一下小弟的一些入門級水平校聲時所出現的情況, 當是參考但不可作準, 謝謝。

網友:

我係一個新手，對呢方面係零認識，一直用緊一套入門野onkyo605 ＆ mission m2s，因為換左tv，加上上左來76開始對呢方便起了興趣，日日上來76學野準備換野，好入正題，我本身用緊stand，我sofa係貼牆，我speaker 係微微向內向番電視咁放，今日見到呢個post Jeff兄 的留言，番屋企即係試試＃2 呢個方法（即speaker face to face），再用功夫熊貓 快指戰果一段 一試真係估唔到會提升左咁多，連老細都

小白答:

好開心有朋友真係有睇我既回文, 得唔得反而係其次,因為影音最好玩就係不斷試, 而因為各人環境, 口味, 器材 等等也不同, 其實不會有一個模範答案, 只有大家互相交流之後自己再於自己套野上去試...


記得轉左方向之後, 最好都係先AUTO多一次, 之後有時間再去細校EQ及音量等等, 因為我擔心你出現HEADPHONE效應, 簡單來說, 你會覺得多數既聲都係由後置而來, 而前置好似變得好細聲...

加油喔, 大家一齊努力, 去令到自己套野發揮出最好既效果 ^^

P.S 我都係新手, 所知不多, 如果有錯, 請各大師兄提點一下, 謝謝...

白影

其他如THX, DTS及DOBLY設定請參考如下:

THX

THX

DTS

DTS

DOBLY

DOBLY

andy88

其他如THX, DTS及DOBLY設定請參考如下:

THX


DTS


DOBLY
白影 發表於 2010-11-19 12:00

    哈哈哈 白教授又出嚟開館授徒了 支持一吓先
開張大咭嘿

白影

哈哈哈 白教授又出嚟開館授徒了 支持一吓先
開張大咭嘿 ...
andy88 發表於 2010-11-19 12:56

唔好玩啦ANDY哥, 只係比個朋友睇下, 入門野, 新手野, 你點會睇得上眼呀, 哈!

andy88

唔好玩啦ANDY哥, 只係比個朋友睇下, 入門野, 新手野, 你點會睇得上眼呀, 哈!  ...
白影 發表於 2010-11-19 13:02

唔係玩 係真心支持你 比心機

lulu

嘩 ! 許久不見 , 已是一派之尊
白長門 , 失敬 , 失敬
真是不可日而語 , 願聞其詳..................

白影

嘩 ! 許久不見 , 已是一派之尊
白長門 , 失敬 , 失敬
真是不可日而語 , 願聞其詳.................. ...
lulu 發表於 2010-11-19 14:00

LULU SIR! 我都係鐘你你之前同我改既名, 白小俠, 型好多, 呵呵, 唔好成日同我改名啦, 呵呵。
詳乜鬼, 我講完架啦, 無貨啦! 哈!

pepsiman

我個人經驗認為,如果對後置唔可以擺到好似幅圖咁同對前置一樣距離,
我建設對後置掛高少少,同埋後皇帝位約15-20度左右,會有更佳的環繞聲效果...

白影

我個人經驗認為,如果對後置唔可以擺到好似幅圖咁同對前置一樣距離,
我建設對後置掛高少少,同埋後皇帝位約15 ...
pepsiman 發表於 2010-11-19 23:52

百事兄喔, 太好了, 可以好好討論了。

太高會好易出現一個定位性既問題, THX既提議是耳仔對上2-3尺, 我好認同。而DD本身既提議更全是耳仔水平(但有條件, 是各喇叭跟皇帝位的距離一致)

原因是太高會好易出現一個咁既情況, 後面本身應該衝架車過黎, 結果變左係個飛機又頭頂飛過, 當然如果係聽珍珠港飛機由頭頂飛過那幕, 會好正, 但要有準確的定位, 高度是要很小心的。

點解咁多朋友喜歡掛高, 我既小小體會是因為大家係香港地, 後置既距離真係唔係太理想, 會好近耳仔, 而出現空間及跟前中置的連續性不一致, 所以提高後置, 換取距離, 而取得更好的連貫性, 包圍感, 空間感。我既解決方法是偷學了某版主的後置SET距離方法, SET到D聲好似遠左, 一來又唔會出現定位過高的問題, 同時又可以有不過不失的後置表現。

pepsiman

回復 9# 白影


白影兄,老實講,到現在我都未去過一個家庭影院,或者係showroom係可以set到5隻喇叭同一距離,
所以唔知5隻喇叭在同一距離而又同一高度會有咩o野效果,正如你所講,當5隻喇叭同距離而又同高度,
架車衝埋嚟應該會由中前方直去正後方,而唔會向上飛,但係如果情況換咗係一架飛機從前面飛去後面,
咁又會唔會覺得架飛機會好似架車咁低飛呢?我同通利patrick傾過呢個問題,佢嘅回覆係錄音師o係混音嘅時候,
係假定聽者會將後置喇叭擺放高過耳仔嘅水平,而且喇叭擺放有一段距離,聲音擴散可以還原到應有嘅高度,
就算戲院都會將後置擺到與聽者有一定的高度距離啦,所以我覺得唔會出現你所講嘅問題,但問題係掛幾高先係最好呢?
呢個先至係大家要研究嘅題目....

白影

回復 10# pepsiman

「白影兄,老實講,到現在我都未去過一個家庭影院,或者係showroom係可以set到5隻喇叭同一距離,」

講真我都未, 哈!

「我同通利patrick傾過呢個問題,佢嘅回覆係錄音師o係混音嘅時候,
係假定聽者會將後置喇叭擺放高過耳仔嘅水平,而且喇叭擺放有一段距離,聲音擴散可以還原到應有嘅高度,」

當中就加入了究竟佢係用咩制式, 係用DTS 定 DD, 以前聽過一個SIR級講, 當混音既時候, 佢地將唔同聲同既聲要先做基本既PCM, 之後就入電腦, 由SOFTWARE再自動化轉成DTS OR DD, 所以以前聽過有唔少老一代既人喜歡, 如果有OPTION, 會聽PCM而唔用DTS/DD。(我唔知真家假, 搵唔到有關既資料)

如果上面既野係真既, 咁即係話,  混音既時候, 如果出黎係DTS, 咁就應該係用番DTS提議既擺位, DD既就用番DD既擺位先會還原到最理想(OR應該講最原本理念)既音場效果。就此點黎講, 掛到天花版咁高既, 就應該唔係最理想既做法, 但我就真係見唔少係咁掛法, 連我老師都係咁, 我以前都成日同佢討論這個問題, 但我地既結論係係我地本門成日講既「耳仔收貨」, 而大家既耳仔都唔同, 因為各人既要求, 口味都唔同, 唔洗太過執著。



「就算戲院都會將後置擺到與聽者有一定的高度距離啦,所以我覺得唔會出現你所講嘅問題,但問題係掛幾高先係最好呢?
呢個先至係大家要研究嘅題目..」

都係那句, 口味, 取向, 要求, 大家都唔同, 唔會有定案。但我拿出來討論係想令一些新既朋友, 了解下擺位既影響性同重要性, 大家應該多一點去試同玩, 去找出自己最鐘意既。

pepsiman

回復 11# 白影


我好同意,如果梳化係貼後場嘅格局,將對後置掛高少少增加聆聽距離係可以有更好效果,
但如果梳化後有空間容許後置擺放,位置絕對唔需要好似掛兩側咁高....
至於係唔係要掛到上天花板咁高,真係要聽過至知...

timmywan

掛高對喇叭其實只係無辦法之中的辦法
有好多時受環境限制,我都想掛低少少
不過好易撞頭同有壓迫感

raymond430

後置掛幾高才是最好,真係幾頭痕wo,一鑽窿基本上都返唔到轉頭(老板),我將後置掛係六呎高,向內toe in約少少,經年多時間左調右校,暫時自己滿意!

bigpun1975

我可以分享小小, 2 & 3 , 我都試過, 因為我用 Onkyo AV amp, 之前有位大師兄同我講過, Onkyo Amp 發聲比較直接, 一定要用距離做個空間感出嚟, 所以用2 就死得o 咁我即刻鑽牆,
將後置放到約兩米高, 再擺闊小小, 喇叭單元面對面, 然後攞隻蔡琴演唱會嚟試下包圍感, 試咗幾
個角度, 發覺喇叭對皇帝位水平向下大約10度, 包圍感同空間感最好, so far 都好滿意!

Manson

回復 11# 白影

回復 10# pepsiman


    其實兩位有無想過
高度其實並唔係重點，角度可能先最重要呢
試想下，如果同一高度
但距離不同，校果已經差天共地
例如~同一高度假設1.8m
但1m同5m距離大家個角度已經不同
再加上，聲音如果有空間擴散的話
定位就會相對無感好
到時飛機又好火車又好
只要你從畫面得到既訊息係咩
主觀願望就會覺得係咩，感得唔得？

白影

回復  白影

回復  pepsiman


    其實兩位有無想過
高度其實並唔係重點，角度可能先最重要呢
試想下， ...
Manson 發表於 2010-11-24 10:04

我有指過角度架, 我都好同意角度都好重要, 高度同角度再加AMP內的設家, 對我來說, 三者一樣重要

charliey

this article is very useful ... push it up again